حياتي بعد الثنويهـ من ضياع الى ضياع p=

[BaNo0ota 6er]

السلام عليكم ورجمة الله وبركاتهــ !!

هــلا بنات
:eh_s(2):

بنات انا صارلي سنتين متخرجهـ وتخرجت بنسبة 95 ومن تخرجت حياتي اعتفست

اول سنهـ "2009-2010"

اشتغلت في جهة حكوميهـ الصبح

المسا كنت ادوام بالجامعهـ " درست كورس انجلش والكورس اللي بعدهـ دخلت التخصص "

درست 3 مواد الكورس الثاني لاني ماكنت ابي اضغط ع عمري

درجاتي
كانتي مأساه كلها ناجحه ع الحافهـ

تعبت وماقدرت اكمل طلعت من الشغل

وطلعت من الجامعه بعد

"2010- 2011"

رحت جامعه امريكيه قويه جدن وطالبين درجه عاليه فالتوفل وانا كان عندي ايلس

رديت درست كورس انجلش بس امريكي للاسف طحت ع مس اي شي ماتدري وين الله حاطنها

خسرت فلوس و وقت ع الفاضي , رسبت فالانجلش وكنت ادرس رياضيات سويت له دروب

الكورس اللي بعده رديت خذت نفس المستوي والرياضيات ونجحـت الحمدالله فالكورس

بس ما قدرت انجح فالتوفل


_________

بالاضافه انا ماسكه بزنس وياخذ من وقتي صرراحه وكل ما عطيته وقت كل مازادت ارباحي

____

الحيين يوم افكر اشوف رفيجاتي سنه ثانيه وسنه اولى جامعه انا بعدني مادخلت التخصص فالامريكيه ومادري اذا بنجح او لا لين كورس الياي والله قههههر :eh_s(2):

نفسيتي متحطمه افكر ارجع للجامعه اللي كنت فيها بس كني " تي تي مثل مارحتي جيتي "


مادري احس ضاعت علي سنوات مضايجه وايد ما اتخيل ادرس انجليزي

ونفس الوقت افكر و افكر تعبت من التفكير انا ادري اني ماشديت حيلي

بس لانه كنت مشغوله مع البزنس ولحد يقولي هدي البزنس محد يقطع رزقه بايده


بنات ابا وحده فاهمه تنصحني شو اسوي اغير الجامعه ؟؟

لانها قويه ولازم اكون متفوقه مب اي مستوى

او اتم فيها

نصاااااااااااااااايحكم ودعواتكم لي بالتوفييييييييييييييق

 

[حلاتي ابتسامتي]

الله يوفقج حبيبتي

 

[classicyah]

يآ مرحبآ بج ،

أول شي انتي اتقوليـن مآسكه بزنسْ ،

اتفرغيْ اشوي لدرآستجْ . .

الدرجآت مآ بتييجْ من طبق من ذهبْ الغآليه . . لآزم تبذليـن جهد ،

لآ اتغيرين جآمعتجْ ،

بس وآزنيْ بين البزنسْ و بين درآستجْ ،

مآ قدرتيْ اتوآزنينْ ، وقفي اشغآلج ليـن مآ تتخرجينْ ،

و بس امسكي البزنس بالصيف وقت مآ انتي فآضيه

 

[ام حمد 85]

الله يوفقج وييسر امرج اكيد كملي بالجامعه والدراسه وايد زينه واهيا اللي راح اتكون سند لج بالدنيا من بعد رب العالمين واهي اسلاح اب ايدج تتسلحين فيه وقت الشده

 

[انثى عاشقة]

الله يوفقك حبيبتي وييسر امورك ​

 

[BaNo0ota 6er]

لووول

انا جي اقول بسيطه بس انا احب البزنس اكثر من الدراسه

ميولي للبزنس اكثثثثثثر , وتدرين انا عيبي ما عرف ما اقدر اوازن بين شيئين فوقت واحد

=_="

بسير دكتور نفسي يعلمني كيف اقسم وقتي

ومشكوره ع المرور

 

[BaNo0ota 6er]

انزين بنات انا مضايجه بعد من جامعه لجامعه

ومب مستقره وبالاضافه كل سنه شي لول
احس ما انجزت شي ويوم اشوف رفيجاتي سنه اولى وثانيه

اتحسف ع عمري

 

[gala q8]

الله يعينج .. و إن شـآء الله البنات بيساعدونج ...

آآآآآبـْ

 

[بنوتة كول]

لا تحسفين ولا شي
ولا تقولين عمري راح....... لا حبيبتي توج صغيرة والي تخرجت دكتورة بعمر 80 ما اعتقد انها احسن منج
ولا تحسفين بحياتج على اي شي ابداااااااااااااااااااااااااااا
وفي ناس قدرت تقسم وقتها بين الدراسة والشغل وصاروا احسن الناس
ما في شي صعب بس في شي اسمه قناعة
لازم من الداخل تقتنعين بحياتج
حياتج مو فاشلة صج انتي خسرتي الدراسة بس ما خسرتي الشغل
وفي ناس تخسر الشغل بس تربح الدراسة
الشي على الترتيب والتقسيم وشوي شوي على نفسج وريحي بالج وفكري عدل
وانا دايما اطبق هالمقولة في حياتي ( ما تضيق الا وتنفرج)
مهما ضاقت عليج الدنيا وشفتيها مثل الخاتم ما ردها تنفرج
الله يوفقج حبيبتي طولت عليج بس عادي عادي طوفيلي خخخخ

 

[الـــــغــــلا]

الله يوفقك حبيبتي وييسر أمورك

 

[أحلى البشر]

هلا حبيبتي انا نصيحتي ركزي على دراستج لانها الاهم من كل شي والبزنس خليه بالعطله ووقت الفراغ وشدي حيلج بالدراسه وارتاحي بدل منتي مضيعه وقتج بالتنقل وشاغله بالج بالبزنس يعني معروف الدراسه الجامعيه يبيلها بال فاضي حرام تضيعين دراستج وتفوقج بالثنوي والبزنس ماهو طاير لي تخرجتي سوي كل اللي تبينه اهم شي الشهاده ومووفقه

 

[عالمي انا غير]

تبين راي اذا مو محتاجة اتركي الشغل وتفرغي لدراستج ترى الشهادة اهم من الشغل وبعدين ان حصلتي شهادة بتزيد فرصج للشغل لانج مشتته وصعب توفقين بين دراستج وشغلج وربي يوفقج:eh_s(17):