حياكم رجيم يقص الجسم قص وخلطه تشيل الكرش شيل ( المده أسبوعين لي رمضان)

[جامعيه]

مرحبا بناااات شلونكم

بندول لاهنتي يالغلا على الترحيب وانا مااشبك الا اذا ناموا عيالي بالليل بالنهار قليل اشبك

بقولكم اليوم شسويت الحمدلله حيل التزمت

قمت من النوم اكلت توسته فيها جبن خالي الدسم ونسكافيه

وبعدين المغرب عصير اناناس
والعشا كنت حييييييييييييل جوعانه فسويت توست 2 مع بيضه مفيوحه وخيار وطمام وجبن خالي الدسم 1 وعصير اناناس وخلاص ماراح اكل غيرهم شي

ها شرايكم فيني اليوم

 

[هاديهـ&مطيعهـ]

عفيه عليج كرستاله هيك بدي اياك وانشالله الله ما يضيع تعب

 

[كرستالة حمرة]

بعد عمري لا هنتي والله مكانج بالعين انشالله يارب تضعفين بصحه وعافية أهم شي يكون الرجيم صحي ومايتعب ولا تنسين خلطة الكرش تساعدج على النزول السريع والله يوفقج يارب

وآي حده ونآسه :ggdw:

رحت شفت وزنـي وهوٍ :ggdw:

الف مبروك مشمش..عقبال الحلم الكبير:9 ماكبير غير الله..احنا قدها:ggdw:

 

[كرستالة حمرة]

نرحب بكل من انضم لنا في تجمعنا المميز..تجمع الرشيقات دائما وابدا<<< تلعب دور المديرة يعنني اخطب فيكم هههههه
ريوف البحرين ...نشمية..الف مين اهلا وسهلا..لا تقاطعون

 

[iiioiiio]

كفـو كرستآله والله انج قدها يالرشيقه


انا تغذيت اليوم سيخ كباب مشوي مع توست وجبن سلايس ، وحليب خــــــــالي الدسم

 

[iiioiiio]

جامعيه ماشاء الله ،، اكلج حلوو وان شاء الله بتشوفين نتيجته

عاد التزمي على جذي

 

[كرستالة حمرة]

هلا والله بمشمش ماشاءالله عليج والله..انا خذيت لي روب خالي الدسم حق جوع تالي الليل من الحين مشتهيته بس بصبر لي الفجر

 

[iiioiiio]

اشربي ماي ماي ماي والله يسد نفسج عن الاكل


يعني جذي قبل لا تاكلين اشربي ماي وانطري شوي مو تاكلين على طول

وشوفي راح تحسين نفسج مسدوده عن الاكل
واذا اكلتي راح تشبعين بسرعه

 

[جامعيه]

مشمش اتصدقين ماشربت ماي واجد نسيت بس بروح الحين اخذلي قلاص لان كاني بديت احس بالجوع الله يستر ويصبرني

كرستاله حلو الروب حق اخر الليل بروح اشتري باجر لوووووووووووووووووووووووووووول

 

[iiioiiio]

جآمعيه حطي بطل مآي مو بس قلاص ههههههههههههـ


حق الجوع عندج نسكافيه وانا بصراحه آكل بسكوت دايجستيف شي شي اشبع لما آكله

 

[كرستالة حمرة]

صاج مشمش الماي يسد النفس
جامعية شحقا تشترين تعالى نتخاشر انا وياج روب واحد لزوم الريجيم.. لووول

 

[كرستالة حمرة]

وين راحت بنادول؟؟ ..اظاهر الشفت مالها العصر لي الوحده..هههه

 

[iiioiiio]

وششششششششششششخبآركم بعد

 

[كرستالة حمرة]

يصير اسوي رياضة وانا على اللي مالها لسم

 

[كرستالة حمرة]

امبيه...شكثر بدلياتي!!:tomato2:

بس المهم انكم فاهميني عدل

 

[iiioiiio]

كرستآله امشي ، المشي احسن رياضه

ورياضه المعده وجذي خليها بعد هذيك < عرفتيها هههههههه

 

[iiioiiio]

كرستآله ،، انتي تشربين هذي الخلظه حق الكرش ؟؟

اذا جربتيها قوليلي شلون طعمها ؟

 

[كرستالة حمرة]

ايه انا يعرف هيا
وين امشي..بره حر والشقة مثل محكر الحمام...

مافي الا امشي خطوة جدام وخطوة ورا..هههههه

 

[كرستالة حمرة]

شربتها مرة وحدة

طعمها عادي يعني مقبول
شكلها مفعوله حلو وان شاءالله يبين
بس مشكلتي كله انسى اسويها قبلها بليلة مثل ما انسى اطلع الدجاج قبلها بليلة ههههه

 

[iiioiiio]

حلوه خطوه جدام وخطوه ورى هههههههههههههههههههههههههههههـ

ضحكتيني والله


اجل مالج الا تركبين السماعات وتشغلين اغاني وترقصين

بس ديري بالج مو يجي زوجج يشوفج ، عباله انج انهبلتي مع هالريجيم ،،، بسم الله عليج لوووول