حوامل سمينات

[برد ابو الذهب]

وأخيرا رد المنتدي !؟ حدي اشتقت لكم بنات ؟! بشروا اشصار اشهببتو؟! انا عن نفسي امس لعنت خير الرجيم كان عند أهلي عشا وما قدرت اقاوم؟! بس راجعه اليوم بقوه! اشتقت لكم فردا فردا صج والله

 

[حياة ريلي]

التجمع صايرله يومين معلق معاي

 

[حياة ريلي]

انا يا حبيباتي ماشيه مثل الالف بالسفر يوميا ريوقي توستتين و قطعة جبن ابيض و خيار و طماط و ثلاث اربع زيتونات و شاي و قلاص ماي مع قفشة عسل عشان لا يحوشني امساك
و نطلع نحوس و نمشي و عقب ثلاث ساعات اكلي حبة فاكهه و بعد ساعتين يكون الغدا سمج مشوي او ستيك مع خضار سوتيه بدون دهن و ماي
و عقب ثلاث ساعات اكلي كورن فليكس و حليب خالي الدسم او حبتين فاكهه
و العشا خضار سوتيه او شوربه او بيض اومليت بدون دهن و ماي
و احس اني ضعفت

 

[Aloe Vera]

ماشاء عليج حياة ريلي نظامج وايد صحي مال الوجبة كل ٣ ساعات يخلي الميتابولزم نشيط

انا اخر مرة شفت وزني زايدة ٦٠٠ جرام

باجر بشوف ان شاء الله ما اكون زايدة

 

[حلااتك حلم]

قوه بنات

شلونكم


مادري شفيني من حملت زايده خمسه كيلوًً


انتفخت حيل


ابي اضعف. شلوون


تعبت

 

[Aloe Vera]

وي لازم انزل ٤٠٠ جرام
صج اكلي كانت الكمية اكثر من المفروض
مع ان اكلي صحي بس شهيتي ساعات تكون مفتوحة بزيادة هههه

 

[حياة ريلي]

ألوفيرا ساعات تكون الشهيه مفتوحه ﻷن الجسم ناشف فيه جفاف. . و المخ يفسر اشارات العطش بالجوع
احرصي على شرب ثمان قلاصات ماي باليوم غير عن اي سوائل ثانيه
وحاولي توقفين الاشياء اللي تعطي سعرات وايد عالفاضي مثل العصاير و الحلو
و اذا حسيتي نفسج يوعانه صج اكلي بروتين مثل بيضتين مفيوحات او استكانة مكسرات نيه
و اذا مشتهيه حلو سويلج حليب خالي الدسم مع شاي او نسكافيه بدون كافيين مع ثلاث بسكوتات ميري او اكليلج خمس تمرات و قوطي روب او موزه
و لا تقطعين وجبه ﻷنج خربطتي قبلها ﻷن راح يخلي جسمج يتمسك زياده باللي كلاه.. و كل ما يعتي بتخربطين اكثر

 

[حياة ريلي]

ححلاتك حلم انتي باي شهر حبيبتي ؟ و شكثر طولتي على ما زدتي خمسه ؟

 

[حياة ريلي]

امس تغديت تكا لحم مشوي و روب بالخيار
و المغرب اكلت نص موزه و مشمشتين
و تعشيت توت و خوخه و قلاص لبن خالي الدسم
واليوم تريقت توستتين سمر و قطعة جبن و خيار و طماط و ثلاث زيتونات و ماي بقفشة عسل و كوب شاي ليمون بدون سكر
و قبل لا اطلع من الفندق كل يوم اخذ معاي فواكه حقي و حق ريلي و بنتي عشان تدرون المشي ايوع و المغريات كثيرة ما ننطر نيوع عشان ناكل السناك عقب الريوق بساعتين ثلاث اطلع الفواكه و ناكل و الحمد لله لا اكلنا برد ولا كيك ولا خرابيط

 

[حلااتك حلم]

حياه ريلي

انا بالشهر الخامس

واكثر شي زدت من اخر الثالث لي الخامس

 

[تبطي عظم!]

ماشاء الله

حياة ريلي عجبني نظاامج




انا اخربط واجد هالايام بس راده بقووه ان شاء الله

من باجر راح ابتدي ارد نفس نظامي الاسبوع الي طاف

 

[برد ابو الذهب]

بنات شخباركم انا امس آكلي كان قليل جداً وجبه وحده والباجي سوائل ؟! واليوم قبل شوي قاعده ومو مشتهيه اكل شي ؟! حياه ريلي ماشالله عليج تعجبيني وتشجعينا حيل ؟! تبطي شخبارج جنج انا خربطت شسوي؟! الوفيرا ماشالله عليج للإمام ؟! حلاااااتي وينها فقدتها

 

[حلااتك حلم]

بنات
انا قعدت متاخر شربت كابتشينو
وبعدها بساعتين

كليت توست اسمر

وفاصوليا حمرا



ابحاول اليوم اخفف اكلي
وخس

 

[تبطي عظم!]

توني شربت جاي اخضر

لان اليوم بالدوام خربطت كليت حلوو وفطاير

 

[تبطي عظم!]

برد بوذهب اي انا اتحسف عاد حييل بس هالاسبوع خربطت لان كله كنت عند اهلي

ومايشجعون كلش وامي بس تزف وتهاوش حامل اكلي اكلي اكلي من حنتها اكل

مع انه مو عذر بس مالي خلق شيء اكل علشان ماتحن علي

 

[حلااتك حلم]

بنات الجاي الاخضر. عادي مايضر الحامل!!


قاعده اشوف نفسي بالمنظره امبي صرت مربعه كرهت نفسي حيل

 

[تبطي عظم!]

انا بشقتي حيييييل امسك نفسي حييل


لان ماعندي من الخرابيط شيء كل المتوفر اكل صحي وخالي الدسم او قليل الدسم

لان زوجي اكله كله صحي مو دايت بس هو صحي من تزوجنا اكله كله جذي

مايخربط ماشاء الله عليه

 

[تبطي عظم!]

حلاتك حلم

انا سمعت انه مايضر عادي بس كل شيء باعتدال

 

[Aloe Vera]

اي عادي الجاي الاخضر مرة باليوم

 

[Aloe Vera]

انا هالاسبوع زدت ٨٠٠ جرام

و بعد يومين موعدي بالدكتورة

اتوقع انها راح تستانس هههه

بس انا ابي انزل لو ٤٠٠ جرام تكون الزيادة معقوله خلال اسبوعين اللي بين مراجعه و مراجعه



حياة ريلي الله يثبتج و يتمم عليج


اليوم ريوقي جريمة كليت فرنش توست و قيمر و عسل و حليب مانجا فريش شغل بيت
و غداي عيش بالشعرية مع ملوخية بالدياي بس خففت الكمية

و مادري شنو راح اكل بعدين