حياتي مع زوجي العزيز بكل مافيها.................

[ترانيم الريم]

السلام عليكم ورحمة الله وبركاته​

اول شي انا تردت اني اكتب موضوعي لسببين الاول اخاف محد يرد عليه وتصيبني خيبة امل والثاني اني الاقي رودو قاسيه بس بحكم ان ماعندي احد اشكيله واحس بالموت قلت لازم اكتب وان شالله ماتخيبون املي انا عمري 21 سنه وعندي وولد عمره سنتين وصارلي 3 سنين متزوجه مشكلتي بدت من اول يوم زواج طبعا انا لاشفته ولاعرفته قبل الزواج مايصير لي ابدا معرفة حريم وقت الزفه خفت حيل كان يسولف مع اهله وصوته عالي وجرئ حيل وحتى عقب ماركبنا السياره كان يسولف مع اخوه ويطلب زقاير ويقول لاخوه كلام زفت طبعا اهلي من صدمتهم بالحفله بجوا وطلعوا معاي وصلني لشقه الرجال اسلوبه حيل جرئ وهذره قلت يمكن عادي المهم 3 يوم من زواجنا طلع الفجر ومارد الا الصبح وكان ينام نوم موطبيعي ومايهتم فيني المهم ولاجني عروس من البدايه حذف مسؤليتي على اهلي وكنت وقته طالبه ادرس وقال وقفي قيدج بنسافر وقفته وطلع جذب ماكو سفره وقلت عادي طلع السبب الرئيسي عشان مايوديني الكليه ويجيبني مر اسبوع سوت لي امي حفلة استقبال وبهاليوم لبست وكشخت وقلت اكيد باليل بياخذني بس قالي معزوم بمزرعه بالعبدلي وقعد 3 ايام وجا اخذني .................. انتظروني اشوي واكمل قصة عذاب 3 سنين

 

[الشقيانه*]

:tek:هلا حبيبتي آنا معاج كملي وبعدييييييييييين اششش صاااار

 

[غادة الخبر]

..

 

[زوزو كباب]

كملي

 

[the note book]

كملي حبيبتي

 

[athari @@@]

وبعدين

 

[sara al3soola]

معاج حبيبتي كملي

 

[أم ضارى]

still waiting

 

[بنـQ6riaـوته]

الله يعينج ويصبرج



بس كملي لاتزرعينا اهني

 

[Om_Ksha]

وااااااااااااااااااااااااااى لا مو صجججججج


انا بس خلالالالالالالالالالالالالاص اعتزلت الزوااااااااج الله يازيييييين لعزوبيه ,, بس خلاص صج صج تعقدتتتتتتتتتتتتتتتتت


الله يعينج حبيبتي

 

[زوزو كباب]

وااااااااااااااااااااااااااى لا مو صجججججج


انا بس خلالالالالالالالالالالالالاص اعتزلت الزوااااااااج الله يازيييييين لعزوبيه ,, بس خلاص صج صج تعقدتتتتتتتتتتتتتتتتت


الله يعينج حبيبتي

لا تعقدين ولا شي مو كل الرياييل جذيه صدقيني

 

[athari @@@]

وااااااااااااااااااااااااااى لا مو صجججججج


انا بس خلالالالالالالالالالالالالاص اعتزلت الزوااااااااج الله يازيييييين لعزوبيه ,, بس خلاص صج صج تعقدتتتتتتتتتتتتتتتتت


الله يعينج حبيبتي

اي والله نفس الحاله تعقدت

 

[the note book]

يالله وينج كملي

 

[athari @@@]

خل نسولف على ماتكمل القصه شكلها علقتنا
الله يعينها

 

[ترانيم الريم]

وبعدها باسبوع قال بسافر احضر عرس رفيجي وسافر وانا قاعده بيت اهلي وهذا كله وانا عروس جديده وقعد 3 ايام ورد وطبعا خلا اسبوعين الزواج 3 طلعات فقط لاغير واستحملت وسكت وجا الشهر الثاني بيسافر دوله عربيه معروفه بالفساد مع ربعه وسافر وقعد 10 ايام وانا لا حول ولاقوه اهلي يحسبون السبب مني وانا قاعده عندهم ولا جني عروس كان مطنشني بالمره يعني حياتي مو حياة عروس صبرت وقلت انشالله بتنفرج ولاكو فايده ربعه واهله استغربوا ليش توك معرس وتسافر بروحك وكنت قاعده بيت اهلي اسبوع واتصل علي وقال زهبي نفسج بنسافر وزهبت نفسي رحت شهر العسل يومين فقط لاغير طرنا الجمعه الصبح وردينا الاحد العصر وطول الفتره نايم ماطلعنا شي والاسبوع اللي قاعدته بيت اهلي مدري وينه فيه ورديني وقطني بيت اهلي وجا باليل ماجا اخذني انحرجت من اهلي وقلت لاخوي يوصلني لبيتي ومرت الايام بين 6 ايام شقى ويوم حلويومين بيتي و5 بيت اهلي وانا بعدي عروس تدروني متى يجي ياخذني اذا كنت بزور اهله وكنت اسمعهم يقولون فلان بالسوق امس وفلان شفناه الحبيب يغازل والخط دايم انتظار ولا كلمته قبت حريقه ويختفي يومين مادري وينه المهم الاخ حيل شايف نفسه واهله مايقصرو مدح بجماله ورزته وانا ماشوفه فيه جمال حتى اهلي يشوفنه احلى مني وطبعا نسيت اقولكم لما تزوجت كنت معدومه العلم بالحياه الزوجيه وشغل البيت والطبخ وهذي غلطة الزواج بسن صغير والله يسامح الاهل وخل اكمل عن زوجي قمت المح له ان فلانه قالوا لها زوجها بسوق ويغازل وانها هدت له البيت وانه هذا احسن شي تسويه المره وعمك اصمخ بوطبيع مايجوز عن طبعه كملت دراسه بالصيف والاخ كان معصب مايبي وطنشت واهلي صاروا يودوني ويجيبوني 3 شهر من زواجنا التعيس اتصل علي قال بروح لمزرعه بالعبدلي وبنام هناك كلمت اختي رفيجتها والبنت سبحان الله متصله صدفه قالت لها ان زوجي عند اخوانها بدوانيه وقلت قعد يصارخ ويسب ويلعن وعدت هالسالفه وانا الطرف الخسران كالعاده والمغلوب على امره ................ اعذروني شوي واكمل

 

[sorry l love u]

اصلا غلط الوحده تتزوج واحد ما تكلمه و لا تعرفه من جذي تصير مشاكل

 

[قطوتي]

الله يعينج .. ناطرين التكمله

 

[ترانيم الريم]

زوجي كان جذاب بمعنى الكلمه يدعي انه عنده ويملك وهو مقحط وقاعد يسحب بالقروض ويلعب فيه ويتسلف من الناس ويلعب بالفلوس انا كنت اصرف على نفسي ابيع نفانيف عرسي واصرف على نفسي وكنت اعطيه بعد على بو انه مسكين ماكتشفته الا بعدين وثالث شهر كنت قاعده بيت اهلي اتصل علي قال جهزي جنطتي بسافر برا بسوي ليزك لعيوني بعد اسبوع السفره واليوم بسافر مع رفيجي لعرس وبقعد يومين وارد طلعت السفره جذب لمدة يوم واحد وللبحرين وانا كنت تعبانه حللت وطلعت حامل واشتراك انسان جديد بالهم معاي رد من السفره الوهميه واتصل علي وقلت له اني حامل وراح بلغ اهله وقلت بتجي تاخذني انت باقي على سفرتك 4 ايام قال لا مو لازم وقعدت بيت اهلي زوجي مسافر علاج وكان يكلمني من تلفونه الكويتي ومره وانا بالكليه شكيت انه موجود بالكويت اتصلت على اخوي وشيك عليه موجود بالكويت مو مسافر انصدمت واجهت قال جذب ومادري شنو اخو هداني وقال يمكن البرنت موصحيح وهو متاكد بس مايبي يقولي المهم الزوج العزيز بعد شهر ونص كلمني وهالمره بدوله غير الدوله اللي قال من اول ان بيسافر لها هالدوله رايحه فيها قعدتي بيت اهلي 3 شهور ويكلمني ويغلط باسمي ويكلمني صوته موطبيعي لما جا واجهته وانكر وقام يصرخ علي وانا من طبعي خوافه حيل خفت وسكت

 

[ترانيم الريم]

بنات اعذروني بكمل العصر ان شالله

 

[*باجر أحلى*]

لاماحب احد يعلقني اندمجت
عالعموم الله يفرج كربتج