حمواتي ... انتوا صدمة حياتي فديييييتكم

[عيون ملكيه]

حمواتي خوات ريلي العزيزات

كثر ما عقدتوني

جننتوني

حشيتو فيني

حفرتولي

طنشتوني و حقرتوني


كثر ما كبرتوا بعيني

شكرا :eh_s(7): من القلب

والله من القلب


لو اشكركم جدام العالم كله و لو اقدر اقول اسمكم وحده وحده :eh_s(2): ما اوفيكم حقكم

صج معدن الانسان ما يبين الا بوقت الشدايد

من اول ما عرفتوا حالتي و اني انطر الجنين ينزل و انتو ما خليتوني
صرتوا خواتي اللي ما يابتهم امي

صرتوا حنونات
صرتوا كلكم على قلبي
صرتوا تمروني عند امي
تسحبوني من البيت تقولولي يالله نبيج تعاونينا على لبس العيد
تفرحون قلبي بقطاتكم على بعض
و تريحوني و انتو تعترفون لي اشلون كل وحده تموت مني و من كشختي بطريقه تخليني اضحك من قلبي
حركاتهم و سوالفكم تنسيني همي
ما اظن ان في حموات مثلكم
والله اكتب هالموضوع و انا ودي اقول و اقول و اقول

لكن انا ودي كل بنات الكويت و العالم كله يعرفون
ان في حموات كل وحده منهم ذهبه نادره بهالوجود
:eh_s(2):

انا الله حطني موقف صعب و بإختبار قوي
لكن الاختبار الاقوى لكم
اشلون شلتوني من حالتي اللي انا كنت فيها
مع انكم مو ملزومات بهالشي
مو ملزومات انكم تمروني للتراويح و تمروني للقيام و تحرصون علي و تجابلوني
الله رزقني فيكم ويمكن لو عندي خوات من امي و ابوي ما سوولي اللي سويتيوه

دعيت الله انه يوفقكم و شكرت فيكم جدامكم و من وراكم

و اليوم اكتبها بالمنتدى الغالي

شكرا حمواتي
انتوا صدمتوني و الله
بموقفكم
و برحمتكم
و بإحساسكم

اللي سويتيوه و اللي قاعدين تسوونه عمري ما راح انساه


رساله الى بنات المنتدى :

كثر ما كنت اسمع عن الحموات و حركاتهم و مقثتهم
و كثر ما حاشني طشار من قبل

كثر ما احس ان الله رزقني بخوات ينحطون عالجرح يبرى

احسنوا النيه يابنات
ترا انا كنت احسن النيه فيهم و التمس لهم الاعذار لأني ما ابي اكون وحيده ابي خوات

و بأول مصيبه طحت فيها لقيتهم حوووولي لافين علي ما خلوني احس بالوحده ابد

 

[الجوريه الحمراء]

فديت حمواتي كل وحده احسن من الثانيه الله يحفظهم لي يارب

 

[جلكسيه اس 3]

اللي فهمته انهم كانو ميننيج والحين طخو اشوي عنج
عموما الله يهديم يارب و يهدي الجميع و يخليهم لج

 

[خالف تعرف]

الله يهنيكم ويزيد المحبه يارب

 

[جروح ودموع]

الله يهدي الجميع ان شالله

 

[Tulips]

ماشالله الله يتمم عليكم هالمحبه

و الله يهدي كل الحموات و الجناين و الخالات ويخليهم على قلب واحد

 

[أخر العنقود 2007]

الله يتمم امرج بخير
حبيبتي انا اعرف وحدة حمواتها كل شيء يسونه لها حتى تنظيف غرفتها مجابل عيالها دراستهم من كثر ماتقولي عليهم اقعد احسدها اقول من صجج انتي فيه حموات جذيه تقول صدقيني مرة الخدامة انحاشت كان الغسيل علينا الملابس كان يغسلون ملابسي وملابس اخوهم وعيالنا
حبيبتي بنات الحلال واجد بس الله يعوضهم ياربي ويرزقهم

 

[hooryah q8]

ماشالله الله يتمم عليكم هالمحبه

 

[بنات حواء2]

الله يهدي الجميع يارب
ياحلو الحياه من غير عدوان

 

[أم توتو]

الله يديم المحبه ويبعد عنا الشحناء

 

[باااربي]

:yaaaaaarb::eh_s(17):الله يتمم عليكم ولا يغّير عليكم

 

[Daleela]

الحمدلله ليه الحين الدنيا بخير

 

[om MaRyooM]

نطري شوي ويردون يقلبون مرة ثانية

لووول


لا اتقشمر ..

اذا السالفة صج الله لايغير عليكم ودايما تكونون ايد بايد .. وانتي الله رزقج على قد نيتج

والله يكثر من امثالهم ويهدي حمواتي وحموات الجميييع

 

[@ام يوسف@]

الله يديم المحبه ويهنيكم

 

[عسولتي]

صح كلامج الانسان مايبين الا وقت الشدة وبوقت السفرغير جذي ماتعرفين الناس موفقه يارب

 

[لحظآتَ]

اي هذي المواضيع السنعه
زهقنا من المشاكل والخيانات والهواش
الله يرزقج على قد نيتج يارب
والحمدلله اكييد الدنيا بخير وبنات الحلال وااجد ..
بس فيه حريم مايبين بعينهم .. وفيه حريم سنعات نفسج اختي .. يبين بعينهم الطيْب ..
..​

 

[pusy cat]

الحمدلله انا حمواتي مثل خواتي

مو كل الحموات شريين على حسب الشخصيه

وهم تصفية النيه لها دور كبير

 

[FeShinGoOo]

الشيطان شاطر وبالنسبه للحش والسوالف الي اتغث ترى حتى بين الخوات ممكن اتصير ومو معناته ان الانسان الي جدامج موزين بس ساعات يدش ابليس ويتسلط بينكم ..


الله يتمم عليكم يارب

 

[قطوووة]

وقت الشدة يبين الواحد

 

[miss_jamsheer]

الحمدالله
الله يديم المحبه بينكم