حياتي بدأت تتغير ... بديت أخاف على نفسي من نفسي

[So... What]

بنات بليز اتمنى تقدروا تفهموا كلامي ... و تحسوا باللي اقوله

الله يسلمكم يا بنات اللي سافرت دول أوربا تعرف وضع الشقق السكنيه هنا بأمريكا ... تسمعي أصوات و حركة الناس اللي ساكنه فوقك ... و تقدري تعرفي تحركاتهم ... مو لأنك جاسوسه ... لالالا لأن الوضع كذا .. مشية أقدامهم و وقت هدوءهم و وقت دخولهم للاستحمام ... بنات حتى تعرفي متى هم موجودين على السرير .. لأن السرير حقهم ماشاء الله بيطلع لك أصوات و سيمفونيات مع كل حركة بيتحركوها (و الله حرام ) ....

فين المشكلة .. أنا ساكنه بالطابق الأرضي ... ماعندي مشكلة .... و عادة فوقي بيكون أمريكان كبل متزوجين و أحيانا لا يكونوا فقط أصحاب .. عادي كانت حياتي ماشية و مابيهموني ...

الآن من فترة ست اسابيع سكن بالشقة اللي فوقنا واحد من أقاربنا (بيقرب لي و بيقرب لزوجي ) متزوج ... توهم معاريس جدد صارلهم تقريباً 3 شهور من تزوجوا أو أقل ... طبعاً مين فيكم ماجربت حياة المعاريس ... الله عليها الله وووناسة و ودلع ... و دايما محبوسين بالشقة و بنلعب عريس و عروس أو نخرج نتفسح و نشم هوا و نرجع نلعب عريس و عروس ... يعني تقريباً 3 مرات في اليوم ..

يابنات اللي مضايقني أنو ماأبغى اسمع تحركاتهم ... و الله يضايقني أني اعرف تحركاتهم ... الحين هدوووء يعني ناموا بعدها بساعه بتسمعي صوت المويه ... الأول دخل يستحم و بعدها بتطفي المويه 5د و بتشتغل ثاني لأن الثاني دخل يستحم ... و بعدين بيدا الدوام بالصالة ... ركض و صراخ ... صراخ دلع مثلاً كانه لحقها بيصيدها .... اممممم

أنا ماعرف شنو صاير بمخي يا بنات ... جالسه أحاول اتفاهم مع نفسي ... و أقول عيب يابنت لا تحطي تركيزك معاهم ... خليك بحالك .. انسي أنهم موجودين فوقك ... تقريبا طول اليوم أفكر فيهم و شاغلة حالي فيهم ..ماعرف ليش ... و دايما ودي أجلس مع العروسه ... و اسولف و ابيها تدخل في الخصوصيات و تقولي وين يتمشوا و فين بيروحوا وووو

 

[So... What]

يمكن بتضنوا أني فاضية ... لا أنا عندي جامعه و عندي طفل ... بس شلون شاغله مخي معاهم ..ماعرف ...

يعني برجع من الجامعه بشوف سيارتهم موجوده معناها هم فوق .. و شوي و صوت السرير يمين و يسار ( استغفر الله ياربي ) و بعدين صوت دش الحمام بيتحمموا ...و بعدين بيناموا العصرية ... و بيقوموا المغرب ... المغرب هدوء و بيدب النشاط عندهم من جديد بالليل على 11 و أحياناً أنا داخلة بنام الساعه 12 و هم أنواع الضحك و التسالي ...

طيب أنا أقول لنفسي ياغبية ليش شاغلينك .. أنت ماشاء الله عندك زوجك و قولي يارب يحفظه لي طول العمر ...
علموني كيف مااشغل نفسي معاهم ... يعني مشكلة الصوت هذي وحده بس أنا أحس نفسي كأني فضوليه و أبغى حد يأدبني ... أبغى أعرف اذا خرجوا فين بيروحوا .. على الرغم أني مش ناقصني خرجات مع زوجي ... اممم ليش فضوليه أنا؟؟ طايحه من عين نفسي ... أقول تحبي أحد يعرف شنو يدور براسك من اسئلة فضوليه و سخيفة ...

بنات بالنسبة للاهتمام باللي أصادقهم أو اعرفهم .. هذي مشكلة من و أنا صغيرة اذا حبيت بنت و صاحبتها بدي اياها تحكي لي عن بيتهم و أمها و أبوها (ليش انا فضوليه؟؟ ) و الحمدلله لمن جيت أمريكا و غربة مشغولة بحالي و مالي بالفضول لأن علاقتي بالناس سطحية و مابقاها تكون أكثر من كذا لأن ماعندي وقت للعلاقات ... بس لمن تزوج قريبي و جلس فوقنا ... أحس اشتغل حس الفضول مرة أخرى ...

ودي اتطفل على العروس و اكلمها و نسولف واجد شنو بيحب زوجها و شنو بيحب زوجي وووو ... بنات كأني ودي أقولها مو بس أنت عروس ترى حتى أنا مازلت عروس (أنا متزوجه من 3 سنوات ) ودي اقولها أنا حيل مبسوطه مع زوجي (طيب هي ايش دخلها ) ماعرف ليش ابغى اعمل هيك (أحس عقلي صغير على هالحركات)

بنات خليكم معي ساعدوني و الله قرف أنك تعيشي متضايقة من طريقة تفكيرك و تعرفي أنك غلط

 

[So... What]

امممم

مين تنصحني ... مابي أخرب حياتي ولا ودي أعيش يوم غير سعيد لأسباب تافهة ... بدت حياتي تتغير ..زوجي يتغير .. ماعرف ليش ...

بنات صدقوني أصاب بالاحباط كل ماسمعت صوت الموية (اغتسال) ... أنا مع زوجي كنت عايشة مبسوطه و عدد مرات النوم عاجبني و كثير كمان على كبل متزوجين لمده 3 سنوات ... بس من قبل اسبوعين زوجي مايستجيب لي و مايحتاج أوصف لكم شعور المراة بهذي الحالة (بقول يمكن مثلاً بيفكر مثل تفكيري .. مااعرف؟؟) انا أكون في قمة نشاطي بأوقات مازوجي بيكون بارد و بعدها بتنسد نفسي و مابيكون لي نفس حتى اذا جا يحاول فيني .. أنا أكون محبطة و مابدي شي ...

بنات يمكن تستغربون بس الواحد يتجنن لمن في فترة اسبوعين فجأة تتغير حياته و يخاف أن الوضع يسوءءءء. بليز ردوا علي.

 

[فاقده ابوهاااا]

رد : حياتي بدأت تتغير ... بديت أخاف على نفسي من نفسي

ههههههههههه ضحكتيني اصلا مافي بالاصل مشكله .. يعني السالفه ما يبيلها طبيب نفساني او بنات تفجج عقدج حبيبتي خلي همج اشلون تسعدين ريلج ووبنتج وصدقيني ساعتها ما راح تراقبينهم ولا تفكرين فيهم خلي كل تفكيرج واهتمامج بزوجج وبسج بلاغة الشف الي راح توديج ورى الشمس ويمكن تكونين تغارين من الزوجه او محتره منهاااا يعني حاولي تبعدين انظارج عنهم وتلهين بشي ثاني اهم من هالسوالف وربج الهادي

 

[chanel N22]

واي عندي نفس المشكله بس الحمدلله راحوا كانوا فوقي هنود وقرقه والله العظيم تبدا من 12 بليل لي الفير
حبي اشغلي روحج وماعليج منهم الله يهينهم يارب

 

[ياشايل الظبى]

حبيبتى انا اذكر واحد ازعجنا ... ونزلنا تحت للاوفيس وغيرنا الشقه ... وممكن ماتروحى بعيد فى نفس الاين او الشقق اللى وراكم < علشان النقل ... وترى سهل تغيرينها


غيرى الشقه لان اسهل لج من التفكير فيهم

 

[ام زاكي]

شغلي مسجل بالبيت موسيقى ولا قران بصوت كبير لين تحسين انه مافي صوت يشغلج
عادي حياتي انا بعد كنت ساكنه بشقه كل شي اسمعه فيها مو بس الي فوقي حتى الي جنبنا
خناقهم ولعب عيالهم وحتى ريحه طبخهم
بس ماهتميت كنت اشغل نفسي بعيالي وبيتي

 

[blue diamond]

سكني بآخر طابق

 

[مــســك]

اشغلي نفسج بآي شي .. ولا تفكرين فيهم ..

 

[~*~الملكة~*~]

علي على صوت التلفزيون وانتي ماراح تسمعين شي

وبالليل عاد انشغلي بزوجج

:eh_s(8):

 

[Princess Lady]

رد : حياتي بدأت تتغير ... بديت أخاف على نفسي من نفسي

يعني مشكلتج تغارين !!

لأنج قلتي بالحرف الواحد :

((بنات صدقوني أصاب بالاحباط كل ماسمعت صوت الموية (اغتسال) ... أنا مع زوجي كنت عايشة مبسوطه و عدد مرات النوم عاجبني و كثير كمان على كبل متزوجين لمده 3 سنوات ... بس من قبل اسبوعين زوجي مايستجيب لي و مايحتاج أوصف لكم شعور المراة بهذي الحالة (بقول يمكن مثلاً بيفكر مثل تفكيري .. مااعرف؟؟) انا أكون في قمة نشاطي بأوقات مازوجي بيكون بارد و بعدها بتنسد نفسي و مابيكون لي نفس حتى اذا جا يحاول فيني .. أنا أكون محبطة و مابدي شي ...))

حبيبتي أنتي حاسه بنقص !!

عشان جذي من تسمعين صوت الماي يروح بالج بعيد !! ليش مب الانسان يستخدم الماي في الاستحمام / الاغتسال / الوضوء / غسل الحمام نفسه
غسل اليد !!

لا تخلين النقص يخليج تروحين في بالج لبعيد

الانسان لازم يتمنى الخير / السعاده / الغنى .. للانسان الثاني

صفي نيتك لله سبحانه

الانسان لي طلع في حياته خلل المفروض يفكر ( هل الله سبحانه وتعالى راضي عني ) !!!

أسألي نفسج هالسؤال وبعدين حاولي تصلحين اللي بينج وبين الله سبحانه وتعالى صدقيني حياتج بتنصلح

 

[حبـ admant ـك]

رد : حياتي بدأت تتغير ... بديت أخاف على نفسي من نفسي

يعني مشكلتج تغارين !!

لأنج قلتي بالحرف الواحد :

((بنات صدقوني أصاب بالاحباط كل ماسمعت صوت الموية (اغتسال) ... أنا مع زوجي كنت عايشة مبسوطه و عدد مرات النوم عاجبني و كثير كمان على كبل متزوجين لمده 3 سنوات ... بس من قبل اسبوعين زوجي مايستجيب لي و مايحتاج أوصف لكم شعور المراة بهذي الحالة (بقول يمكن مثلاً بيفكر مثل تفكيري .. مااعرف؟؟) انا أكون في قمة نشاطي بأوقات مازوجي بيكون بارد و بعدها بتنسد نفسي و مابيكون لي نفس حتى اذا جا يحاول فيني .. أنا أكون محبطة و مابدي شي ...))

حبيبتي أنتي حاسه بنقص !!

عشان جذي من تسمعين صوت الماي يروح بالج بعيد !! ليش مب الانسان يستخدم الماي في الاستحمام / الاغتسال / الوضوء / غسل الحمام نفسه
غسل اليد !!

لا تخلين النقص يخليج تروحين في بالج لبعيد

الانسان لازم يتمنى الخير / السعاده / الغنى .. للانسان الثاني

صفي نيتك لله سبحانه

الانسان لي طلع في حياته خلل المفروض يفكر ( هل الله سبحانه وتعالى راضي عني ) !!!

أسألي نفسج هالسؤال وبعدين حاولي تصلحين اللي بينج وبين الله سبحانه وتعالى صدقيني حياتج بتنصلح

معاها

 

[الأميرة جوري]

رد : حياتي بدأت تتغير ... بديت أخاف على نفسي من نفسي

حطي قران .....

 

[مشتاقه لك يبا]

رد : حياتي بدأت تتغير ... بديت أخاف على نفسي من نفسي

اللي عندج فضوول بس مو مشكله ويمكن فراغ زاييد بعد حاولي تشغلين نفسج بطفلج وزوجج

 

[عادت ذكرياتي]

هذا أمرسهل حله
إذا أشغلتي نفسج بالمفيد صدقيني ما راح تفكرين بغيرج
واسمحيلي اختي لازم تغيرين هالطبع :::: شنو تقارنين نفسج بالناس أو تكونين فضولية تسئلينهم ... لو شنو كل شخص له خصوصياته يمكن حتى الاخت في أمور خاصة ما تقولها اختها لها .....
ومن راقب الناس مات هما...
واذكري الله وقولي ماشاء الله لا قوة إلا بالله عليهم لتحسدينهم
وثانيا : ادعيلهم دعوة حلوة بظهر الغيب إن الله يملي حياتهم سعادة... عشان يقولج الملك ولج بالمثل ويصيرلج نفس اللي دعيتيه لهم وهذا شي مجرب صدقيني... واللي يسعى بالخير لللناس ربي يوفقه ويرزقه من حيث لا يحتسب
واسمحيلي عالرد بس إنشاء الله ما يكون جارح... وبالأخير هذا رايي إذا عجبج اقبليه وإذا ما اعجبج جنج ما قريتيه...


الله يوفقج

 

[Maaya]

احس الموضوع مجرد غيره وشي طبيعي لأن بخاطرك وودك ترجع الأيام لما اول ماتزوجتي وتكوني انتي العروس وبس
ممكن الروتين صار ممل وودك ترجع ايامك
نصيحتي فكري ان انتي محظوظه وغير عنها ومتميزه ان عندك طفل وان انتي مريتي بكل اللي مرت فيه العروس اللي فوق وان بيوم اكيد بتتحول حياتهم مثل حياتج الحين فكري ان انتي عندك خبره بالزواج وأفضل منها بأشياء وايد خصوصا وجود الطفل اللي مالي حياتج ..
وحاولي تكسري الروتين بأفكار من عندك وحركات لزوجك عشان تنشغلي بشبابك رجعي نفسك عروس ..

 

[فنون 55]

شغلي مسجل بالبيت موسيقى ولا قران بصوت كبير

الله يهديك يا أم زاكي الموسيقى حرام قال صلى الله عليه وسلم : ( ليكونن أقوام من أمتي يستحلون الحر والحرير والخمر والمعازف ) فهذا دليل على أن المعازف وهي الموسيقى حرام لأن قوله يستحلونها يعني يجعلونها حلال وهي حرام ..

 

[Miss sensitive]

الله يشافيج

من راقب الناس مات هما

 

[الـوايـلـيـة]

امممم ما ادري بس مثل ما قالوا البنات اشغلي نفسج

 

[ديانا سبنسر]

من الفراغ اشغلي نفسج