حياكم الله في مكتبتي ..

[م.بابونج]

رد : حياكم الله في مكتبتي ..

بسم الله الرحمن الرحيم .
الكتاب الثاني اللي راح نتناقش فيه اليوم هو ..

للكاتبة إليزابيث غيلبرت و الكتاب تم انتاجه كفلم و إهو حاليا في دور السينما

1) القصة : الكتاب يحكي قصة الكاتبة الحقيقية في رحلتها لاكتشاف نفسها من خلال 108 قصص في كل دولة 36 قصة .. بالبداية تذهب إلى إيطاليا روما حيث تكتشف هناك اللذة في الطعام و تعلم اللغة الايطالية الجميلة المليئة بالرومانسية .. بعدها تنتقل بنا إلى بلاد الهند حيث تتعلم اليوجا في جو الهند الحار و تتعلم كيف تتأمل في داخل نفسها لتصل إلى مرحلة الاتحاد مع الكون .. و أخيرا نسافر معها إلى جزيرة بالي في اندونسيا حيث تأخذنا الكاتبة في رحلة في كيفية موازنة لذة الحياة مع العبادة بحيث تصل إلى السعادة و الاتزان الداخلي

2) جو القصة : أنا قريت القصة في أول اسبوع لي في الجامعة يعني الاسبوع اللي طاف .. أنا كنت أسمعه audiobook لان ما عندي وقت أقرا صفحات و خاصة أنا معظم وقتي برة البيت و بالسيارة فكان الكتاب الصوتي أريح لي .. خلصته خلال 4 أيام و كنت أقدر أخلصه بأقل بس لأني كنت أدرس

3) النهاية : راااااااااااائئئئئعععععةةةةةة بكل معنى الكلمة لدرجة أنا نفسي ما صدقت إن فيه كتاب يكون بهالروعة

4) تقييمي للكتاب : لاول مرة في حياتي أعطي رواية 5 نجوم و بكل جدارة .. رائع جدا و لو إن فيه عيب واحد يمكن ما يعجب القارئ إن القصة وايد مفصلة شخصيات جانبية مالها داعي بس أنا هالشي يعجبني يحسسني بعمق الشخصيات أكثر ..


الكتاب عندي متوفر صوتي و الكتروني اللي تبيه لا يردها إلا لسانها :q8:

منتظرة مشاركاتكم
​

 

[حياتي فراغ]

رد : حياكم الله في مكتبتي ..

قوة يا حلوه
انهد حيلي انا ادرو الفيلم ,, ياكثر سيدياتي ...

شوفي اسم الفيلم chocolate
قصة الفيلم شوي معقدة
تبتدي بمشهد أن البطل يحس بطعم الكاكاو بحلجة ومايدري شلون
بعدين يبدي يحس باشياء غريبة ... يتسبح.. ياكل ,, يعرف قصة فيلم اهو ماشافة ...إلخ
يبدي يبحث عن الشخصية اللي مرتبط فيها و شنو السبب اللي يخليه يشعر هالشعور
يبدي يتذكر الاماكن اللي يشعر ان كان فيها واهو مازارها

بعد مايتوصل للبنت اللي شخصيتهم مترابطة ... ينصدم

الفيلم شفته من سنتين او اكثر
مقتمس من هالرواية ...


---

بالنسبة للرواية الثاية
بصراحة تشوق وخاطري اشتريها .. لأني ما احب اقرى من النت ..

و فعلا موضوع قمة

متابعة لج

 

[miss-fofo]

بابونج في من الراوية الثانية بالعربي؟ومن اي مكتبة؟

وحتى الرواية الأولى حلوة ودي يكون في منها بالعربي

بس اللي ابيها اكثرأكل صلاة حب

 

[Kuwait 1]

رد : حياكم الله في مكتبتي ..

شوقتيني اقراها معني كنت ضد الكتب المترجمة احب الكتب العربية بس

ممكن النسخة الالكترونية بجرب اقراها

 

[م.بابونج]

رد : حياكم الله في مكتبتي ..

حياتي فراغ .. يا قلبي دورت على اسم الفلم ما فيه مثل هالقصة << البنت حدها متحمسة للفلم .. فيه فلم ياباني بهالاسم , و فيه واحد أمريكي بس قصته كوميدية مو نفس اللي قلتيها .. إذا لقيتي له صفحة أو منو يمثل فيه بلغيني عشان أدور عنه ..
بصراحة أنا دورت على الرواية في الكويت ما لقيتها , كنت مفكرة أطلبها من برة بس لما شفتها متوفرة نزلتها على طول


مس فوفو و الله ما عندي فكرة إذا ناوين يترجمون الرواية بس بصراحة بصراحة ما ودي يترجمونها لانها لااا يمكن تترجم و تظل على نفس روعتها .. بالذات هالرواية لأنها تحتوي على مقاطع حلوة و بلغات أخرى ( إيطالي و هندي ) و ما أعتقد بيترجمون هالنصوص كلها بعد !! .. بصراحة ثقافة عامة و أحسن شي باسلوب الكاتبة إنه سهههللل جدا ما تحتاجين تفكرين و تحللين عشان تعرفين شنو معنات كلامها .. إذا كانت لغتج الانجليزية مجرد جيدة راح تمشين مع القصة صح

كويت 1 بالعكس الواحد يقرا كل شي بالذات إذا كان يحب الخيال و جذي .. و أنا ملاحظة الكتب الانجليزية تحتوي على خيال أدسم من الكتب العربية , أنا عن نفسي وايد حابة الانجليزي العربي راح أخليه فقط لكتب تطوير الذات أما روايات ما أعتقد .. بعثت لج الروابط و أي شي تبينه أنا حاضرة يا قلبي

 

[أم روعة]

فكرة الموضوع وايد حلوه ... امس رحت للفلم eat pray love بس للاسف كان وايد مقطع بطريقه تنرفز وممله
ودي اقرا الكتاب احس انه وايد احلى من الفلم .. الكتاب نزل نسخه عربيه ؟

 

[م.بابونج]

رد : حياكم الله في مكتبتي ..

و الله ما عندي فكرة إذا ناوين يترجمون الرواية بس بصراحة بصراحة ما ودي يترجمونها لانها لااا يمكن تترجم و تظل على نفس روعتها .. بالذات هالرواية لأنها تحتوي على مقاطع حلوة و بلغات أخرى ( إيطالي و هندي ) و ما أعتقد بيترجمون هالنصوص كلها بعد !! .. بصراحة ثقافة عامة و أحسن شي باسلوب الكاتبة إنه سهههللل جدا ما تحتاجين تفكرين و تحللين عشان تعرفين شنو معنات كلامها .. إذا كانت لغتج الانجليزية مجرد جيدة راح تمشين مع القصة صح

 

[~ تريآق]

رد : حياكم الله في مكتبتي ..


بطــــلة مس بابونج ^^

والله اني من شهور وانا اشوف الكتاب في جرير وكل مره أروح الفلبيني هنآك يرشحه لي وما آخذه لسبب بايخ


رحت شريت كتاب اسمه Ugly ... true story وكنت متحمسه لأنه قصه حقيقية .. ماااا قدرت أكمله يروع يقطع القلب شي قاسي مدري كيف .. لااا إراديا كل الكتب اللي شريتها معها كرهتها وبدون ما اقراها .. ورجعتهم <~ اقولج مخها مريض

من ضمن الكتب اللي ارتبطت في Ugly هالكتآب Eat pray love وماعاد فكرت اشتريه أو اقراه

بس ان شاء الله بعد كلامج عنه اروح اشتريه واقراه .. وابشرج عن رايي فيه ^^

ماقصرتي مس بابونج ويعطيج العافيه

 

[م.بابونج]

رد : حياكم الله في مكتبتي ..

ترياق : لا يا قلبي الكتاب راااااااائئئععع و بالعكس كله سعيد و نهاية جدا سعيدة و حلوة .. أنا أنصح فيه بشدة و مثل ما قلت لج أول مرة أعطي رواية 5 نجوم أنا بالعادة ما أسويها و راح تشوفين بالكتب الياية ان شاء الله

 

[~ miss NERD ~]

eat ,pray,love
اليوم ببدي فيه ان شاء الله
و قواج الله عالموضوع و لا توقفين خلينا نستفيد

 

[كلي أنوثة]

متااااااااابعتج
و مشكورة
انا قريت طعام صلاة حب بالعربي و رحت الفلم .. بس صراحة باطة جبدي البطلة حرام تطلقت من ريلها الي يحبها و بنى بيته معاها بدون سبب.. كانت تقدر تسوي اكتشافتها و تسافر بدون ما تطلقه..او عالاقل جان ارجعتله يوم حست انها تحبه و اهيا بالهند..مادري ليش حسيتها متخبطة بحياتها..الي عجبني بالفلم ايطاليا ونااااااااااااسة العيوز الايطالية واهيا تتكلم تهبلللل حسيت ودي صج اتعلم ايطالي.خل اتعلم انقليزي اول ههههههه..بس انا انصحكم فيه رغم اني مو متوافقة 100% مع تصرفات المؤلفة و اهيا بنفسها تقول كانت حياتي الكل يتمناها و يحسدوني عليها بيت و ريل و فلوس شتبي بعد ههههههه

 

[م.بابونج]

رد : حياكم الله في مكتبتي ..

كلي أنوثة .. صج فيه ترجمة عربية ؟؟
على فكرة ترى الكاتبة ذكرت فيه بداية الكتاب إنها ما تبي تذكر أسباب طلاقها يعني مبين فيه سالفة طويلة عريضة فما نقدر نحكم من القصة , و بعدين اللي قاعدة تشتاق له هذا مو ريلها .. هذا الريال اللي حبته بعد ما هدت ريلها اسمه ديفيد و كانت تحبه وايد بس بعد مرور فترة بدى إهو يحس بفتور تجاهها لان حس إنها ما عندها شغل غيره فمل منها
و اللي ذكرته الكاتبة قالت الناس تحسدني على حياتي " يعتقدون" إن زواجي سعيد و إن إحنا متفاهمين مع بعض


مشكووورة على المرور يا قلبي .. بس جم تعطين الكتاب من 5؟؟

 

[م.بابونج]

رد : حياكم الله في مكتبتي ..

بسم الله الرحمن الرحيم ..
كتابنا الثالث لهذا اليوم هو ..

للكاتب Neil Gaiman

القصة أصدرت سنة 2006 و تم انتاجها كفلم سينمائي حمل نفس اسم القصة ..

1) القصة : تحكي القصة عن شاب اسمه تريستان ثورن قرر يتحدى المجهول من أجل كسب حب حبيبة عمره فيكتوريا , اللي شرطت عليه إنها ما تحبه إلا إذا أحضر النجمة اللي طاحت من السماء يوم كانوا قاعدين مع بعض في الحديقة .. و عشان يقدر يحصل هالنجمة لازم يعبر الحائط المحرم اللي يفصل عالم البشر عن عالم آخر حيث تعيش مخلوقات غريبة عجيبة , و في الوقت نفسه كان هذا العالم يعاني من مشكلة أزلية , و هي إيجاد وريث للعرش لان الملك عنده 10 أولاد .. يلتقي تريستان بالنجمة التي يتفاجئ بأنها امرأة جميلة و يعيشان معا مغامرة جميلة جدا يتعلم تريستان فيها دروس قيمة عن الرجولة و الحياة ..

2) جو القصة : أنا قريت القصة و كنت جددددااا متحمسة أقراها خاصة إني كنت توني مخلصة سلسلة توالايت و كانت محبطة و جدا و أنا من عشاق فلم stardust و لكنها للأسف خيبت ظني و الفلم أحلى بوايد من القصة فكنت أقراها بهدف إني بخصلها لا أكثر

3) النهاية : جيدة إلى حد ما .. و لكن نهاية الفلم أحلى بوايد

4) تقييمي للرواية :أعطيت الرواية 2 من 5 لانها في بعض المقاطع شدتني و لكن أغلها كانت حوارات لا معنى لها ..


و طبعا يا حلوات هذا تقييمي الخاص اللي عندها تعليق أو تعقيب تتفضل نقدر نتناقش


:aha::eh_s(21):
​

 

[miss-fofo]

رد: رد : حياكم الله في مكتبتي ..

حياتي فراغ .. يا قلبي دورت على اسم الفلم ما فيه مثل هالقصة << البنت حدها متحمسة للفلم .. فيه فلم ياباني بهالاسم , و فيه واحد أمريكي بس قصته كوميدية مو نفس اللي قلتيها .. إذا لقيتي له صفحة أو منو يمثل فيه بلغيني عشان أدور عنه ..
بصراحة أنا دورت على الرواية في الكويت ما لقيتها , كنت مفكرة أطلبها من برة بس لما شفتها متوفرة نزلتها على طول


مس فوفو و الله ما عندي فكرة إذا ناوين يترجمون الرواية بس بصراحة بصراحة ما ودي يترجمونها لانها لااا يمكن تترجم و تظل على نفس روعتها .. بالذات هالرواية لأنها تحتوي على مقاطع حلوة و بلغات أخرى ( إيطالي و هندي ) و ما أعتقد بيترجمون هالنصوص كلها بعد !! .. بصراحة ثقافة عامة و أحسن شي باسلوب الكاتبة إنه سهههللل جدا ما تحتاجين تفكرين و تحللين عشان تعرفين شنو معنات كلامها .. إذا كانت لغتج الانجليزية مجرد جيدة راح تمشين مع القصة صح

كويت 1 بالعكس الواحد يقرا كل شي بالذات إذا كان يحب الخيال و جذي .. و أنا ملاحظة الكتب الانجليزية تحتوي على خيال أدسم من الكتب العربية , أنا عن نفسي وايد حابة الانجليزي العربي راح أخليه فقط لكتب تطوير الذات أما روايات ما أعتقد .. بعثت لج الروابط و أي شي تبينه أنا حاضرة يا قلبي

مادام انه لغته الأنجليزية سهلة

ان شاء الله اشتريه لأني احب لنجليزي وماشي حالي فيه

بس اول شي بتصفحه علشان اشوف مناسب مستواي ولا لأ

 

[م.بابونج]

رد : حياكم الله في مكتبتي ..

حياج الله يا قلبي ..
دزيت لج القصة أتمنى تعجبج

 

[ذكريات]

رد : حياكم الله في مكتبتي ..

ممكن تعطيني الرابط

الله يعطيج العافية انا ما احب اشتري كتاب ادا ما سمعت عنه لان وااايد شريت اشياء ما عجبتني

انتي بس تقرين بالانجليزي ؟؟؟


انا حاليا اقرا طعام صلاة حب ... ادا عندج له رابط يريت تدزينه لي

تعبت و انا اشيله معاي و اهو كبير

 

[حياتي فراغ]

رد : حياكم الله في مكتبتي ..

هذا أنا صورت لج الفيلمين ..

بنسبة لرواية ستارديست
أحسها كرواية روعة .. بس كفيلم رغم قوة الانتاج بس ماحسيت انه يشد حيل
يعني بداية الفيلم قوية بعدين تملين ...




وهذي الصور

[/url] العاب[/IMG]

الظاهر كل رواياتج عندي منهم أفلام ..لوووووووول

 

[Tom ♥ Jerry]

.


مآشالله عليج صج فكره حلوه ! (=
و متآبعتج وآصلي حبيبتي

أول روآيه حطيتيها حطي حبيتهآ .. و هم ثآني روآيه
و آن شاء الله اقراهم ,,
آمآ ثآني روآيه مآ شدتني وآيد :*


يعطيج العافيه ..

 

[م.بابونج]

رد : حياكم الله في مكتبتي ..

هذا أنا صورت لج الفيلمين ..

بنسبة لرواية ستارديست
أحسها كرواية روعة .. بس كفيلم رغم قوة الانتاج بس ماحسيت انه يشد حيل
يعني بداية الفيلم قوية بعدين تملين ...




وهذي الصور

[/url] العاب[/img]

الظاهر كل رواياتج عندي منهم أفلام ..لوووووووول

لوووووووول لا مو كلهم .. بس أنا حاليا قاعدة أحط الروايات المشهورة , أنا قارية وايد راح تشوفين من كل صنف نوع مو بس روايات , مشكووووورررةةة على الفلم خل أشوف أدوره ..

معقولة الفلم ما عجباج ؟؟ أنا عندي الفلم من الكلاسيكيات اللي كثر ما أشوفه ما أمل منه من جذي تحبطت من الرواية .. انتي قريتي الرواية ؟؟

 

[م.بابونج]

رد : رد: حياكم الله في مكتبتي ..

.


مآشالله عليج صج فكره حلوه ! (=
و متآبعتج وآصلي حبيبتي

أول روآيه حطيتيها حطي حبيتهآ .. و هم ثآني روآيه
و آن شاء الله اقراهم ,,
آمآ ثآني روآيه مآ شدتني وآيد :*


يعطيج العافيه ..

حياج الله معانا يا قلبي ..
أي رواية اللي ما شدتج وايد ؟؟ .. على العموم الناس أذواق بس الواحد ما يحكم على الكتاب من عنوانه أنا تعلمت هالشي من رحلتي مع الكتب خخخ ساعات الغلاف أو الاسم ما يعجبني بس تطلع الرواية عجيبة حدها ..

لا تحرمينا من طلتج