حمواتي بيدمرون حياتي

[كـآفي]

السلااام عليكم بنات
انا بصراااحة بدش بالموضوع ع طووول
انا تو عروس ماصارلي شهر وخالتي ام زوجي حبوبة وطيبة وزوجي الحمدلله يمووووت فيني بس بيت اهل زوجي متعودين ع الاهمال عايشين ع المطاعم ومافي عندهم اهتمام حتى بترتيب البيت بس اهم شي عندهم اللبس والمكياج والاكل اما شغل بيت تنظيف نووو ووووي اخر همهم
بس المشكلة عندي حمات مطلقة والثانية دوم زعلانه مع زوجها والسبب واااحد انهم مايقومون بازواجهم لا تنظيف لاغسيل لا طبخ طااااف
وحاطين دوبهم دوبي ماادري ليش:23_asmilies-com:عاد غيروا خالتي علي وصارت تبيني اسوي شغل الخدامة في البيت:balo:
لدرجه انها تقط كلام علي وانا بداري عشان تبرد جبد بناتها شسووووي..اريد حلآ واللي يعافيكم

 

[~LiBrA~]

رد : حمواتي بيدمرون حياتي

حبيبتي الله يعينج

مالج شغل فيهم عليج شغلج بشقتج وبس

ودام انهم مهملين بتصيرين لهم خدامه


وحقريهم ترا الحقران يقطع المصران

ومحد له حق عليج غير ريلج انج تخدمينه وتنظفين له مكانه بس مو مكان غيره


وخل يعيشون بوساختهم

 

[لمسه حزن]

رد : حمواتي بيدمرون حياتي

حبيبتي

طنشي وانتي بترتاحين

الله يعينج

 

[فوفو22]

رد : حمواتي بيدمرون حياتي

احنا ب 2011

يعني هالوقت انقرضوا اللي يكرفون ببيت الحموووله

وبعدين انتي ما زلتي عروس

واذا في شي يحتاج لترتيب خفيف

يقومون فيه بناتها البطاليه

وحاولي من البدايه

تكونين مستقله بشقتج من حمم ومطبخ وغيره

ويكون لهم وقت باليوم تقعدين معاهم

والله يعينج عليهم

فوفو

 

[كـآفي]

رد : حمواتي بيدمرون حياتي

مشكووووورة
ياغلاااااي تسسسلمين بس موعارفه شلون اتعامل مع حمواتي خصوصآ انهم يتدخلون بكل شي بس مو بصورة مباشرة يقولون حق امهم وخالتي تقط كلام علي او مرات تقولي جيبي ماي او تطلب اي شي جدام بناتها
اطيعها واسكت بس ملاحظة طلباتها بزياادة قسم غثوووني وانا طبعي استحي حيييل واطوف

 

[كـآفي]

رد : حمواتي بيدمرون حياتي

مشكووووورة
ياغلاااااي تسسسلمين بس موعارفه شلون اتعامل مع حمواتي خصوصآ انهم يتدخلون بكل شي بس مو بصورة مباشرة يقولون حق امهم وخالتي تقط كلام علي او مرات تقولي جيبي ماي او تطلب اي شي جدام بناتها
اطيعها واسكت بس ملاحظة طلباتها بزياادة قسم غثوووني وانا طبعي استحي حيييل واطوف

 

[ام _عبووود]

رد : حمواتي بيدمرون حياتي

اختي انتي توج ببدايه حياتج اذا بتديرين بال حق هذي قالت
و هذي سوت و هذي اشرت وهذي غمزت ترا بتتعبين
خاصة الحموات ماراح يوقفون و لا راح يتغيرون
انتي مالج الا التطنيش و لا كأنج سمعتي او شفتي شي
لا توشوشين حياتج بدينج
الحل عندج انت جابلي ريلج و باجر مع العشره ومداراتج لريلج
اهوه الي بيرد عليهم و يدافع عنج بس لا تطلبين منه يدافع عنج الحين
انسي الموضوع نهائيا و كأنج في عالم بروحج انت و ياه و محد وياهم
و ادعي الله ان يسخرلج زوجج و يهدي حمواتج بس هذا الي انصحج فيه الحين
و دايما في بدايه الحياة الزوجيه يكون فرض هيبه ... نظام نوريها العين الحمره
من البدايه عشان تصير خدامه لنا (محشومه) او تصير على مشتهاتنا اي شي نبيه تسويه
او اي شي نطلبه اتييبه لنا و ماراح ترد لنا طلب لانها تخاف تزعلنا و اذا زعلتنا يعني بتزعل
ريلها و اكيد ماراح تقدر على زعل ريلها
عشان جذي اقولج عليج بريلج و بس لان اهوه نقطة ضعفج و اهوه قوتج
الله يوفقج و يهنيج​

 

[فلونه فلنتينو]

حبيبتي الناس رضاها غايه لا تدرك بس اللي عليك ؛
ارضااااااااااااااء زوجك والاهتمام فيه
ثانيا ؛شوفي حمولتك شنو اطباعهم ووضعيتهم وانتي توك علي المشاكل وعوار الراس
شوفي خالتك العبي عليها بالهدايا من فترة لفترة وبالكلام الحلو طيريها
ثالثا ؛ قولي حق زوجك يجيب لهم خادمه اذا مو عندهم وريحي نفسك من هالموال
ومرات هبي لك هبات عروس طبخه حلوة او عشاء حلو حقهم
ومو معناته تصيرين خادمه للناس تري بيلقونك صيده وماراح يهدونك ومرات سوي لك قهوة العصر ونادي زوجك واهله عليها وتقهوو عشان يشوفك مع اهله كيف -- والناس بعضهم تري ما ينعطون وجه مو تهملين نفسك بربوع المطبخ وانت توك عروس
والحموله عامليهم بالحسني وسوي اللي عليك ولا تدورين الا رضي الله ورضي زوجك والخال والخاله حشميهم وراعيهم واخدميهم ان احتاجو لك
ولا تكوني انانيه - خليك معتدله في كل شئ وانتي تعيشي مرتاحه
وتقبلي مروري بالدعاء لك بالتوفيق في حياتك وزواجك

 

[كـآفي]

رد : حمواتي بيدمرون حياتي

جزاااكم الله كل خير يابنات وكل وحده شاركت ربي يوفقها ويسعدها
تسسسسسسسلموووون ع النصايح الطيبة:yaaaaaarb:

 

[شبعآنه دلـع]

رد : حمواتي بيدمرون حياتي

خليك رسميه معاهم ولا تطيحين الميانه نصيحه وما لك شغل الا بزوجك وشقتك والباقي عطيهم احلى طااااااااااااااف

 

[متحدونيه]

اب اب

 

[متحدونيه]

الله يعينج وما عليج منهم

 

[الغاليه نونو]

خلي ريلج يكلم امه ويشوف اللي يحوس بخاطرها قوليله مستغربه خالتي تطلب مني شغلات غريبه ماقط سويتها يعني تمسكني وشوفي شسالفه

والله يعينج علي النسرتين اللي مداحرينج بس اهم شي خليج حليوووووووه وطيوبه مع خالتج وريلج ومالج شغل بحمواتج يمه

 

[smartlady]

رد : حمواتي بيدمرون حياتي

اطلبي شقه بره من القعده وسطهم جنج خدامه

 

[::كيك وعسل::]

رد : حمواتي بيدمرون حياتي

حبيبتي مالج إلا الدعاء
ادعي انه الله يسخرهم لج ويحنن قلوبكم على بعض وتصدقي وكثري من الاستغفار
دامج ترجين الله ماراح يخيب ظنج

 

[المدينه]

مالج شغل فيهم محترين منج خلي علاقتج رسميه واهم ماعليج ريلج وبيتج بس

 

[ورد الغرام]

معاليك منهم سوي روحك صمخة وعديمة احساس وعامليهم برسمية عدل علشان يعرفو انك منتي مكلفة بأحد غير زوجك واد زوجك مو موجود خليك بغرفتك او شقتك او روحي بيت اهلك او خلي احد ايجي لك من صحباتك هدول ادا من البداية كدا بعدين حتى بولادك بيتحكمو فيهم معروفة هالحركات

 

[*loveli-noni*]

طنشي والله يعينج

 

[[[ عيون جابر ]]]

مالج شغل بتنظيف البيت لج بغرفتج او شقتج بس والكلام الي تسمعينه منهم سوي روحج مو سامعه ولاتكبرين الامور

 

[أحساس مجروحهـ]

,,

سبحان الله ! على بالي تتكلمين عن نفسي !


بالضبط بس الفرق فتره الزواج تختلف ,, انا صارلي 6 اشهر ,,


ونفس السوالف بالضبط ّ! وفوق هذا حتى زوجي بس يقعد معاهم يقلبونه علي ! ويسمع كلامهم

ومرا اقول له خالتي جذي قالت والله ! يقول لي لا انا امي اعرفها ماتقول جذي !!

واقسم بالله انا كنت اقول له الصج ! سكت عنه وقمت ابجي بروحي لان تحسست حيل احس الكل علي ,,
ويتدخلون بكل شي موووووو طبيعيين

تخيلي حتى مره ريلي قعد قبلي وانا تميت نايمه وقعدت وراه بساعه ,, تخيلي قامت الدنيا وريلي مايكلمني طول اليوم
بالليل جان يقول لي تدرين امي الصبح قطت علي كلام ,, تقول لي مو عيب عليك انت ماتستحي على ويهك قاعد ومرتك نايمه !!


ياربي شكووووووووووووو !! اهما شكو يتدخلون دام انا وريلي متفاهمين ومتفقين

ليش يقلبونه علي


تضايقت حيل
وسوالف واايده

حتى باللس تدخلو

ريلي راضي اللبس بنطلون وحماتي مو راضيه !!

وتقول لريلي روح يلا السوق اشتر لها دراريع مرتك تشعندها على طول لازقه بهالبناطيل !!

والله احس جد زهقت وحياتنا بتنتهي بسببهم لانهم يتدخلون بكل اصغيره وكبيره ,,



اللي نفع معاي

التطنيش


حاولي يمكن ينفعج

طنشت واااااايد وغالبنا نفعني

بس مثل عايلتهم صراحه حتى التنطيش يوفوقونه وماينفع معاهم !!


وهذه اخر اسبوعين معاهم ان شاءالله ويصير خير


..

سوري طولت عليج

والله كريم


مابيدج شي بس اصبري شوي

وحاولي تصيرين حلوه معاهم

وطوووفي وايد

وماعليج

اذا تضايقتي حاولي تفهمين ريلج الوضع واللي يصير

وخليه اذا تقدرين يكون بصوبج

يعني معاج

وربج كريم