حياكم الله في مكتبتي ..

[LUXURY]

أفا عليج احط ريفيو
بس جم تعطيني ؟؟؟
خخخخخ
اللي معاي ماشاء الله خلصته
الحين دوري ابي اخلصه
ننطر الثالثه بعد تخلصه ونكتب بالموضوع الاساسي بس اذا خلصته لاتخافين باكتب هني
عسى الثالثه ماتدش هني ونحرقه عليها هههههه

 

[م.بابونج]

رد : رد: حياكم الله في مكتبتي ..

أفا عليج احط ريفيو
بس جم تعطيني ؟؟؟
خخخخخ
اللي معاي ماشاء الله خلصته
الحين دوري ابي اخلصه
ننطر الثالثه بعد تخلصه ونكتب بالموضوع الاساسي بس اذا خلصته لاتخافين باكتب هني
عسى الثالثه ماتدش هني ونحرقه عليها هههههه

لووول يالله زين ما شاء الله .. خلاص ناطرة الريفيو منج و أعطيج كتاب لوووووووووووووووووووووووووووووووووووووووووووووووول :krkrkr:

توني شفت خوووش فلم اسمه The King's Speech أنصحج تشوفينه حده حده عجيييييييييييييييييييبببببببب شوفيه .. إلى الآن أقرا ويكيد لوفلي ما صارت لوووول

 

[LUXURY]

لاااااااااااااااااا تكفييييييييييييين
خشيلي الكتاب لاتعطيني اياه الحين ماعندي مكان
مادري اشبسوي
مرات اقول احترم نفسي واييب مكتبه
ومرات افكر ان يبت مكتبه بانفضح بالجرم المشهود وبيعرفون اهلي اشكثر مفسفسه عالكتب ويرفسوني
خخخخخ

انا شفت شاتر ايلاند توني وسويتلي قهوه وييت باقرا
والله عور قلبي ماكنت ادري هذي النهايه
بس الممثل الثاني اللي مع ليوناردو اهو اللي مثل بفلم 13going into30 عجييييييييييب احبببببببببببه<<<<انتي منو ماتحبين بس ماخليتي احد حق بناتج خخخخخخخ :krkrkr:

 

[LUXURY]

بوبو بغيت اسالج
لما قريتي كتاب i can make you thin اشكثر ضعفتي وجم كانت المده؟؟
لان وصلت مرحله من الياس احس يبيلي راعي شوارما يشيل الزوائد
انا مو أوفر متينه بس بالنسبه لقبل اويلااااااه وين الرشاقه ايام زمااااااااااان
أخاف لما أخطب لوك يهون وماياخذني عاد قلت اضعف احسن خخخخخخخخخخ :krkrkr:

 

[love love]

بابانوج انا للمره المليووون الي اعيد هالسؤال عليج وعلى باجي البنات بس مادري لووول زهايمر


المهم ابي كتب للمبتدئين ولغتهم مش ولابد


عندي كتاب live what you love
توني بديت فيها وكلماتها عاديه وماره علي بالدراسه بس ليش ماكو ممارسه فظليت اشببهه عالكلمات ومع دكشنري تذكرتهم

وعندي كتاب اقاويل حلووو قريت فصل منه وكلماته حلوه وسهله وتعطيج بووور


خل اخلصهم واقول رايي

بس ممكن كتب من اقتراحج؟؟؟

 

[بيرلا ستور]

موضوع روعة
وجاري التصفح فيه لان بعدني بالصفحة الثانية

 

[LUXURY]

lovr
حبيبتي الكتب تعتمد على ميولج
انا قلتلج من قبل عن الكاتبه cecelia ahern كتبها قصص رومانسيه بعضها فيها خيال شوي
روحي المكتبه قوليلهم ابي young adult novella
هذي قصص مستوى اللغه من السهل للمتوسط وعباره عن قصص قصيره يعني مرات ماتوصل ال200
بس محتوى القصه على ذوقج تبين رومانس تبين خيال تبين علمي تبين جرائم ووووو
أعتقد عندكم في مكتبات حتى اقوى من عندنا
اذا في نوع معين ببالج عاجبج او مجال تحبين تقرين فيه قوليلنا ونقترح
بس لان احنا نحب نقرا القصص الخياليه اللي بالعربي يقولون ماوراء الطبيعه
سوري تليقفت ورديت بس ادري فرق التوقيت ويمكن بوبو ترد عليج بوقت انتي مو شابكه قلت افيدج شوي

 

[م.بابونج]

رد : رد: حياكم الله في مكتبتي ..

بوبو بغيت اسالج
لما قريتي كتاب i can make you thin اشكثر ضعفتي وجم كانت المده؟؟
لان وصلت مرحله من الياس احس يبيلي راعي شوارما يشيل الزوائد
انا مو أوفر متينه بس بالنسبه لقبل اويلااااااه وين الرشاقه ايام زمااااااااااان
أخاف لما أخطب لوك يهون وماياخذني عاد قلت اضعف احسن خخخخخخخخخخ :krkrkr:

لووووول الحال من بعضه أنا ألحين قاعدة أحاول أضعف بعد لووووول , و الله أنا بعد كنت رشيقة و ما فيه شي جسمي بس من هالعملية قمت آكل وايد كردة فعل و متنت وااايييددد ألحين قاعدة أحاول أرد أضعف تقريبا 11 كيلو مو متأكدة .. ها نبدي رجيم مع بعض ؟ :eh_s(9):

بالنسبة للكتاب أنا ضعفت عليه 13 كيلو خلال 3 أشهر .. و الكل لاحظ إن التغير ما كان بس في جسمي حتى في طريقتي بالكلام و ثقتي بنفسي .. يعني صج صج صج أنصحج فيه رائع بكل معنى الكلمة

 

[م.بابونج]

رد : رد: حياكم الله في مكتبتي ..

بابانوج انا للمره المليووون الي اعيد هالسؤال عليج وعلى باجي البنات بس مادري لووول زهايمر


المهم ابي كتب للمبتدئين ولغتهم مش ولابد


عندي كتاب live what you love
توني بديت فيها وكلماتها عاديه وماره علي بالدراسه بس ليش ماكو ممارسه فظليت اشببهه عالكلمات ومع دكشنري تذكرتهم

وعندي كتاب اقاويل حلووو قريت فصل منه وكلماته حلوه وسهله وتعطيج بووور


خل اخلصهم واقول رايي

بس ممكن كتب من اقتراحج؟؟؟

حبيبتي انتي شنو نوعية الكتب اللي تبينها ؟ تبين قصص أطفال و لا روايات عادية و لا كتاب تطوير الذات ؟؟

على العموم انا اقتراحاتي بالنسبة للروايات
1) Just Listen by Sarah Dessen
2) Thanks For the Memories by Cecelia Ahern
3) Eat Pray Love

و بالنسبة لكتب تطوير الذات
1) Confidence is queen
2) I can do it by Louisa L.Hay

و قصص الأطفال حلوة و موجودة بالمكتبات جميلة .. و تقدرين تشاركين فيها أي أطفال موجودين عندج بالبيت

 

[م.بابونج]

رد : رد: حياكم الله في مكتبتي ..

موضوع روعة
وجاري التصفح فيه لان بعدني بالصفحة الثانية

حياج الله يا قلبي

 

[م.بابونج]

رد : رد: حياكم الله في مكتبتي ..

lovr
حبيبتي الكتب تعتمد على ميولج
انا قلتلج من قبل عن الكاتبه cecelia ahern كتبها قصص رومانسيه بعضها فيها خيال شوي
روحي المكتبه قوليلهم ابي young adult novella
هذي قصص مستوى اللغه من السهل للمتوسط وعباره عن قصص قصيره يعني مرات ماتوصل ال200
بس محتوى القصه على ذوقج تبين رومانس تبين خيال تبين علمي تبين جرائم ووووو
أعتقد عندكم في مكتبات حتى اقوى من عندنا
اذا في نوع معين ببالج عاجبج او مجال تحبين تقرين فيه قوليلنا ونقترح
بس لان احنا نحب نقرا القصص الخياليه اللي بالعربي يقولون ماوراء الطبيعه
سوري تليقفت ورديت بس ادري فرق التوقيت ويمكن بوبو ترد عليج بوقت انتي مو شابكه قلت افيدج شوي

لووووووووول يبا اخذي راحتج الموضوع موضوعج لوووووووووووووووووول .. أنا باقيلي جابترين و أخلص ويكيد لوفلي كل مرة لما أبي أقعد عليها أبي اخلصها يطلع لي شغل لووووول من جذي أنا كنت حابة الكتب الصوتية أكثر من الكتب المقروءة عشان أقدر أشتغل و أقرا بنفس الوقت أتوقع قيما راح اخلصه أسرع من هذا .. عاد أنا ما أحب أطول على الكتاب خاصة إذا كنت ادري إني أقدر أخلصه بسرعة لوووول انزين شقلتي على سالفة الرجيم ها نصير رفيجات رجيم ؟ << فضحتج لووول

 

[ماي العين^_^]

اباااا رواية الغريبه بس ملف وورد او شي يتنزل بسهوله انا ماعرف للبرامج وايد

اظن حاطه رابط القصه بس يوم نزلته ماطاع يتنزل

 

[م.بابونج]

رد : رد: حياكم الله في مكتبتي ..

اباااا رواية الغريبه بس ملف وورد او شي يتنزل بسهوله انا ماعرف للبرامج وايد

اظن حاطه رابط القصه بس يوم نزلته ماطاع يتنزل

أي قصة تبين يا حياتي ؟ و حياج الله بالموضوع

 

[ماي العين^_^]

الغريبه لمليكه اوفقير

 

[م.بابونج]

رد : حياكم الله في مكتبتي ..

بسم الله الرحمن الرحيم ..

اليوم كتابنا هو ..

و هو الجزء الخامس و الأخير من سلسلة Wicked Lovely الكتاب أصدر تاريخ 22 فبراير

1) القصة : في هذا الجزء تنتهي مغامرة آشلن و سيث و كينان و جميع الحكومات الموجودة في عالم ال" Faeries " عندما يتوحدون ضد عدوتهم باناناخ التي تحاول أن تسيطر على جميع الحكومات لتنشر الحرب و الدمار في هذا العالم الجميل بمحاولتها للتقسيم بينهم و قتل الأبرياء .. و في نفس الوقت يحاول كينان محاولة أخيرة لكي يحث آشلن على التخلي عن سيث و قبوله كحبيب لها بينما دونيا التي تحب كينان تحاول أن تدمر مشاعرها حتى لا تفسد حكومتها .. أحداث و مغامرة جديدة في هذا الجزء الجديد

2) جو القصة: أنا من زمان كنت قارية الأجزاء الأربعة الأولى .. بس أنا يوم شفت دعاية الكتاب كنت متوقعة إن الكاتبة راح تنهي كل الأشياء اللي صارت بالأجزاء الأربعة , بس اللي صار إنها ركزت على المثلث المستحيل كينان و آشلن و سيث و ما عطت مجال حق قصص الحب الثانية اللي صارت .. بس كانت القصة ممتعة جدا و حلو و تنقل إلى عالم ثاني

3) النهاية :سعيدة و حلوة و بصراحة و أنا كنت أقرا النهاية دمعت عيني شوي لووول

4) تقييمي للقصة : 4 من 5 نجوم .. الجزء الأول كان أحلى جزء
​

 

[م.بابونج]

رد : رد: حياكم الله في مكتبتي ..

الغريبه لمليكه اوفقير

هذا رابط القصة يا قلبي

http://www.4shared.com/file/Dk4WN_7Z/__online.htm

 

[ماي العين^_^]

ماعرفت انزله...

 

[love love]

مشكوره حبيبتي لاكجري


ومشكوره بابونج


انا احب كتب تطوير الذات حتى كتاب live what you love من كتب التطوير

ومشكووووورين

 

[فرقى ولايف ..]

موضوع رائع جداً قواج الله ..

وصلت لصفحة 15 و حطيته بالمفضلة وإن شاء الله بارجع أكمل قراءة الموضوع بأقرب فرصة ممكنة ..

هذي بعض ملاحظات ..

1)
كتاب طعام صلاة حُب .. تلقونه بفيرجن مارينا مترجم للغة العربية
أنا أبببداً ما شدني الكتاب مع إن واجد ناس مدحوا لي إياه

2)
بالنسبة لجين أوستن رواية كبرياء وهوى
أنا شفتها فيلم .. و مهما أكرره ماااا أملّ منه
أحب أعمال جين أوستن لكن مو المقروءة أحب أشوفها بالأفلام
عموماً كل أعمال الأدب الانجليزي اللي تحوّلت إلى أفلام تشدّني وتبهرني
جوّ الحياة اللي كانوا عايشينها وقيمهم ومبادئهم الغريبة على واقعهم الحالي
واللبس والديكور والطبيعة كلللها تسحرررني


3)
كتاب الرجال من المريخ والنساء من الزهرة لجون غراي
قرأته و أنا توني مو متزوجة بس حسيته حيييل قوّى علاقتي مع أبوي
وصرت أفهم كل شي يمرّ فيه فما بالج لو كنت متزوجة
أنصح كللل إنسانة إنها تقراه لأنه حيل حيل حلو ومؤثر

4)
رواية السجينة لمليكة أوفقير
قرأتها كاملة .. أحداثها مثيييرة جداً وُمحزنة
إلا أن الترجمة كانت سيئة جداً
و أسلوب مليكة بالكتابة ظَلَم الأحداث الحقيقة أنا موقنة إنها كانت تقدر تطلّع القصة
بشكل أفضل وأكثر تأثير


5)
أتمنى أحصّل على رواية ذهب مع الريح نسخة مترجمة للعربية
ومطبوعة مو نسخة إلكترونية .. من أكثر الروايات اللي أتشششفق لقراءتها



.
.
.


لي عودة بإذن الله بصراحة موضوع " للللذيييذ" ..

 

[LUXURY]

بوبو
انا ابي اضعف 16 كيلو خخخخخخخ
ابي ارد رشاقة ماقبل الزواج
ماكو الا نسوي ريجيم مع بعض
خخخخخخخ
انا خلصت الكتاب احط الريفيو واقريه علشان تاخذين فكره عن القصه وتشوفين اذا بتعجبج والا لا
وويكيد لوفلي ناطرتها على نار عاد طالبتها من جرير مادري متى بتوصل صارلي 10 ايام او اكثر طالبتها


death and life of charlie st. cloud

القصه تدور حول تشارلي فتى عمره 15 سنه وعنده اخو عمره 11 او 12
كل واحد من ابو غير والابوان هاجرين الام وموكلينها مسئولية تربية عيالها
على الرغم من اختلاف الآباء الا ان الاخوين متعلقين ببعض تعلق شديييييييييييد ومن اهم الاشياء المشتركه بينهم ويمارسونها على طول (سباق السفن الشراعيه الصغيره ولعبة التنس)
في يوم من الايام كان في مباراة تنس لفريقهم المفضل الرد سوكس والام كانت بالشغل ماخذه شفت اضافي نظرا لظروفهم الماديه وعندهم جاره عجوز
تشارلي كان حاجز تذاكر له ولاخوه للمباراة وخذو سيارة جارتهم بدون علمها وراحو المبارات وبطريق العوده حصل حادث وانقلبت السياره وبالوقت اللي وصلت فيه الاسعاف علشان يصحونهم كانو قد فارقو الحياة لكن ارواحهم ماكانت مستعده انها تروح لمرحلة الموت بالعكس الارواح علقت بين الحياة والموت
بعد عملية الانعاش واحد من الممرضين عنده ايمان قوي بالمعجزات وصحى تشالرلي من الموت ولكن للاسف اخوه سام مات
ومن وقت الدفن اللي صار في وقت المغيب تشارلي صار يشوف الاموات ويكلمهم وعاش في دوامة الندم وتانيب الضمير لموت اخوه
واشتغل بالمقبره لانه ظل 13سنه يوميا يواعد اخوه سام عند المغيب ويتدربون على التنس ولو تاخر شوي راح يخسر اخوه للابد
قصة الحب تبدي بحياة تشارلي اللي انطوى عن العالم لما تدفل في حياتة تيس صاحبة املاك سفن شراعيه ولوازمها ورثتها من ابوها واللي دخلت بمسابقه للسفر حول العالم
واعدها تشارلي وحبو بعض لكم يوم ولكن تفاجأ بيوم وهو بالبار لما دخلو شرطيين مع واحد من مساعدين تيس يقولون ان صارلها فتره مفقوده بالبحر
هالشئ خلى تشارلي بحيره
السؤال: هلى تيس حيه والا ميته وتشارلي كان يتوهمها والا متعلقه بين عالمي الموت والحياة وماتدري
هني تشارلي يصير بدوامة الحيره هل يتخلى عن اخوه المتعلق بين عالمي الموت والحياة علشان حبه له علشان تيس؟ والا يتخلى عن رحلة بحثه عن تيس اللي بسببها راح يخسر اخوه للابد


النهايه سعيده ومبكيه صراحه والقصه رائعه
انا اعطيها 4ونص من5
وبس