.. حمُــدآن يآ حمدآن آمــّـك توصّيْــك !! .. :

[الجووورى]

يا مَسندي قلبي على الدوم يطريك
.......................ماغبت عن عيني وطيفك سمايا
هذي ثلاث سنين والعين تبكيك
.......................ماشفت زولك زايرٍ يا ظنايا
تذكر حياتي يوم اشيلك واداريك
.......................وآلاعبك دايم وتمشي ورايا ؟
ترقد على صوتي وحضني يدفّيك
.......................ماغيرك احدٍ ساكنٍ في حشايا
وإليا مَرضْت اسهر بقربك واداريك
.......................ماذوق طعم النوم صبح ومسايا
ياما عطيتك من حناني وابعطيك
.......................تكبر وتكبر بالأمل يا مُنايا
لكن خساره بعتنا اليوم وشفيك ؟
.......................واخلصت للزوجه وأنا لي شقايا
انا ادري انها قاسيه ما تخليك
.......................قالت عجوزك ما ابيها معايا
وخليتني وسط المصحّه وأنا ارجيك
.......................هذا جزىْ المعروف وهذا جزايا ؟!
ياليتني خدامتنِ بين اياديك
.......................من شان اشوُفك كل يوم برضايا
مشكور يا وليدي وتشكر مساعيك
.......................وادعيلك الله دايمٍ بالهدايا
حمدان يا حمدان امك توصيك
.......................اخاف من تلحق تشوف الوصايا
اوصيت دكتور المصحّه بيعطيك
.......................رسالتي وحروفها من بكايا
وإن متّ .. لا تبخل علي بدعاويك
.......................واطلب لي الغفران وهذا رجايا
وامطر تراب القبر بدموع عينيك
.......................ماعاد ينفعك الندم والنعايا






اترك المآيْك لكم .. : (
/