حوامل سمينات

[Aloe Vera]

مادري ليش بس زوجي الله يهديه وايد يخاف لي شافني اسوي شي و يفضحني عند الدكتورة و يبااااااالغ بالوصف يسويني وحدة مينووونة بس اتحرك و اسوي رياضه و الصج انا نادر اسوي رياضة اصلاً

عشان جذي الدكتورة قالتلي هالكلام ضاق خلقي

و انا دكتورتي لبنانية و open minded حتى انا ناوية اولد معاها ولادة drug free و اهي تسويها عادي
بس كله من ريلي الله يهديه

 

[Aloe Vera]

توتال زيادة وزني بهالحمل ١٣ كيلو
و باقيلي الشهر الثامن و التاسع

الثامن اكون في رمضان ان شاء الله و الفطور علي و زوجي رجيم ان شاء الله ما ازيد

و بعد رمضان اكون داشة التاسع ان شاء الله كلها اسبوعين او ثلاث اكون والدة و مايكون في زيادة كبيرة


يعني توتال زيادة حملي باذن الله ماتعدي ١٥ كيلو هذا و انا حملت وزني طبيعي

 

[Aloe Vera]

غريبة الدكتورة اللي قالتلج تزيدين ٢٥ كيلو !!!

معروف الزيادة بين ١٢ و ١٥ حق الاوزان الطبيعية

و اللي عندهم زيادة المفروض اقل

 

[حياة ريلي]

الو فيرا انا حامل بتوام عشان جذي عطت هالرقم الغبي
انا على بنتي كنت ناوية على ولاده drug free و اخرتي ولدت قيصريه بابرة ظهر هههههههههه بس انا ما ياني الطلق
احييج على هالاختيار. اذا تحبين اكو doula تساعدج وقت الطلق بالتحكم بالالم و طريقة النفس و البوش و هي تقوي عزيمتج حزة اللي تقولين ابي drugs

 

[حياة ريلي]

أمس تعشيت شيش طاووق و سلطة روب بالخيار
و اليوم ريوقي كالعاده توست و جبن

 

[Aloe Vera]

اي حبيبتي انا اعرف doula شخصيا اهي ساعدت اختي بولادتها الdrug free قبل سنة

بس انا ماينفع معاي الدولا لان زوجي اول شي مايرضى و عادتاً اولد بسرعة فا الbirth plan كافي مع وجود دكتورة متفهمة و انا دكتورتي مسويتها من قبل

والله زين في ناس غيري تعرف سوالف الدولا و الولادة الناتشورال ههههه عبالي انا الوحيدة

 

[تبطي عظم!]

الوفيرا وحياة ريلي لووول انتو شقاعدين تخربطون هههههه مافهمت شيء

انا مابي احس بالولاده كلش ملش مابي مابي مابي مابي


الله يهون علينا يااارب ويرزقنا الولاده السهله الميسره

 

[حياة ريلي]

الو فيرا لو تشوفين بحمالي الاول لما اقول حق اي وحده ابي ولاده بدون ادويه و تخدير جني كفرت.. اللي تقولي مو صاحيه و اللي تقولي مستحيل تقدرين.. يبطون الجبد صراحه قمت ما اتحجى. فعلا تحسين انج الوحيده. انا لو يحصلي in water delivery بعد جان ما طوفت. اذكر دكتورتي السابقه لما اقولها ما ابي شق و خياط الا في حال الاضطرار تقولي ما يصير لازم نشق حتى لو الراس يطلع بدون شق! !! جهل يختي

 

[حياة ريلي]

تبطي عظم الولاده الناتشورال يعني بدون ادويه لا محفزات طلق ولا تخدير ولا كمام ولا شي المره تولد بشكل طبيعي بدون تدخلات طبيه مالها داعي.. جدا دارجه برة الكويت بس عندنا لﻷسف قبل لا تجرب الطلق مزهبه شنو تخدير تبي.
و اللي ما يعرفونه ان التخدير له اثار جانبيه كبيرة عالبيبي و الولاده نفسها.
و الدولا هذه وحده متخصصه مثل القابله بس تكون دارسه و فاهمه تدش مع الوحده حزة االطلق والولاده و تعلمها شتسوي و تعطيها تكنيكات التغلب عالالم بشكل طبيعي و تساعد في تسهيل الولاده و تحفيز الطلق بشكل طبيعي و عادة وجودها يسهل على الوالده و الدكتور المهمه و يقلل من القيصريه. ﻷن الوحده تدش الولاده ما تعرف شالسالفه و لا تعرف وين تدز او تتنفس و الدكتوره مو فاضيه لها مجابله الولاده و حوسه. هذيك تساعد بشكل كبير

 

[برد ابو الذهب]

واااااي من صجكم ولاده بدون تخدير ولا كمام ولا شي؟! عساني ما أشوفها وااااااااااي لا لا شحادكم؟! انا طبعا أنواع الخربطه ولا مصبره نفسي أكيد برمضان راح التزم ؟! بنات زفوني هههههه

 

[حياة ريلي]

برد بو ذهب ما يفيدج هالتخربط و لا تقولين بالتزم برمضان. هم برمضان تقعدين عالسفرة و انتي يوعانه وانواع المقالي والاكل الدسم و الحلويات و الزوارات. . باجر لا اخترب جسمج و تشقق و صار سواد تعالي رقعيه عاد بالاربعين! !!!!
التزمي يا بنت لا تييج زفه اقوى المره اليايه! ! الاكل مو طاير

 

[Aloe Vera]

حياة ريلي

انا اول ولادة صار فيها وايد تدخلات طبية مالها داعي بس ماخذيت مسكنات للالم و كانت العوار جداً محتمل عادي يعني بس زعلت عالدكتورة لانها عطتني دوا له اثار جانبية ينوم بين الطلقات حيل زعلت لاني ماقدرت امشي و اسوي تمارين التنفس بس العوار نفسة المهم بس طاف الحمدلله اهم شي السلامة

ثاني ولادة كلشي طبيعي لحد ما ولدت خدروني حق الخياط طبعاً بعدها لازم مضاد


هالمرة ان شاء الله ناوية بدون شق و خياط عشان ما اخذ ولا نقطة ادوية

اختي لمن ولد اخر ولادة بدون ادوية ماخذت ولا مضاد و لا شي بس غسول لان ماشقوها حدها كانت مستانسة و حيل تمدح الدولا

تدرين انا حلم طفولتي الولادة بالماي ههههه من وانا ياهل اتمنى هالشي من كثر ما احب الماي و السباحة

 

[Aloe Vera]

الحين توني قاعدة بروح اشوف وزني الله يستر !

 

[Aloe Vera]

تريقت ماعون صغير كورن فليكس النخالة مع كوب حليب خالي الدسم و تفاحة خضرة و كيوية صفرا و نص سندويشة صغيرونة نوتيلا
شربت ماي بعدها



امس تمشيت بالسوق ٤ ساعات رديت البيت ميته تعب بس نمت خوش نومه مادري جم كيلو مشيت عاد هههه

 

[حياة ريلي]

الوفيرا وناسه منو دكتورتج تونس. . انا دكتورتي كانت بولنديه واقولها بيرث بلان ما تعرف شي اخرتي سويتها و عطيتها ريلي و قلت له كثر ما تقدر خلهم يلتزمون فيها.
اذا ممكن اسال الولاده بدون شق و خياط الامور ترجع طبيعيه ولا يكون في توسع ؟ بنت خالي ولدت بالصباح بجرها بدون شق و خياط و نفس اليوم عادي تقعد و تقوم و الدنيا حلوة.. ولادتها الثانيه بالخاص شق و خياط تقول اسبوعين بموت من العوار.
بالنسبه للسباحه انا من حبي للماي الله رزقني ريل عند بيت فيه حمام سباحه بالسرداب ههههههههه
اموت عالماي

 

[Aloe Vera]

دكتورتي منى ابو طعام لبنانية في رويال حياة و اهي مولدة وحدة اجنبية مع دولا قبل جم شهر قصتها موجودة بالنت
و بالنسبة حق الولادة بدون شق انا اللي اعرفه ان حسب الحاله و علمياً العضله كلما انقصت و تخيطت تضعف فا نظرياً المفروض ان تكون مشدودة بدون شق
و انا راح اناقش الموضوع ان شاء الله وقت كتابة خطة الولادة لان هم مابي اتوسع ! بس الباجي بالنسبة لي مقدور و العوار محتمل جداً

اختي كانت مع دكتورة فرجينيا بالمواساة بس على الشهر التاسع مارضت تدخل معاها دولا رفض تام فا اختي اضطرت تغير الدكتورة و المستشفى بكبره و راحت رويال لان رويال حياة يسوي دورات معتمدة حق الدولا و عنده مدوايف اسمها تريسي عجيبة تعطي نيونيتال كلاسس و حيل نشيطة بموضوع التاتشورال بيرث

غير دكتورتي في دكتورة ماليزية اسمها شادية عثمان متعاونة مع الدولا و الناتشورال بيرث

 

[Aloe Vera]

توني تغديت سلطة فيها خس و فلفل بارد و خيار و ذرة و تونا و الصوص شوي مايونيز و عصير ليمون و ملح فلفل اوريغانو
و معاه شوي عيش و دياي مادري ان شاء الله اكلي زين


المشكله يايتني صوغه كاكاوات هيرشي و من امس كلشوي اكل منهم فا خلاص بقول حق ريلي يوديهم عنده بالدوام لان ماعرف جذي و اليهال كلشوي كاكاو موزين

 

[حياة ريلي]

وايد حلو شكلي بجيك دورات رويال حياة
انا قبل اسبوعين رفيجتي ياتني يابتي كيلوين حلو من واو. . ثاني يوم ديوانية ريلي طرشته معاه! !!
و بالنسبه حق غداج ا تتعدين خمس قفاش عيش و استبدلي المايو بفينيجريت احسن. و بالعوافي
انا غداي ستيكه و سلطه خضرا

 

[حياة ريلي]

بديت من اليوم ديتوكس بدر نصر الله لان احس جسمي تارس ماي
و الريوق : حبة فاكهه
السناك ٣ تمرات و خمس حبات مكسرات نيه
السناك الثاني سلطة جرجير او ثمان خسات ( اذا قاعده متاخره تحذفينه )
الغدا ربع دجاجه مشويه ( او ما يعادلها لحم او سمك ) و سلطه
سناك المغرب ٣ تمرات
العشا : شوربه بدون شعريه او بطاط او كريمه
سلطه
تبوله
بيضه مفيوحه و سلطه
و يكرر
شرب الماء بكثره
شرب الشاي او القهوه بدون اي اضافات
النظام قاسي شويه بس نتيجته حلوه

 

[حياة ريلي]

وين حلاتي من زمان مو مبينه