حنان دشتي ( البســــــتكي )...

[عـ عبدالله ـروس]

السلام عليكم

بنات انا اكثر صالون سبيته حنان دشتي ولاتعيب وتبتلي ومادري شفيني هاليومين

شكلي ابتليت

شفت اكثر من عروس عليها مكياج البستكي فضييييييييييع

سؤالي :: شنو احسن لون يضبطونه

منو احسن وحده تحط ميك اب

منو احسن وحده تسوي تساريح

كم اسعارهم واجيب زياده معاي بحدود كم

اقدر احجز غرفه خاصه لي وله مافي غرف

كلش كلش ماعندي خلفيه عنه

ساعدوني بليز :eh_s(11):

 

[حلوه و أموره]

تصدقين عاااد

اليوم امي تسولف لي تمدح لي شغلهم

انا هالويك اند مشغوله شوي

بمرهم ان شالله عالاسبوع الياي و بشوف شغلهم على جم عروس
اذا عجبني بحجز ان شالله



كنت حاطه ابالي رشا شيك

الكل مدحه لي

الا عمتي ..قالت لي اياني وياج تروحين لهم



عاد ما ادري عالاسبوع الياي بقرر لأن لازم احجز







أب لعيونج

 

[عـ عبدالله ـروس]

لا ويييييييييييع رشا خدمتهم زفت ومنفسين

ترا توا الناس عالحجز مدحولي شروق ستايل وشفته شغلهم حلووو

بس مادري محتاره للحين

 

[دنيآي دنيآك]

نصيحه مني انا شايفه شغلهم روعه
وطبعا على حسب طلبك ...

ان شاء الله بحجز عندها ..

سمعت احلى شي رانيا وامل
والتساريح فيه وحده بس نسيت اسمها
اتمنى البنات يفيدونك

 

[عذبة السجآيآ]

كتجربه مني انا عرووووس

روووووووووووووووووعه بصراحه غير حنان كعروس لاتحطين نصيحه والله

وحلو عندهم اللون الرمادي والحمره اللي تبين على مسكتج

واللي يسوون الميك اب ,, امل ورانيا

شعر ,,, امل << نفسيتها رووعه + عربيه

الميك اب 300 + 50 الغرفه + 20 تأمين للغرفه +35 النظاره << رووعه لازم تحجزينها بيوم العرس وناسيه جم تركيب الشعر الطبيعي

يعني الميك اب مع الشعر مع النظاره (( اذا بتركبين شعر )) 350

وتأمين الغرفه يردونه لج اذا طلعتي بس لازم معاكم بطاقه

 

[انثى الغموض]

.

انا ان شاء الله عندهم
وراح احجز عند امل لانه مكياجها شفته بعيني ناعم الراقي مو اووفر وهذا اهم شي
وتساريح يمدحون زينب وعربيه بس بروح اشووف بنفسي ...~

 

[beren saat]

يمدحــون رانيــآ وأمـــل

والشعررر عربيـه

 

[أحلام طفله]

.,

كنصيحـه مني كـاعرووس سابقه
الحـــين مافي بالساحه احسن من البسـتكي
يحطوون لج إلي يناسبج آنا حطيت عندهم الاوفوايت طلع يجنن ما شاء الله
و صراحه نسيت الي سوت لي المكياج بس الشعر زينب وشغلها روعه
و نصصصصصصيحه حجزي غرفه ضروري وربي رااحه نفسيه تاخذين راحتج بعيد عن زحمة الصالون

و مووفقـين جميعـأ :*

 

[عمة الورد]

بنات متى لازم نحجز عند الصالون؟

و اذا بأجر النفنوف متى افتر على المعارض
يمدي شهر ٢ ؟؟

 

[Damo]

Up
Up

​

 

[ذهبه غاليه]

ابي استفيد معاج
اب لعيونج

 

[wardh_7mrah]

أبـــ ...​

 

[أحلام طفله]

.,

حبيبتي عمة الورد تبين رايي النفنوف أبدي فيه من الحين لآنه ربع التجهيز و لما تخلصين منه تحسين مثل الهم إنزاح
و الصالون آنا رحت قبلها بـ شهرين ونص لان عرسي كان فترة زحمة آعراس وقلت آحجز مبجر قبل الزحمه
تقدرين تكلمين الصالون تسآلينهم شنو نظامهم و متى تقدرين تحجزين

ومــوفقه خـيتو الله يجعلها من آحلى الليالي بعمرج ي ررب

 

[STILL G L A M ~]

لووول

مستغربه بصراحه من ردودكم

انا مجربته بعرس اخوي والميك اب مسويته امل

ووع بكل ماتحمله الكلمه من معنى وع وع وصصج لي قالو الناس اذواق

تهويل وماتطلعين من الصالون الا شوي ولااا ويهج متشقق اكريمهم خياااس اول شي

ثاني شي

يحبون يلعبون بويه الوحده خصوصا امل تحب تلعب بالايلاينر تخيلي اقولها بليز ابي الميك اب سمبل و راقي بنفس الوقت وتضحك معاي وتسولف واخر شي الايلاينر ويع قطيعه تخرعت

شوفي انا ما ابالغ وايد يشبهوني بمادلين مطر والميك اب الدفش والناعم لااايق علي والله طلعت من عندهم اخرع حددي واااي مانسى هذاك اليوم

انصدمت حدي واقولها عدليه جان تعصب وتتنرفز تقول لحظه ..نطرتني ليما سوت لصالون كله وماعدلتلياه تالي طلعت
وانا ابجي عرس اخوي الوحيد اطلع جذي !! جني مو انا !! طلعت الساعه 4 من عندهم رحت البيت مسحت ويهي بمناديل جونسون للميك اب وسويت الميك اب مالي بنفسي انا خبيره ميك اب عندي دوره ومتعلمه بسس شنو رفيجاتي مدحولياه طيروه السمااا وقلت اروح عرس اخوي الوحيد مابي اتعب نفسي و هولت بنفسي ودفعت فلوس واخر شي مسحته ..

الحمدلله اني اعرف سويت الميك بنفسي ركبت لي رموش وضبطت شكلي اخوي انصدم يقول فرق عن ميك اب الصالون


والشعر عندهم رووعه بس الميك اب ما انصحج كلش نصيحه اخذيها مني


..


ورشا شيك منو الي امدحته عفيا !!!!! من عمري وانا اعرف ان رشا شيك نفسيه ومايعرفون يضبطون تساريح العروس لازم تكون يابسه جنه مكتوت عليها بيبسي ​

 

[عروس الزين]

انا ان شاء الله عندهم
وراح احجز عند امل لانه مكياجها روعه شوي عليه و الشعررر عربيـه

 

[انثى الغموض]

^


شدعوووووه@@ still

يمكن انتي قعدتي وماقلتيلها ابي ناعم انا رفيجتي كانت عند امل وكانت حاطتلها شدوو رمادي. بس كااان خيىااال نااعم وخطتها نظيفه
يعني انا مااا احب كلش الاوفر حتى لو كان يصلح لي دامج تعرفين لنفسج ليش ماقلتيلها شنو الرسمه اللي تطلع على عينج حلووه

انا انصح البنات وين ماراحو سوا للحنان دشتي او غيرها تقووولها شنو اللي يلوق عليها مو تقعد وماتكلم اكيد بتلعب فيها..~

 

[رواني 2012]

متى ناوية تحجزين ؟؟
انا بعد عرسي شهر 3

 

[عمة الورد]

.,

حبيبتي عمة الورد تبين رايي النفنوف أبدي فيه من الحين لآنه ربع التجهيز و لما تخلصين منه تحسين مثل الهم إنزاح
و الصالون آنا رحت قبلها بـ شهرين ونص لان عرسي كان فترة زحمة آعراس وقلت آحجز مبجر قبل الزحمه
تقدرين تكلمين الصالون تسآلينهم شنو نظامهم و متى تقدرين تحجزين

ومــوفقه خـيتو الله يجعلها من آحلى الليالي بعمرج ي ررب

منو عندها رقمهم ؟

 

[وسطية ديمقراطية]

ما يعجبني صراحة
انا بعرسي رحت النخيل عند مدام ميرفت

جدا راقي و خطتها لبنانية حلوة
ستايلها مسحوب
وآيلاينر يدوب يبين

فنانه برسمة العين

وغلطانة اللي تقول تلطيخ
لان ميرفت تسوي على الطلب

وتسئلج شنو تبين بالضبط
وصدرها وسيع
ومريحه بالتعامل
ونصوحه

وتشوف اسنانج وشكل ويهج ونفنوفج ومسكتج وبناء عليهم تسوي الميك اب

انا معتمدتها حق عروس المقربين من الدرجة الاولى لانها بيضت الويه بليلة عرسـي

 

[غنآآآتي]

ما افكر اني اروحله لان بنت خالي حطت عندهم بعرس اخوها وبعرسها الصدمه انه نفس الخطه والصدمه الثانيه الي راحوا معاها بعرسها نفس مكياجها بالضبط !!
يعني مافي فزه عروس والناس اذواق وعيب البنات بالقسم اذا الوحده امدحت بالشي طاروا فيه من غير ما يروحون ويشوفون يناسب لهم ولا لا والله يوفقنا يارب