حوامل سمينات

[تبطي عظم!]

ماتشوفين شر حياة ريلي طمنينا عليج



انا للاسف وزني زايد ٦٦ لوول بس كله اوزن بعد الفطور


احس مو لايق علي هالرقم شكلي مايوحي !!



بس صج نظامي خرابيط ومو قادره امسك نفسي عدل

احس سهل حيل انج تحافظين بدون صيام

 

[Aloe Vera]

تبطي عظم!

عادي يمكن انتي مو زايدة هالكثر بس لانج وازنه بعد الفطور

انا امس الحمدلله شربت وايد زين
بس لاني كثرت شوي بالسحور حاسة الحين بالعطش
سحوري مو ثقيل كان صمونة كيري مع سلطة فتوش بس بعدها قمت انقنق اجبان و فواكهه مجففة و مكسرات نية و كملت صمونة بنتي على نوتيلا هههه احس انترس بطني

 

[تبطي عظم!]

الوفيرا ماادري بس ترا انا من بداية حملي مازدت الا ٣ كيلو ههههه

على وزني اول الحمل

يعني مو من حقي اتشرط ما ازيد ههههههههه



حللت حمل كنت ٦٣ ومن الوحام والتعب نزلت اول ٤ شهور ٤ كيلو وصرت ٥٩


ورديتهم بعد شهر ٦٣ هههههه ماتهنيت بالنزول وحافظت على وزني شهر معاكم مازدت ولا كيلو

ودخل رمضان والله لا يوريكم جنه مجاعة افريقيا حنجي شغال من بعد الفطور لي السحور والمشكله خرااابييط وزدت ٣ كيلو احس صدمه


يعني زيادتي من بداية الحمل للحين ٦ كيلو بس

 

[Aloe Vera]

تبطي عظم!

جم طولج ؟؟؟

 

[Aloe Vera]

زينة زيادة 6 كيلو

 

[تبطي عظم!]

طولي ١٦٠

 

[Aloe Vera]

اها عيل بتنزلين من وزنج عقب الولادة ؟

انا طولي ١٧٠ و وزني المثالي ٦٠ بس اكون كلش ضعيفة
و الحين وزني ٧٦ يعني ١٦ كيلو عن وزني المثالي
اذا شلت وزن البيبي و الماي يبقون ١٢ لازم انزلهم

 

[تبطي عظم!]

يارب ياكريم انزل بصحه وعافيه يارب

انا وياكم ومن يبي ويقومنا بالسلامه ان شاء الله

 

[Aloe Vera]

يا رب آمييييييين

صج الحين صار الثقل و الوزن يتعبون النفسية

 

[حياة ريلي]

تبطي عظم زيادتج مو وايد بس صارت فجاة ديري بالج لا تتمين تزيدين بنفس المعدل
حتى انا كنترولي راح برمضان ميخالف اسبوعين و اقل و نخلص ان شاء الله

 

[تبطي عظم!]

اي حياة ريلي هذا الي مخوفني

المشكله ابي اسيطر ومو قادره

زوجي يقول عادي اهو بعد اكله ونظامه صحي حييل


ومحافظ على وزنه وجسمه وهم يقول انه زايد ٤ كيلو مع انه ما لاحظت عليه

بس يقول عادي رمضان ناس تضعف ناس تزيد


انا بعد رمضان برد على نظامي القديم كان حلو ويشبع ووزني ثابت عليه


اهم شيء ما اتعدى السبعين لان شكلي راح يصير فيلم هههههه

كلش مع طولي مو لايق للحين شكلي زين وكيوت على قولة بنات عمي هههههه

 

[Aloe Vera]

تبطي عظم و حياة ريلي

انا بعد برمضان مو مرتاحة من اكلي بس شنسوي صعب
وبعدها ان شاء الله نقدر
عاد انا بعد رمضان باسبوع ادش التاسع الله يعين مابقا شي

اليوم فطوري سلطة و كبب و ورق عنب و كريم كاراميل شغل بيت مو قواطي
و طبعاً الكبب و الحلو كانو نقصة

حيل استانست اني كليت السلطة لان صج تترس المعدة بس احس بعدها اني خفييييفة
حطيت فيها جزر و خيار و طماط و فلفل بارد و بقدونس و نعناع صوص خفيف

 

[Aloe Vera]

باجر ان شاء الله فطورنا صدر دياية مشوي و سلطة

 

[حياة ريلي]

قوة يا كروشات رشيقات
الحين موعدي عند الاخصائيه هبه و خذوا الوزن والقياسات و نسبة الدهون لما اطلع اقولكم شصار

 

[Aloe Vera]

ناطرين النتيجة

 

[حياة ريلي]

زايده كيلوين باسبوعين:eh_s(16):
سوتلي تحليل الدهون و العضلات بالجسم نفس اللي سوته لي اول ما راجعت عندها قبل شهر
و النتيجه ان وزن الماي بجسمي زاد كيلوين هالشهر
و وزن العضل و البيبيات والمشيمات و الرحم وهالسوالف كلها زاد ثلاثه كيلو
يعني هالشهر بس جسمي زاد خمسه كيلو حق الحمل
حسب نسبة الدهون جسمي فقد كيلوين دهن هالشهر
:eh_s(9):
اللي طلبته مني الدكتورة اني ما اكل كربوهيدرات عالفطور كلش
بس تمر و شوربة و سلطه و بروتين
و الساعه تسع ونص حبتين فواكه
و الساعه 12 يا موزه او تفاحه او ثلاث ملاعق من الاكل العادي
و سحور شوربة و روب او ربع خبزة ايرانية و بيضه:eh_s(15):

 

[حياة ريلي]

اليوم فطورنا مرق دياي و سلطه و بسوي شوربة بروكي
وايد عطشانه اليوم الثمان قلاصات ما قاموا يكفوني
عندي م

 

[حياة ريلي]

عندي مطارة مالت البر العوده عرفتوها ؟ اللي كبس من فوق
شكلي بترسها ماي واخليها يمي

 

[Aloe Vera]

وناسة هذا خوش تحليل

اروحلها؟
لا اخاف انصدم هههه

يمكن اذا واجهت مشاكل بتنزيل الوزن بعد الولادة اروحلها لان صج يمدحونها
بس احس الحين ماله داعي لان خلاص مابقا شي على ولادتي

حياة ريلي
انتي لانج توأم ماشاء الله لازم اهتمام بزيادة بموضوع الوزن و متابعة
يعني سبحان الله معنج منزله كيلوين من الدهون هم زايد وزنج و صح اللي تسوينه
موكل زيادة وزن دهون سبحان الله

 

[Aloe Vera]

حركة المطارة وايد مفيدة
و بعد لو تحسبين شكثر فيها ماي احسن

انا مطارتي تكفي ٣ اكواب و نص
و اترسها مرتين غير الماي اللي اشربه عالفطور عشان اعرف شكثر قاعدة اشرب