حياتي واقفة

[dalo0oa121]

من سنوات تقريبا من 2013 حتى هالسنة
وانا حياتي واقفة ماتغيرت كله روتين اكل نوم تلفزيون نت.

وغيري اللي مسافر واللي متوظف واللي برع البيت بالويكند وانا لا.

حاولت اشتري. سيارة محد موافق.
زواج انسى هالموضوع افضل محد تقدم لي.
وظيفة مب مستعدة نفسيا التزامات ومسؤولية ومشاكل


والله اني تايهة ولا عارفة شنو ابي ولا منو انا .

 

[MRS.coupe]

لا تخلين كل اعتمادج على السيارة او الزواج انهم يطلعونج من الروتين
انتي لازم تغيرين من نفسج وتبدين تقدمين حث نفسج
الوظيفة ممكن انها تفتح لج ابواب ممكن انها تادي الى الزواج او السيارة

وتتعرفين على رفيجات يدد
طوري من نفسج اقر ي دشي دورات تنمي هواياتج

 

[قيروان الزمان]

السلام عليكم ورحمة الله وبركاته
اللي تحسين فيه طبيعي لأنج مو قاعدة تسوين شي والروتين أكيد كلنا نمل منه ونزهق
اذا ما تبين تتوظفين الحين اشتركي بمركز تحفيظ قرآن الصبح راح تحسين بالفرق
سبحان الله تبدين يومج بحفظ القرآن ويتبارك يومج كله من بعده
غير الراحة النفسية اللي تحسين فيها بالمكان والصحبة الطيبة
هذا غير الأجر العظيم سبحان الله

وسوي أشياء تونس ومفيدة بباقي اليوم واقدر اعطيج افكار مثلا:
-اشتري كتب واقري في وااايد كتب اتينن والقراءة حدها ونيسة عااالم ثاااني
-دشي المطبخ تعلمي شلون تطبخين وسوي مرة حلو مرة موالح يعني نمي مواهبج بالمطبخ ههههه
-امشي كل يوم عالأقل نص ساعة الرياضة عجييييبة وتخلي جسمج يفرز هرمون الاندورفين اللي اهو هرمون السعادة
يعني تقضين وقتج وتحافظين على صحتج وجسمج يصير حلو وفوق هذا تستانسين
-قعدي مع أهلج وسولفي معاهم ترى قعدة الأهل ماكو مثلها
-زوري أهلج وبنات خالاتج وبنات عماتج أو صديقاتج الطيبات وغيري جو
-تعلمي شي يديد مثلا كوروشيه او لغة يديدة
-روحي الجمعية انتي ييبي الماجلة حق البيت
-اهتمي بشعرج وجسمج وبشرتج كريمات وخلطات وماسكات
-شوفي برامج مفيدة وحلوة بالتلفزيون
-غيري ديكور دارج (لو بس تبدلين بين اماكن الاثاث)
-كسري الروتين وطلعي الصغار عندكم وديهم العاب مثلا (اذا ما كان عندهم امتحانات)
-بالزوارة سوي مسابقات حق اليهال ومسابقات حق الكبار كنوع من التغيير

ووااايد اشياء تقدرين تسوينها انا عطيتج افكار وانتي اخذي اللي يناسبج

 

[تحت ظلك]

بقولك على ثلاثة أمورلاتنسينها ابدا ابدا ابدا وفيها الفرج بأذن ربي:

1 / حياتك مو واقفه مثل ماتتصورين او واقفة على أمن وأمان صح؟ غيرنا تحت القصف سنوات والألم النفسي الحمدلله على ماأنعم الله به علينا

2 / أكثري من الأستغفار يمطر الله عليك البركات جربي وشوفي وقبل الأستغفار خليه النيه بأنه لغفران ذنوبك ورفع درجاتك وتفريج همومك وانه عباده لله حتى تكوني من الذاكرين لله كثيرا والذاكرات.

3 / احسني الظن باالله لو الدنيا كلها بعينك سواد احسني الظن باالله ثقي فيه انه يبيلك الخير وادعيه لأنه مايرد سائل ومادمتي بفراغ حافظي على صلاة الليل واوقات اجابة الدعاء,كل مااحسنتي الظن باالله ووثقتي فيه شفتي التغيير!

أنت بنعمة يفقدها الكثير غيري حياتك لأفضل.

 

[مدّهره !]

بالووظيفه رااح تستانسين وحيااتج تصير روحات وردات ومسؤولية أكثر

 

[هيبة ملك]

توكلي على الله. وعيشي حياتك

الحياة احنا. اللي نحليها. ونخليها مره
حاولي تشغلين نفسج توظفي. كوني صداقات
تقرب من الله. حددي وقت للعبادة والدعاء والاستغفار. وثقي ان اللي انت فيه احسن واطيب. وخير لج دامه من رب العباد

 

[سحرالعيوون]

حطي في بالج ان اللي ما يبتدى عمره مراح يوصل
وقولي في بالج لمتى بقعد جذي

انا متاكدة انتي مو عارفة شلون تبتدين وتحسين ان صعب عليج نوم واكل ونت ومرة وحدة راح تغيرين
صعب صعب في البداية اقولها لج صج لكن اضغطي على روحج وعلى مخج وسوي اي برنامج انتين تختارينه عشان مايكون
مره وحدة انتقلتي من حياة الرفاهية الى حياه حركية وانا من المؤيدين بقوة حق تغيرين نفسج كبداية
روحي القرآن ودشي المطبخ باسلوبج الخاص وراح تحبينهم خفاف على القلب

اتمنى لج التوفيق

 

[shahad 88]

حبيبتي حياتك مارح توقف عند السيارة والزواج
دشي دورات اونمي مواهبك طلعي من البيت تقربي الى الله اكثر كوني صداقات صلي رحمك ورح تتغير حياتك بس انتي جربي

 

[shahad 88]

حبيبتي حياتك مارح توقف عند السيارة والزواج
دشي دورات اونمي مواهبك تقربي الى الله اكثر صلي رحمك ورح تتغير حياتك بس انتي جربي

 

[F.Strawberry]

لا تخلين كل اعتمادج على السيارة او الزواج انهم يطلعونج من الروتين
انتي لازم تغيرين من نفسج وتبدين تقدمين حث نفسج
الوظيفة ممكن انها تفتح لج ابواب ممكن انها تادي الى الزواج او السيارة

وتتعرفين على رفيجات يدد
طوري من نفسج اقر ي دشي دورات تنمي هواياتج

انا مع الاخت بانج تتوظفين, استخيري و توكلي على الله :rerrerek:

 

[شرينة]

لا تخلين كل اعتمادج على السيارة او الزواج انهم يطلعونج من الروتين
انتي لازم تغيرين من نفسج وتبدين تقدمين حث نفسج
الوظيفة ممكن انها تفتح لج ابواب ممكن انها تادي الى الزواج او السيارة

وتتعرفين على رفيجات يدد
طوري من نفسج اقر ي دشي دورات تنمي هواياتج

جدا منطقي رد الاخت الفاضلة اتمنى لج ان تجدي نفسك بسرعة لان الاهمل في هذي الامور يجعلها كارثة ويفقم الحالة النفسية

 

[شرينة]

لا تخلين كل اعتمادج على السيارة او الزواج انهم يطلعونج من الروتين
انتي لازم تغيرين من نفسج وتبدين تقدمين حث نفسج
الوظيفة ممكن انها تفتح لج ابواب ممكن انها تادي الى الزواج او السيارة

وتتعرفين على رفيجات يدد
طوري من نفسج اقر ي دشي دورات تنمي هواياتج

جدا منطقي رد الاخت الفاضلة اتمنى لج ان تجدي نفسك بسرعة لان الاهمل في هذي الامور يجعلها كارثة ويفقم الحالة النفسية

 

[منيره آل ثاني]

مثل ماقالولج البنات
وازيدج بعد
قوله عز وجل (إن الله لا يغير ما بقوم حتى يغيرو ما بأنفسهم) صدق الله العظيم.

 

[Мαяўσσм]

غيري روتينج مثلا دشي نادي او كتبي قصه ابتكري شيء يديد
شنو موهبتج طوريها و كثري من الاستغفار و ذكر الرحمن

 

[MLAMI7]

آلنــآس وشّكوُتك مَ تغيــرْ شّي بروُتينكْ ولآ بحيآتكْ
إنتِ بيدينكْ * تقدريـــِن تغيرينهَآ من بعدْ آلله
أنآ كنتْ مثلكْ وإلىَ آلآن مثلكْ فِي بعض آلأموُر
خرجَآتـِي قليلهَ جداً وظيفهَ إلىَ آلآن أبحث عنْ شّي ممكنْ أتسلىَ فيهَ
ولوُ كآن شّي بسيط - دخوُل آلنآس آلعُقلآء فِي حيآتِي وآلنآس آلجميلهَ لهَآ دُور *
حضوُر دوُرآت تدريبيهَ * أيضاً دوُرآت تطوُير ذآت - تخليــِك تفتحينْ مخكْ أكثرْ
وتكتشّفين إشّيآء ممُكن تسوينهَآ وإنتِ جآلسه فِ آلبيتْ -

أنــَآ مثلاً *

أشّتغل علىَ نفســِي ب آلتغييـرْ آلمُستمرْ
أطوُر من معلوُمآتـِي - أتعلمْ فن آلردود *
كيفْ ممُكن أنآقشش وأستفيدْ )

مَرآت ألآقـِي نفسي بِ آلمطبخْ
أبتكررُ طبخَآت أو ممُكن أطبق )

أخشّ نت وأقرآآ موُآضيع ومشّآكل وأتعلمْ من هـَ آلموآقفْ

وآآلخخخخخ )




-



إنتِي بنفسكْ أدعمـِي نفسككْ ()
قولـي لِ نفسكْ أنآ قدهَآ - أنَآ أقدر أسوُي -
أنآ مسؤوله عن حيآتـِي و شّخصيتي
أنـَآ م أسمح لِ نفسي بِ آلإستسلآمْ

بِ آلإرآده و آلعزيمـهَ رآح تتغيريينْ
آلسيـآره يَ قلبِي مَ تغير شّي وآلله صدقينيْ
صحيح إنـِي سعوُديــهَ لكنْ أفهمْ
لأنوُ ممكنْ أطلع بسوُآق )
بس مَ ألآقِي أنو فِي شّي تغيير


وإذآ تقصدي علىَ آلنفسيـهَ أنآ معكْ )
خششّي مع نآس وأطلعي معَآهم
مطآعمْ شوآطئ فله وضحككْ
حطِي لِ حيآتك معنىَ )
فليي أمهآ ونآسسهَ إنسي آلكَآبه

خلـِي تجيككْ حآلآت فِ آلبيت
طلعـي آلكبتْ بِ آلصرآآخ هههههههههههههههههههههههههههههه

أو ألعــبِي آلحيآه حلوهُ
وبِذكر لله تطيب


^_^

 

[Môre N!Ce]

??????? ....... . ........

 

[Pinky -cat]

والله حبوبه البنات ما قصروا دام ما في جديد سوي لج شي يديد اخترعي شي مفيد تسوينه

 

[فجرر]

نفس وضعي

 

[dalo0oa121]

نفس وضعي

ليش ؟
انا بسبب صدمة بحياتي صرت اتهرب من هالحياة

 

[فطيم البحرين]

انتي ماتدرين بنصيبج عشان تقولين زواج انسة الفكررة افضل

ثاني شي روحي اشتغلي تخالطي بالناس حياتج بتتغير اكيد كل شي له مسؤوليته ولازم تعطينه حقه بس والله الشغل حلو أصلا وايد فن تحسين روحج مستقله