حوامل سمينات

[تبطي عظم!]

حياة ريلي حلوو


شسم دكتورتج ووين عيادتها ودي اراجع معاها بعد الولاده

انا خاطري ارد وزني للخمسينات واحس اقدر ارد بس مو عارفه الخطوات

ولا طريقة تنسيق الاكل ولا شلون الكميات








انا امس فطوري عيش مقدار كوب مع صدر دجاجه و٣ تمرات ولبن قليل الدسم

ومسخن دجاج حبتين صغار ومعكرونه جم قفشه


الساعه ٩ وشيء كليت قطعتين ككاو صغير وشربت كوب ماي

ع الساعه ١٢ كليت عيش ومرق شوي مو واجد جايني نقصه اشتهيته ههههه


وع الساعه ٢ صمون الفيصل جبن بالزعتر ثنتين ومع كوب شاي حليب

 

[تبطي عظم!]

عندي مشكله مع المااي لازم القى لها حل


بسوي طريقتج الوفيرا مالي الا هالطريقه عندي مطاره بعبيها وبشوف جم قلاص يطلع لي

 

[حياة ريلي]

تبطي عظم دكتورتي اسمها هبه بن سلامه
ممتازة انا اتابعني كل اسبوع لاني حاله خاصه
اهي متخصصه علم نفس و تغذيه و عندها ماجستير من امريكا
تحسينها تشجعج وايد و تتعاطف معاج وايد و هالشي يخليج ما تتوترين تستمرين بالمراجعه حتى لو زايده
انا اذا ثبت وزني هذا لي الولاده بولد وزني بنص السبعينات يعني يبقالي خمسة ستة كيلو لي المثالي بس انا اتامل اني اقدر انزلي خمسه سته لين اولد عندي بعد ثلاث اشهر باذن الله

 

[حياة ريلي]

اليوم فطوري كان صدر دياي من المرق و كوب سلطه و كوب شوربة بروكلي و ثلاث تمرات
بعد شوي سناكي اربع شرايح اناناس
و الساعه ثنعش يا باخذ كوب روب او بشرب حليب
سحوري لازم فيه شوية خبز عشان لا اطيح باجر فشكلي بفوح بيضتين مع خبزة من خبز هيلثي سناك
اليوم انا و ريلي رحنا ٣٦٠ نمشي الساعه خمس ولا دكتور عبدالله المطوع هناك مع الاخصائيين ملوته و مثل ما انتوا عارفين يسوون تمارين رياضيه و مشي بالمول و اللي حاب يسال سؤال
المهم سالته عن الكربوهيدرات و قالي لا تفكرين توقفين الكربوهيدرات تماما بس اختاري الكومبليكس كاربز مثل اللي بالخبز بالحبوب و خبز هيلثي سناك قالي مال المطاحن بس اسمر بس مو وايد ينفع
انا مقتنعه بكلامه عشان جذي بتسحر من خبز هيلثي سناك

 

[Aloe Vera]

وين تحصلين خبز هيلثي سناك؟؟ و شنو مكوناته؟

انا مو مقتنعه بولا خبز موجود بالسوق غير مال مخبر الرحى
احسه الوحيد المفيد و اللي صج ينفع الجسم بس مشكلته غاااالي

الباجي تجاري و كله مواد حافظة و محسنات و خميرة

ودي انا اخبز خبزي بنفسي

 

[حياة ريلي]

بالانستجرام كتبي healthysnack
وهم غالي الجيس فيه خمس خبزات بدينار و نص
بس ما عليه كلام ممتااااااز

 

[حياة ريلي]

اكلت نفس ما قلت لكم و تو سناكي الثاني مال الساعه ١٢ اخذت كويست بار بطعم التشيز كيك
هم يعطيني بروتين وايد وهم في 17 جم الياف و هالكميه ممتازة و هم فيه 160 سعرة يعني زين حق سناك
و قاعده اشرب نسكافيه ديكاف

 

[حياة ريلي]

تسحرت بيضتين مفيوحات و خبزة من هيلث سناك (خبزتهم فيها 65 سعره )
و روب خالي الدسم بالخيار و عليه قفشة صغيرة بذر الكتان و نعناع يابس

 

[Aloe Vera]

انا اليوم فاطرة للاسف الشديد

امس اكلت عالفطور جم حبة ربيان بالفلفل الحار و حيل تعبت منه
و ماقدرت اشرب ماي من اللوعة و عوار البطن
و الفير تكرمون كله بالحمام
حسيت ان حاشني جفاف و خفت اصوم جان اقرر اني افطر عشان اعوض الماي اللي فقدته لان صج تعبت

عاد بحملي اللي طاف صمت رمضان كله و كنت حامل بالثامن و هم صاارتلي مشاكل بالبطن
ان شاء الله راح ادير بالي اكثر و اكمل صيام الشهر

هذي ثاني مرة تصير فيني هالحاله

 

[Aloe Vera]

حياة ريلي


بشوف شغل هيلثي سناك
و لو اني ماحب اشتري اكل من اماكن غير رسمية

 

[حياة ريلي]

سلامات الوفيرا ما تشوفين شر
بالنسبة لشغل هيلثي سناك معروف و دكاترة التغذية ينصحون فيها يعني معروفه و هي استاذه بالجامعه اعتقد كلية العلوم
و شغلهم نظييييف تييج كل فطيرة بجيس مسحوب منه الهوا و مسكر و لا انا نفسج ما اطلب سوالف بيوت اخاف

 

[حياة ريلي]

شوفي مقابلاتها بالتلفزيون عاليوتيوب

 

[Aloe Vera]

اي شفت شغلهم مرتب والحلو ان مافيه طحين القمح نفس شغل الرحى
بس جان زين تفتح لها محل

 

[حياة ريلي]

بالمقابله سالوها هالسؤال و قالت لان المكونات اصلا غاليه و المنتج قاعد يطلع مو رخيص بعد لو فتحت محل بيصير اغلى و مو الكل يقدر يشتري و يستفيد

 

[حياة ريلي]

اليوم سحوري نص كوب جبن كوتاج فيه 100 سعره + كوب من مهروس البطاطا الحلوة فيه 85 سعره + بيضه مفيوحه فيها 70 يصير سحوري 250 بس بروتين عالي و كربوهيدرات مركبه عشان احس بالشبع اطول فترة

 

[حياة ريلي]

عطونا افكار يا كروشات حق السحور شي تحت ال 300 سعره و يكون فيه بروتين عالي

 

[Aloe Vera]

انا ماعرف بالسعرات الحرارية
لازم ادور من النت
و عالبروتين عندج البقوليات بانواعها انا وايد احبها
و عندج العيش الاسمر و الكينوا فيهم بروتين

 

[حياة ريلي]

عيزت ادور الكينوا وين احصلها ؟
بالنسبه للسعرات انا اقرا على الليبل و اسوي الحسابات و الاشياء اللي ما عليها ليبل ادورها اون لاين .عندي اكواب و ملاعق قياس و عندي ميزان اكل اقيس الكميه و ادورها اون لاين و في اشياء احفظها من كثر الاستخدام

 

[Aloe Vera]

اي انا بعد ادخل مواقع و اشوف الليبل بس ماعرف غير جذي ليلحين

الكينوا مالي من بره الكويت
بس شفت ينباع ماركة ارض الطبيعة و عندهم توصيل منازل
و موجود بمحلهم اللي بسوق السمج بس مادري اذا دايماً موجود و لا لأ
و ترا طعم الكينوا غريب يبيله تعود

 

[Aloe Vera]

لقيت بلولو هايبر ماركت انواع خبز وايد حلوة بالحبوب الكاملة و بدون قمح
و مافيها مواد حافظة و لا محسنات محطوطة بالثلاجات
بس ماخذيت لان ادري ماراح اقدر اكلهم برمضان