حياكم الله في مكتبتي ..

[م.بابونج]

رد : رد: حياكم الله في مكتبتي ..

م .بابونج : I can make u thin
خطوات نظامه او شرح نفسي ... يعني مثلا يقول شربي قلاص ماي قبل الاكل وسوالف جذي لان وانا اختج وراي عمليه وماابيها تخترب ابي سوالف تساعدني اكثر انزل
بابونج وصج ابي روايه اسمها مرتفعات ويذربينغ اذا ماره عليج شايفتها بجرير ؟؟؟

أهلين قلبي ..
لا لا لا لا .. كلش كلش ما يتحكم بنظام يومج أبدا أبدا أبدا .. فقط يحطج على المسار الصحيح و شنو تسوينه خلال يومج انتي تحددينه تخيلي المظام يسمح لج بأكل الشوكلاته و الأرز و الباستا و الآيس كريم و على جذي راح تضعفين و عن تجربة شخصية حتى الكل مستغرب شلون أنا ضعفت بالشكل الرهيب هذا ..

و بالنسبة للكتاب ما عندج اسم المؤلف ؟ لأني حاولت أدوره بالانجليزي على الأقل أشوف غلافه إذا كنت أعرفه و لا لا ..

 

[princeSs rose]

^
^
^
حتى أنا أبغى مرتفعات ويذربينغ بالأنجليزي
أبووي ما بقى مكان وما دور عليه وما حصصله لو تعرفي بلييز قولي عن مكان البيع
بمكتبة متواجدة بعُمان لو تقدري

 

[م.بابونج]

رد : حياكم الله في مكتبتي ..

يا قلبي ما عندج اسم المؤلف أو المؤلفة ؟؟ لان مو لاقية كتاب بهالاسم حتى بالعربي !!

 

[.]

قصدهم هالروايه اعتقد..

مرتفعات ويذرنج كتبتها ايميلى برونتى..

انا شاريتها قبل جم سنه من ذات السلاسل ولقيت روايات الجيب المصريه منزلين ترجمه لها بعد..

 

[م.بابونج]

رد : حياكم الله في مكتبتي ..

رونة تسلمين يا عمري .. فعلا لقيت الرواية ..

هاذي إهي القصة بالانجليزي ..
http://www.4shared.com/get/JAeKyhF1/Wuthering_Heights_-_Emily_Bron.html

و أتوقع بمكتبة جرير تلقينها موجودة لأنها كلاسيكية

 

[ام عبدالوهاب555]

Wuthering Heights
by
Emily Brontë


تينن من اولى قراءاتي بالعربي

وبحاول اقراها بالانجلش


وم.بابونج

شنو ماركة الكتاب الالكتروني وشرايك فيه ممكن تشرحين عنه اكثر وسعره ومن وين


وسمعتي ب nook?

شالفرق عن الي عندك؟

 

[م.بابونج]

رد : رد: حياكم الله في مكتبتي ..

Wuthering Heights
by
Emily Brontë


تينن من اولى قراءاتي بالعربي

وبحاول اقراها بالانجلش


وم.بابونج

شنو ماركة الكتاب الالكتروني وشرايك فيه ممكن تشرحين عنه اكثر وسعره ومن وين


وسمعتي ب nook?

شالفرق عن الي عندك؟

اللي عندي هو الkindle اللي تطلبينه من أمازون .. أنا حبيته لان انتي ما تتقيدين بس بكتب أمازون بس عادي تنزلين من النت و تحطينه فيه أي كتاب الكتروني pdf تقدرين تحطينه فيه .. أما الnook لازم تكونين شارية الكتاب من المكتبة نفسها و هذا الشي بصراحة يقيدني لأني مو دايما أشتري الكتب من النت و شغلة ثانية ما عجبتني بالنوك إن لازم برنامج خاص تشغلين فيه الكتب , مو أي شي يشتغل و حتى الكتب اللي تشترينها حق النوك ما تقدرين تشاركينها مع أحد ..

kindle is from amazon.com
nook is from barnesandnobles.com

القصة حطيت رابطها بالرد اللي قبل ردج

أتمنى فهمتي شرحي :33_1185028183:

 

[BlAcK_Witch]

اي عندي نسخه اللكترونيه بس ابيها كتاب لان جرير يوم رحت قال مافي بجرب بالعجيري بس مرررررسي وايد
وحلو والله
بس بصرجه الكتب الالكترونيه كلش مو من ربعهم ابداااااا مااقدر احد يقرا علي راسي اموت احس ايني شبه شلل Oo

 

[م.بابونج]

رد : رد: حياكم الله في مكتبتي ..

اي عندي نسخه اللكترونيه بس ابيها كتاب لان جرير يوم رحت قال مافي بجرب بالعجيري بس مرررررسي وايد
وحلو والله
بس بصرجه الكتب الالكترونيه كلش مو من ربعهم ابداااااا مااقدر احد يقرا علي راسي اموت احس ايني شبه شلل oo

لووووول لا يا قلبي اللي أعطيج إياه مو كتاب صوتي .. اسمه كتاب الكتروني ..

ما فيه أحد يقرا على راسج و لا شي لووول .. إهو حاله حال الكتابة العادي .. بس إنه نسخة تقرينها من على الكومبيوتر و تقدرين تطبعينها و تقرينها عادي مثل الكتاب العادي ..
الكتب الصوتية حقي أنا لأن ما عندي وقت أقرا لوووووووووول

 

[BlAcK_Witch]

لا لاء لاء ادري كتب الكترونيه خو من ربعهم عندي تقريبا 350 كتاب قولي شلون بتبجين من الخرعه
بس انا اقصد نقاشكم عن الكتب الصوتيه رفيجتي تسمع ماتقراا
وانا احس راسي يصير بطيخه مااقدر فا هذاا قصدي
مشاءاللله عليكم انا اسمع احد يسولف وايد اتنرفز شلون اذا يقرا كتاب 450 صفحه مثلا انتحرررررررررر
بس مشكوررره وايد علي اللنك عمري حدهااا تشوق من البست عندي انا الحين مهتمه وايد بالكلاسيك (كوني من عشاق الحركه الرومانسيه بمطلع القرن 18 ومركزه اهتمامي بهالفتره بس تسلميلي مره ثاانيه

 

[م.بابونج]

رد : رد: حياكم الله في مكتبتي ..

لا لاء لاء ادري كتب الكترونيه خو من ربعهم عندي تقريبا 350 كتاب قولي شلون بتبجين من الخرعه
بس انا اقصد نقاشكم عن الكتب الصوتيه رفيجتي تسمع ماتقراا
وانا احس راسي يصير بطيخه مااقدر فا هذاا قصدي
مشاءاللله عليكم انا اسمع احد يسولف وايد اتنرفز شلون اذا يقرا كتاب 450 صفحه مثلا انتحرررررررررر
بس مشكوررره وايد علي اللنك عمري حدهااا تشوق من البست عندي انا الحين مهتمه وايد بالكلاسيك (كوني من عشاق الحركه الرومانسيه بمطلع القرن 18 ومركزه اهتمامي بهالفتره بس تسلميلي مره ثاانيه

عاد تبين الصج ؟ .. أنا حتى مو زود مع الكتب الصوتية .. بس شسوي مجبورة و الله , لأني أنا ما أقدر أروح و ارد معاي كتاب و أنا معظم وقتي أكون قاعدة أسوق بالسيارة ما أقدر أفتح كتاب و أقرا و انا أسوق فبدال لا أقعد أسمع أغاني و مادري شنو أقعد أقرا رواية تسليني بدال الراديو اللي ما منه فايدة لووووول .. الكتب الصوتية حلوة حق الناس المشغولة أما لو كنت فاضية ما أعتقد إني بلجأ لها لوووول
يالله زين طلعتي تحبين الكتب الالكترونية .. تقدرين تشترين لج قارئ الكتروني عشان يصير كتابج بيدج وين ما رحتي

 

[م.بابونج]

رد : حياكم الله في مكتبتي ..

بسم الله الرحمن الرحيم ..
كتابنا هالمرة لنفس المبدع paul mckenna و هو ..

1) محتوى الكتاب: الكتاب طبعا مبين من عنوانه .. الريال يقترح لنا طرق عن كيفية النوم بشكل سليم .. طبعا كلنا ندري في زمن كثرت فيه التوترات العصبية و المشاكل النفسية و الأشياء و المسؤوليات الواحد ما قام يقدر ينام بهدوء .. هذا الكتاب يعطيك أفضل و أبسط طريقة عشان تقدر تنام بواسطة برمجة عقلك الباطن على النوم بهدوء و راحة

2) جو القصة : أنا كنت أعاني من أرق مزمن .. أكثر شي أنام 3 ساعات و ما أقدر أنام أكثر , تركيزي بالدراسة صفر لأني ما أنام و كله دايخة , و بعد ما قريت كتابه عن فقدان الوزن و فقدته قررت أجربه مرة ثانية بهالكتاب و فععععلللاا و الله نجح معاي بطريقة عجيبة و ليلحين أتبع طريقته , لما أتبع تعليماته ألاقي نفسي نايمة مثل الياهل و لما أقول كلامه غلط و أألف لي طريقة ثانية ألقى أحلامي مزعجة و يرد لي الأرق من يديد لوول

3) ملاحظة على الكتاب: ميزة كتب بول مكينا إنج تقدرين تطبقين شنو فيهم خلال فترة قراءتج للكتاب يعني ما تقولين أنطر لين أخلص الكتاب و أطبق لااا لازم على طول تقرين و تطبقين و هالشي يخلي نتئج كلامه أسرع بوايد

4) تقييمي للكتاب : 4.95 نجمة من أصل 5 نجوم .. الكتاب رائع , و لكن السيدي المرفق حسيته ما يؤدي مفعوله فسويت طريقته من غير السيدي ..
:edbf4317b9:
​

 

[ام عبدالوهاب555]

اهلين

انا قريت كتابه عن النحافة وسجلت النقاط

بس ماضعفت!!

يمكن لاني ما التزمت عدل!!

وعذرا اذا ما اقاطعك

الكيندل تنزلين على طول مجانا بدون لاتشترين نسخة الكتاب الالكترونية؟؟

وفيه خاصية الترجمة؟

لاني مشتهية احول عليه!!

 

[م.بابونج]

رد : رد: حياكم الله في مكتبتي ..

اهلين

انا قريت كتابه عن النحافة وسجلت النقاط

بس ماضعفت!!

يمكن لاني ما التزمت عدل!!

وعذرا اذا ما اقاطعك

الكيندل تنزلين على طول مجانا بدون لاتشترين نسخة الكتاب الالكترونية؟؟

وفيه خاصية الترجمة؟

لاني مشتهية احول عليه!!

أهليين ..
كتاب النحافة لازم على الأقل شهرين تلتزمين عشان تبين النتيجة واضحة .. من أول اسبوع ما يبين شي

و بالنسبة للكيندل إي نعم تقدرين تنزلين أي كتاب من أي مكان و تحطينه فيه عادي كأنه فلاش بس بالنسبة لخاصية الترجمة لازم تكونين شارية الكتاب من أمازون عشان تقدرين تترجمين الكتاب و تكبرين خطه , أما إذا كان كتاب عادي حاطته ما تقدرين تسوين فيه شي إلا إنج تقرينه

 

[م.بابونج]

رد : حياكم الله في مكتبتي ..

بسم الله الرحمن الرحيم ..
كتابنا هالمرة هو ..

للكاتبة Rhonda Byrne
1) محتوى الكتاب: يتحدث الكتاب بشكل أساسي عن سر اكتشفته الكاتبة و هو قانون الجذب , و هو ينص على أن الكون يجلب لك ما تريد بواسطة جذب الأشياء بأن تتصرف بطريقة معينة بواسطتها تأتي الأشياء إليك بالنهاية .. و يرينا الكتاب آراء بعض الخبراء في هذا الموضوع و كيفية استخدامه في شتى المجالات كالتربية و العمل و الصحة ..

2) جو الكتاب: بصراحة أنا عبالي الكتاب رواية رعب فما كنت نااوية أقراه .. بس عقب السيرك و المهرجان و البلبلة اللي صارت على هالكتاب قررت إني أشتريه و أقراه .. بصراحة حسيت إن كل هالحجي اللي صار عليه مجرد دعاية للكتاب حسيت سووا مشكلة و سالفة من لا سالفة لأن الكتاب ما فيه أي شي يديد و مو مثل ما يقولون إن يدعوا إلى الكسل بالعكس يقول الكتاب سوو اللي عليك و الباجي على الله .. فمادري حسيت الناس معظمين الموضوع وايد

3) ملاحظة على الكتاب: بصراحة اسلوب كتابة الكتاب ما عجبتني يعني الكاتبة حسيتها ما تعبت خاطرها إنها تكتب كتاب حالها حال الناس خذت الفلم نفسه و سوته كتاب .. بس كمعلومات حلو الواحد يعرفها و يحس إنه يقدر يحصل اللي يبيه بالاصرار

4) تقييمي للكتاب: 3 من 5 نجوم .. اسلوب الكاتبة ما عجبني , لدرجة إني اظطريت أشتري كتب ثانية تشرح لي الكتاب "السر وراء السر" و " قانون الجذب" عشان أفهم بالضبط شنو فكرة الكاتبة من الموضوع

:denya:
​

 

[ام عبدالوهاب555]

اهلين بابونج


مشكورة عالرد


وكتاب السر ماقريته بس شفت الفيلم كامل وعجبني

بعدين لقيت كتاب

خرافة السر
لعبدالله العجيري

وشريته

واااايد عجبني وحلو حيل وخفيف واسلوبه ادبي ممتع

انصحك تقرينه وتقدرين تخلصينه بسرعة

وهذا الرابط
http://www.islamway.com/index.php?iw_s=library&iw_a=bk&lang=1&id=2871

 

[م.بابونج]

رد : حياكم الله في مكتبتي ..

مشكورة حبيبتي على الكتاب .. و راح أحاول أقراه

 

[م.بابونج]

رد : حياكم الله في مكتبتي ..

بسم الله الرحمن الرحيم ..
هالمرة ما راح أتكلم عن كتاب .. راح أتكلم عن سلسلة كاملة و أتوقع إن معظمنا يعرفها و عاش معاها طفولة

سلسلة المكتبة الخضراء
1) القصة : السلسلة عبارة عن مجموعة من القصص الكلاسيكية المعروفة جدا تم وضعها في قالب حيث يستطيع الصغار من عمر 6 سنوات إلى 11 سنة قراءتها .. مثل سندريلا , الأميرة النائمة , الأميرة و الثعبان , دنانير لبلبة , أطفال الغابة و الليمون العجيبة .. و غيرها الكثير .. معظم هذه القصص تحتوي على قيم جميلة لكي يتربى عليها الطفل

2) جو القصة : بدأت بقراءة هذه السلسلة و أنا في سن السابعة , عشقت الكتب من هذه القصص الصغيرة حتى صرت أحب الكتب عموما .. أنصح فيها و بشدة بالذات اللي عندهم أطفال بالابتدائي

3) ملاحظات : القصص الجديدة التي تم اصدارها في آخر خمس سنوات مو بذات الجودة اللي كانت عليها القصص السابقة .. فاللي يبي يشتري خل يشتري القصص القديمة أحلى تحس فيها فن و ابداع أكثر

4) تقييمي للسلسلة : 4 و نصف من 5 نجوم ..

ان شاء الله اللي عندها عيال يبدون يحبون القراءة يااارربب :hjy5jewf:
​

 

[LUXURY]

حبيبتي ماقريتي وذرنج هايت؟؟ امبييييييييه القصه مووووووووووووو صج اموت عليها وسوو عليها افلام بابيض واسود وفلم عقبها ملون
والقصه صج صج صج حلللللللوه وتعور قلبي
واهي دراما على رومانس لا تفووووووووتكم
انا شريتها من مكتبة الجامعه لان درسناها بالفكشن بس اساسا انا شايفه الفلم ومطلعه ملخص بالنت عن القصه
نصيحه اقروها

 

[م.بابونج]

رد : رد: حياكم الله في مكتبتي ..

حبيبتي ماقريتي وذرنج هايت؟؟ امبييييييييه القصه مووووووووووووو صج اموت عليها وسوو عليها افلام بابيض واسود وفلم عقبها ملون
والقصه صج صج صج حلللللللوه وتعور قلبي
واهي دراما على رومانس لا تفووووووووتكم
انا شريتها من مكتبة الجامعه لان درسناها بالفكشن بس اساسا انا شايفه الفلم ومطلعه ملخص بالنت عن القصه
نصيحه اقروها

اهلين حبيبت اي نرلتها ان شاء الله اقراها قريبا مشكووورة يا عمري