حوش السالمية شي مو طبيعي لحقووووو×××

[راعية الطويلة]

السلام عليكم ورحمة الله و بركاته

اشلونكم
جد ولهت عليكم
أدري هالقسم مو مكان استفسارات
بس جد شي فظيع شفته أمس بحوش السالمية
معقولة جذي


أنا قلت إنهم بيزيدون الأسعار بس مو لهالدرجة؟؟!!
تصدقون
أحذيتهم كلها صيني و الكواليتي مو عالي
بس إضطريت اروح لأني أبي صندل((و انتو بكرامة)) شواروفسكي عشان يناسب بدلة
لعرس حماي
و الله السعر اللي حصلته بمحلين
واحد شحاطة حليوا بـــ24 دينار
و الثاني صندل هم حليـــو بــــ30 دينار
و الأسعار فووووووق
و الجوده عادي و اقل من عادي
ابي اعرف
انا بروحي نغلين علي و لا الديرة كلها شابه ضووووو



الله يرفع عنا و عن المسلمين الغلاء


اللي عندها فكره ترد
انتظركم

 

[سويت فانيلا]

اختي عادي حتى الورق العنب اللي ينباع باجمعيه رفعوا سعره بعدلزام ندفع ضريبه الالف

 

[الأميرة جوري]

من زمان ارتفاع الاسعار ..

 

[روانتي 12]

رد : حوش السالمية شي مو طبيعي لحقووووو×××

ماعندي فكره

 

[ناتشوو]

مري سنتر بوينت
والله اكتشفت جواتيه حلوة
وفيه فناتق

 

[الكيكه دندن]

روحي بوتيك ايلي

اسعارهم حلوه

وهم سنتر بوينت

 

[جوري 2007]

اي صاجه ،، انا عيل ماشفت هالاسعار اللي حاطتها

انا شفت من 45 وفوووووووق وصلت لي 60 دينار اشدعوة

لا والحين بيعطونا 50 ! عز الله رحنا وطي !!!

 

[●|أملي بالله كبير |●]

ماادري والله شدعوه عليهم طلعوا ال1000 من عيونا قطيعه

 

[*peace*]

نفس اسعار زارا وريفر ايلاند

اشتري منهم احسن لج على الاقل ماركه مو بوطقه

 

[أيام السراب]

حسبي الله عليهم

 

[جلوات]

رد : حوش السالمية شي مو طبيعي لحقووووو×××

عادي الكل حاطه عينه يكافي

حسبالهم النفط يمشي تحتنا

الله يعين

 

[فـــرح...]

حده اسعارهم مبالغ فيها

اذكر اسعارهم قبل حلوه

 

[ام التاريخ]

حسبي الله عليهم​

 

[$حبيبة عبودي$]

لاتشترين منه نصييييحه لين يطيح سعره ..
اواشتري من غيره شنو اهم يسيطرون علينا
مانقدر عليهم احنا شنو والله باطين جبدي

 

[amoOoNA Al_mazyoNa]

حسبي الله عليهم من اسمعوا بالألف استخفوووووا واقعدوا مااسوت علينا جنه الألف بنقطها على السووق ,, مال الواحد يقطع بضاعتهم لين اتطيح بجبدهم

 

[ليلاس*]

كل شيء غالي بس انتي روحي ناين وست عند اللي تبين واسعاره زينه

 

[دلع السلاطين]

شريت صندل شوارفسكي من الحوش قبل لالف بسبع دنانير

شدعوه يغلونه جذي

 

[shams2008]

اخذي من زار وريفر وتوب شوب احسلج

 

[وهج الخير]

حبيبتي الغاليه راعية الطويله شلونج حبيبتي
الغلاء الاسعار شيء مو طبيعي الدنيا نااااار والعياذ بالله شدعوه
ماكو رقابه للاسف

 

[دلوعه ناعمه]

اذا التاجرات هني صارت اسعارهم نااااار ماتبين برا المجمعات تزيد اسعارها؟؟

الله يهديهم وينزلووون اسعارهم اللي جد امبالغين فيها !!