حوامل تكفوووون ساعدوني

[om yassor]

السلام عليكم بنااات اول شي احب اقول الله يهون علييينااا كلنا ويرزق اللي ماحملت انا الحين بالشهر التاسع بس تعبت نفسيا كل العمليات الانتحاريه سويتها واخر شي طلق خفيف صارلي يومين يعني باليوم بس 6 طلقات اصلا صار عادي مايعورني ابي تساعدوني شنو يحمي الطلق ويخليه مستمر



الله يعطيكم العاااافيه

 

[غنوة ستايل]

بالاساس الرحم مفتوح ؟
لو الرحم مو مفتوح ما تنفعج العمليات هذه

 

[يطة لابسة شنطة]

الرحم مفتوح عندك ولا لا

 

[روعه الأحساس]

نصيحه وأقسم بالله عن تجربه اشربيه وبالليل وإنتي بالولاده والوصفه هي

1 حليب كي دي دي ربع لتر + 5 حبات دارسين كسر صغيره + 5حبات قرنفل (مسمار- عويدي) + ملعقه زيت السمسم

وحطيهم شويه على النار بس يفوح حليه بعسل واشربيه وبشريني عاد

أمانه هالوصفه ماتنوخذ ببدايه التاسع لا بس إلي طايف عليها موعد الولاده

 

[جلاديلياس]

حبيبتي شربي دارسين وتبخري بقشور بصل وثوم وحنه وكركم وانشالله بزيد الطلق عليج وتولدين بالسلااامه

 

[om yassor]

الرحم مفتوح ٢ سم بسسسس وتوني صارلي اسبوع بالتاسع

 

[miss-winter]

والله ماعندي فكره اله يسسسسسهل عليج يارب

 

[om yassor]

حبايبي بنات مشكوريييين عالردود وحدانيه الله يسلمج حبيبتي

 

[x.Lina.x]

ليش مستعجله خلي كل شي سهلات من الله ..

 

[*ريما*]

رد : حوامل تكفوووون ساعدوني

ان شاء الله تولدين بالسلامة

 

[آهات الليل]

اكلي اناناس طبيعي وحده بوحده ماشالله
\تلقينه بمحلات اللي يبيعون عصاير وراح ايلج الطلق اهو يحمي الطلق ويفتح الرحم وامشي على تراب البحر

 

[.،:"$الـعـوبــــة$":،.]

نصيحه وأقسم بالله عن تجربه اشربيه وبالليل وإنتي بالولاده والوصفه هي

1 حليب كي دي دي ربع لتر + 5 حبات دارسين كسر صغيره + 5حبات قرنفل (مسمار- عويدي) + ملعقه زيت السمسم

وحطيهم شويه على النار بس يفوح حليه بعسل واشربيه وبشريني عاد

أمانه هالوصفه ماتنوخذ ببدايه التاسع لا بس إلي طايف عليها موعد الولاده

خوش وصفه ، تم التسجيل للتطبيق إنشاء الله ،،
تكفين ياصاحبة الموضوع اذا جربتي الوصفة ونفعتك عطينا خبر ،،​

 

[Sweat Dreams]

رد : حوامل تكفوووون ساعدوني

صراحه آنا كل شي جربته تبخرت بقشر بصل شربت دارسين شربت خروع قالوا اللي تقعد بالبانيو وتنقع بالماي ينفتح الرحم ما نفع معاي شئ وبعدين استسلمت وولدت لما خلصت شهري كامل ثاني يوم ولدت
لا تستعجليييين

 

[_Pure_]

حلو انج ٢ سانتي ماشاءالله

بس عليج بالصبر و الدعاء

و استمري بالمشي عالرمل و الجماع و اكل الرطب و هالشغلات المعروفه

الله يسهل عليج

انا كنت نفسج مفتوحه ٢ بس ولدت يوم ٢١ من التاسع

 

[للصبر اخر]

رد : حوامل تكفوووون ساعدوني

ماقصرت روعه الاحساس لاني اطبق هذي بولاداتي
والله يسهل عليج يارب

 

[om yassor]

مشكورييين بنات على نصايحكم بس امس سويت كل الطرق وكاني قاعده بالبيت ماكو ولا شي مالي الا الصبر على قولة يدتي لي نضى راسه بيطلع ....

 

[حرم_طيار]

رد : حوامل تكفوووون ساعدوني

صبري حبوبه مراح ينزل الا بيومه

لا اجازفين واتخاطرين بحياة البيبي

نطري توى الناس حياتي انا كل شي سويت واخر شي ولت قيصري السهلات من رب العالمين

الله يهون عليج