حملي و ضغطي و الصداع

[ليانة]

السلام عليكم و رحمة الله و بركاته

كروشات شلونكم ؟

موضوعي اهوا الله يسلمكم انا توني داشه السابع لله الحمد
و احس بصداع فضيع رحت المستوصف قاس ضغطي طلع 130/80
مره ثانيه طلع 150/80
دبالبيت عندي جهاز اكتروني مره 127/77
مره 142/87
دبصراحه احترت

قبل اسبوعين عند دكتوري قاسه 130/80
ددالاحين صارلي 4 ايام احس راسي بينفجر شسوي
منو صار فيها نفسي حتى اخاف انام يصير فيني شي


ساعدوني الله يسهل علينا كلنا يارب

 

[.. BNT ..]

انا كنت نفسج .. فتره وبتعدي

الله يهون عليج

 

[ليانة]

واي صج ؟ طمنيني بليز الله يطمن قلبج
خذيتي ادويه و الا شنو ؟

 

[ام الحلوااات]

اااااااااااااب

 

[KOKO_284I]

شربي عصير الكركديه ينزل الضغط

وبالجمعيه عند ماي المرقد وش وهالسوالف في ماي ورق الزيتون حييييييل ينزل الضغط

والصداع حاولي باي شكل انج تعطسين لان يروح الضغط اللي اللي بالرأس فيروح الصداع منج

وتره كلهم مجبرين

والله يسهل عليج

 

[@ام يوسف@]

ااااااااااااااااااااااااااب

 

[ليانة]

ما قصرتي كوكو الله يسهل عليج و ما قصرتوا حبايبي على الرفع

 

[بيت التوت]

الله يعينج حبيبيتي
اليوم انا السكر والضغط مرتفعين شنسوي
كل شي علي الحاله النفسيه
وصعب اتسيطرين علي حالتج
لاحول ولاقوةالابالله

 

[ليانة]

صاجه بيت التوت و الله كريم ان شاء الله بس طمنوني اللي فيني شي ما يخرع مو قادره انام

 

[*kim*]

حتى انا حايشني صداع !

 

[alhabibah]

130/80 مو مرتفع...يعتبر بالحد الطبيعي
آلام الصداع اللي عندج أسبابه ثانيه، يمكن اسنانج وإلا ارقبتج تعورج أو بداية سخونة...أنا كنت نفسج و هذا الكلام إللي قالولي ياه الدكاترة، واسمحولس آخذ بندول العادي كل 6 ساعات لين يروح الألم...
سلامتج وما تشوفين شر

 

[روح الأحزان]

الله يشافيج حبيبتي ويقومنا بالسلامه يارب حبيبتي انه ضغطي كان يرتفع١٤٠/٨٠ وكان بالحد الطبيعي بس لازم تراقبين ضغطج
انه ماعطوني لادوا ولا شي بروحه كان ينزل واعتقد يصير من النفسية والضغط الله يسهل عليج حبيبتي

 

[ام ساره 4]

شربي لومي أو كركديه بارد ينزل الضغط

 

[نهاير]

زين بنات بسالكم
عن هبوط الضغط شنو معناته؟؟؟؟
انا الحين بالرابع ورحت الجمعيه وعلي ماتمشيت فيها الا الدنيا سوووده وضيق بالتنفس قعدت بالارض ويالله يالله اتنفس وعوار بمعدتي وعلي ماريحت وغسلت وجهي واشوه ارتحت
بس بالليل رحت للمستوصف قاست ضغطي لقته نااااازل
من شنو ينزل الضغط يابنات مع اني احب المالح

 

[أبكاني ذنبي]

اذا ضغط ديري بالج ترى ينوموونج ويضبطوونه لج


وعسى ربي يشاافيج

 

[غرام القمة]

الله يشفيج ويعينج

 

[[[ عيون جابر ]]]

اعاني من نفس الموضوع وانا بنص الثامن حاليا

 

[أحلام العمر]

انا والله لي ثلاث شهور عوار مو طبيعي راسي وانا الحين بالسادس بس شنو اسبوع كامل كنت اراقب الضغط وسجله بورقه واعطيه دكتوري اخر الاسبوع وبالاخير سجل لي حبوب الضغط

 

[Bloom]

الله يهون عليج ويقومج بالسلامه

 

[ليانة]

مشكوره alhabibah الله يطمنج