حوامل سمينات

[86روعـه]

Aloe Vera
الله يعطيج الصحه والعافيه
اي والله مفروض امنع نفسي من شراء الجوكلت والي عندي اتخلص منه

 

[حياة ريلي]

الحمد لله اليوم ما خربطت
سناك الضحى كان خمس تمرات و شاي
الغدا كان سمجه مشويه و خضار سوتيه و ماي
المغرب نص موزه و عشر حبات كرز
و العشا اكلت ربع صدر ديايه مشوي بالشوايه و ربع قلاص لبن

 

[7alaty]

كح كح كح

مساء الخير

اعتذر عن غيابي اسبوع كنت مريضة والحمدلله اليوم صرت تمام

ماشاء الله أقرى يومياتكم الغالب ملتزم ربي يسهل لكم

 

[7alaty]

الخميس والجمعة اللي فاتوا <<<< خربطة

السبت والأحد والاثنين والثلاثاء كان تمام الحمدلله

الأربعاء امس خربطة بس بالعشا أكلت معكرونة ولحم

اليوم تمام الحمدلله

اممممم المجموع ٣ ايام خربطة و٥ ايام تمام

 

[حياة ريلي]

هلا والله حلاتي سلامات ما تشوفين شر حبيبتي
يالله عاد شدي الهمه و التزمي معانا ما نبي خربطه
و البنات الباقيين ترا اللي بتخربط بتنزف :rgewrg:
اكلوا احسن من جذي ما نبي بسكوت و معكرونيات و تخربط بالاكل
و سالفة لما اروح بيت اهلي اخربط. . محد يغصب احد ما نبي تحجج:eh_s(4):
و باجر لا انتفختي و صرتي شمتنج و جسمج ترهل و سترتش ماركس محد بيسوي رجيم بدالج و لا احد بيركض من عياده لي عياده حق الليزر بدالج
محد بياكلها غيرج :eh_s(11):
و اللي يقولكم حامل و اكلي قولي اكل ما يكفيني و يكفي البيبي من اكل صحي مو لازم اكل يسمن

 

[حياة ريلي]

خل عندكم شخصيه كبرتوا و تزوجتوا و صرتوا امهات محد يغصبكم على شي

 

[حياة ريلي]

انا احس اني وصلت بهالحمل وانا توي باخر الخامس شي ما وصلت له بحنالي على بنتي و انا والده باول التاسع! !
بطني وايد كببر افكر لي التاسع شلون

 

[تبطي عظم!]

السلام عليكم


حياة ريلي صاجه انا الكل ارد عليه الا امي حياتي مااقدر اردها تمد الفنجال استحي اقولها لا تزعل

بس بكلمها ان ماتحرجني وتقدرني انا للحين الحمد لله وزني زيين




الوفيرا اي احس اني منغثه بسرعه لا كليت انغث



عشاي امس كان روب اكتيفيا لايت بس لان حيييييل كنت منغثه



ريوقي اليوم كورن فليكس وحليب بعد ساعه راح اشرب ماي

 

[حياة ريلي]

قوليلها تسلمين يمه بس شبعانه او قوليلها حايشني حارج
انا بهالسالفه ما اعتقد ان فيها شي يزعل. ولا اظن الام بتزعل ان البنت تحافظ على صحتها. بس فهميها ان المتن مو زين لا يحوشج سكر حمل لا سمح الله او ضغط.
انا امي تتكلم و تحاتي ولما شرحتلها وهي تدري اني فاهمه و قاريه واكل صحي قامت تشجعني لا وتضرب فيني المثل

 

[Aloe Vera]

السلام عليكم شلونكم؟



اليوم ريوقي توستتين مع مسحة لبنة و ماسترد و جبنة لايت و بقدوس و فلفل بارد لذيذة
و كوب جاي بالهيل و الزعفران و قفشة شكر ،، ودي اقطع الشكر بالجاي بس ليلحين قاعدة اتدرج كنت احط قفشتين الحين بس قفشة وحدة
الغلطة اللي سويتها ان ي كليت من ريوق زوجي لان اهو ماكمله و انا تحسفت عليه لاني سويته بنفسي

المهم بعدها طلعت سبحت بالبحر ساعه و تعبت احس رياضة


الغدا صدر دياية مشوي بدون دهن و خضار بالفرن و سلطة الملفوف

العصر حليت بسويت الفواكهه المثلجة بجهاز اليوناناس تسوين بديل صحي حق الايس كريم بدون دهون و بدون سكر وايد حلو

 

[Aloe Vera]

خل عندكم شخصيه كبرتوا و تزوجتوا و صرتوا امهات محد يغصبكم على شي

كلامج 100٪ صح

 

[Aloe Vera]

انا احس اني وصلت بهالحمل وانا توي باخر الخامس شي ما وصلت له بحنالي على بنتي و انا والده باول التاسع! !
بطني وايد كببر افكر لي التاسع شلون

الله يتمم عليج
و تولدين بالسلامة
دام انتي مهتمه بنفسج ان شاء الله لا تحاتين

 

[تبطي عظم!]

عافيه عافيه




غداي

كان ٥ قفاش عيش مع ربع صدر دجاجه وبطاط بالفرن
مع نص كوب لبن



العصر كليت عنب اخضر

ع المغرب شربت استكانة جاي مع ٦ حبات بسكوت مالح


العشا معكرونه وشعريه بس كليت نص الصحن مع ماي


والحين توني خذيت روب اكتيفيا لايت

 

[Aloe Vera]

بنات انا خلال الاسبوعين اللي طافو زدت ٨٠٠ جرام

بس ان شاء الله اقدر انزلهم

طبعاً امس و اللي قبله بالغت بكميات الاكل و لو انه اكل صحي و اليوم عندنا عشا و انا العشا حيل يزيدني حتى لو اكل خفيف بس ميخالف احاول باجر اخفف ان شاء الله


اليوم ريوقي حمسة بيض بالعدس اكله يمنية ذقتها بمطعم و حاولت اقلدها بالبيت حلوة و احس فيها وايد بروتين مع خبزة سمرا
و كوب جاي
و كليت كاكاوة صغيرة يايتني هدية


و ان شاء الله غداي صحي اليوم بس ليلحين مادري شنو ؟

 

[حياة ريلي]

امس غداي و عشاي كان نفس الشي. صدر دياي مشوي مع سلطه. ميزة المطاعم بهالديره اييبونلج السلطه بدون دريسنج من غير ما تقولينلهم
واييبونلج خل و زيت و ملح و فلفل وانت تتبلين السلطه على مزاجج. تتحكمين بكمية الزيت بهالطريقة
و سناكي المغرب كان كورن فليكس سبيشال كي مع نص كوب حليب و نصىقفشة شكر مجموع سعراتهم حوالي 200

 

[حياة ريلي]

امس مشيت 18.000 خطوه يعني ما يعادل 10-11 كيلو متر

 

[تبطي عظم!]

حياة ريلي والوفيرا

عافيه






ريوقي اليوم



عصير برتقال + توست اسمر بالحبوب غني بالالياف شريحتين محمشين
وجبنه بيضه لو فات + خس

 

[Aloe Vera]

امبيه ضاق خلقي اليوم الدكتورة قالتلي اسبح بس نص ساعة باليوم
نص ساعة ماتكفي استانس فيها
و هل نص ساعة سباحة تعتبر تمرين كافي؟

 

[حياة ريلي]

الو فيرا ليش قالت لك هالكلام ؟
إذا عندك مشاكل معينه سمعي كلامها إذا ما فيج شئ ما عليج منها
اللي حاصل بهالديره أن الدكتورات الكويتيات ينسون الطب احيانا و يكلمونج بحجي الحريم السخيف
دكتورتي بأول حملي كانت تقولي ممنوع الرياضه و ممنوع المشي بالأسواق و صعدة الدري ولازم تزيدين عالاقل عالاقل٢٥ كيلو!!!!!!!
مع العلم أن عنق الرحم عندي طويل و مسكر و ما فيني أي مشكله ولا حامل بعلاج أو شي! بعدين ٢٥ كيلو ليييييش ؟؟؟!!! اليهال لا ذبحوا روحهم يوا كل واحد ثلاثه بالكثير و مشيمتين كيلو و كيلو و ماي و زيادة دم حوالي خمسه كيلو كلهم ما ايون ١٥!!!
المهم ما اقتنعت بكلامها و أنا أؤمن بمقولة listen to your body
و غيرت الحين أراجع عند حيان قالي بالعكس عليج بالرياضة لانها تزيد ضخ الدم إلى البيبيات و يكون دم متروس أكسجين و فرش
و قالي حق وحده بوزنج المفروض ما تتعدين ١٠ كيلو لإنجلترا over weight و قالي إذا ضعفتي بعد يكون افضل

 

[حياة ريلي]

بعدين اللي متعوده عالرياضه ما تضرها الرياضه و الرياضه عمرها ما تجيب طلق و لكن الحركه تسهل الطلق اذا يا