حياكم يا ابلات منتدى رياض الأطفال ..

[عهود الحب]

السلام عليكم و رحمة الله و بركاته ...












عندي كم سؤال يطقطق براسي ومو لاقية لهم جواب معقول :gr4uu:


(1)




ابي افهم
ليش ترفعون المواضيع القديمة !!!!!!!
شنو الحكمة يعني !!!!!!!


كل موضوع قديم ترفعونه

كأنكم تحطون غبار على واجهة المنتدى ومواضيعه تصير باهتة

غلط والله اللي قاعد يصير


انتم جذي تنبشون صفحاااااااااات قديمة انتهت صلاحيتها والمصيبة البعض يشتط ويجاوب
واخر شي يكتشف انه كاتب رد صادق مقنع بموضوع قديم انتهى وقته وصار فعلا في خبر كان .............!





(2)

ليش في بنات يألفون و يسووون سوالف ويقولون بنوريكم صور
ولي صارت الصجية قبة لامن شاف ولا من درى
طيب ماكان من الأول دام ماكو سالفة ليش تعلقين العالم ؟؟؟ وبعدين تقول مابي اوريكم شغلي وابداعي
واحيانا يكون موضوع عنوانه مغري للفت نظرنا ولي بطلنا المووضووع مانلاقي شي يناسب العنوان
مثال عنوان الموضوع .....كيت كيت كيتكات ^ تطبيقي بالصور مرفق بالموضوع ^ !
انا ما اقصد احد ولا اهاجم احد بس هالسالفة تكررت وحدها ملاقة اسمحولي :denya:





(3)


ليش مافي مووضووع فيه استفسارات للطالبات بموضوع واحد عشان كل طالبة تدش تلاقي الاستفسار
الي قبل وتستفيد منه
بدال ما تقعد تطق درب بالصفحات ويمكن ماتحصل طلبها واعليه
وهم استفسارات للمعلمات بشكل جماعي ومحطوط بموضوع واحد
ولما ندش الموضوع نلاقي فيه
عناوين وخياطين و اماكن بيع و طريقة عمل كيت وكيت


يعني نلاقي فيه دليل كامل وثابت لنا على مر العصور والدهور :dddds:







يلا عاد جاوبوا اسئلتي قبل ازعل عليكم :lkmnkl:

واللي عندها سؤال تقوله :dfgl: واللي ماعندها تقول يارب تهون على عهود وتولد بالسلامة
وتجيب ذاك الصبي الي اخلاقه من اخلاق الصحابة يارب الولد الطبيعي المتعافي < تتشرط :lkmnkl:
واذا توأم ماكو مشكل خو طيحة بزلقة خنخلص :eh_s(2):

و


لكم


:aha:​

 

[عهود الحب]

ياشين الي يدش يقرا ويطلع
ياشييييييييييينه

 

[*أم*خالد*]

يارب تولدين بالسلامه

عهود على هالتحلطم حالتج صعبه وتحتاجين آيس كريم
انصحج بشوكولاته من باسكن روبنز :rerrerek:
يمي يمي .. ولد حلال

 

[nero]

عهود الاسئله محطوطه لي جنها؟؟؟


انا ارتفع ضغطي من رفع المواضيع القديمه

واكتشفت ان الي ترفع المواضيع .. وحده تبي تزيد مشاركاتها بس .. وقاعده تعفس علينا القسم

الي يبي موضوع قديم .. رجاءا خيارات البحث متوفره .. وبدون رفع .. بس اذا الموضوع ثري ويستاهل رفعوه ونثبته بعد بس خبر قديم والا سؤال محد راد عليه شحقه يرتفع اذا الغرض من السؤال خلص .. شي عجييييب ..



ثاني شي اكثر من مره نبهنا العناوين لازم ما تكون مبهمه عشان تجذب
لازم تمثل المحتوى عشان بعدين لي احتجتي الموضوع تعرفين شلون تلقينه مو تتوهقين ما يعطيج العنوان محتوى الموضوع بس عيزنااا من التنبيهات محد يسمع عمك اصمخ واعمى




ومواضيع الاستفسارات خووووش فكره يسلم مخج على الافكااار

ان شاء الله باقرب وقت ايمعهم لكم


ويا ابلات كلمه وحده بقولها لكم


انا ابلة روضة حالي حالكم (مو مثل الي يحسبوني نورية الصبيح)
انشغل وانضغط .. ياريت تساعدوني وتحطون ايدكم بيدي
نبهوني على الاغلاط
امشو على القوانين والي تتجاوز بلغوني عنها
ياحلو التعاون ويازيييييينه زيناااه
موضوع مو عاجبكم اقتراحات شكاوي والله بابي مفتوح للجميع واساعدكم بماي عيوني

 

[عبق الورد]

صراحه انا استغرب من سالفه رفع المواضيع القديمه
كلامج عدل اميه بالميه
الله يسهل عليج ولادتج ويرزقج اللي تبينه

 

[راقية باخلاقي]

عهود حبيبتى انا معاج بس اذا عرف السبب بطل العجب

لانه ومو تزعلين انا اعرف بنات معلمات معانا اهنيه

وسوري عالكلمة كلش ما يحبونج يقولون اكثر وحدة ترفع الضغط وتخرب مواضيعنا وتعليقاتها سخيفه عهود

وانا يشهد الله ادافع عنج مع انى ما اعرفج

وصار لى كذا استفهام مثلج


وتفجاءت انه رد كذا وحدة زعلانين عليج واذا تبين اعطيج نيك نيمهم يعنى تحللى منهم مو حلو جذى

حاطين عليج بقلبهم يمكن ما قصدتى بتعليقج شى


يعنى اتجهوا لمنتديات ثانيه لانه تواجدج يومى معانا


ما ننحرم منج


ادري انه صعب اقولج بس قلته لج


لا ينكتب موضوع يازم نفسيتج






رفع المواضيع القديمة

انا والله مرات ارفع مواضيع خبرة قديمة بس سويت سيرج وفادتنى وابي البنات يشوفونها
مرات القسم نايم على عينه وما فية شى جديد وحلو
يكون موضوع مشوق مو استفسار وحلو يصير تفاعل فيه من جديد




بس انا لى كلمة


بنات نبي شى جديد مفيد من انتاجكم للاسف انا حطيت كذا موضوع بس النحاسه ديدن الاكثريه

على قولتج عهود عالصامت يدشون


انا راي


انه مواضيع التحلطم ما نبيها كلش ملش

ومن كان يومن بالله واليوم الاخر فاليقل خيرا او ليصمت


واذا ما عجبنا موضوع وحدة


لا تكتبين تعليق مو لازم


وتنحشون البنات من القسم


يفشل قسمنا نايم حدة



حده



حده



تمنع الدعايه والاعلان لمنتديات اخرى



كل وحدة تسال نفسها



بليز ما نبي نحاسه


اكتبي تجاربج وفيدى واستفيدى


وخل نثري القسم بالمفيد



وتكملة الكلام عالخاص عهود

ابي اقولج اشياء بس اخاف تنصدمين لوووووووووووول

ولا تزعلين من صراحتى هذى والله اللى عرفته وسمعته باذني

 

[Ťђё Ĕηđ]

هلا عهود شلونج ؟ من زمن عنج وعن المنتدى
والله معااج حق المفروض مايرفع المواضيع القديمه
خصوصا اللي مامنها فايده
وبالنسبه لراقيه باخلاقي بصراحه هذول اللي مايحبون عهود لانهم محترين منها ومن ابداعاتها
والا بالعكس عهود ماتقصر مع اي احد تعين وتعاون الكل واكثر وحده نشيطه بالقسم
عشان جذي مايحبونها بعد قلبي عهوود فديتج وفيج الخير ياراقيه دافعي عن عهود
حبيبتي عهود لاتكدرين خاطرج والله يسهل عليج ولادتج يارب

 

[انفاسي]

السسسسسسسسسلاااااااام عليكم رحم الله امرء عرف قدر نفسه انا عن نفسي ما اعرف انزل صور وعليميه لكن احب افيد واستفيد بالحوار الجادعلى قد ما اقدر

 

[انفاسي]

سووووورييييي عهود ربنا ينتعك بالسلامه ياختششششششششىىىىىىى

 

[عهود الحب]

ام مناف افا عليج اكلت اليوم عسكريم مع بناتي وقحصت معاهن بربوع منطقتنا ووسعت صدري
مامن تحلطم يا وخيتي بس فيه شيء في صدري وماعرف اسكت حبيت افضفضه لكم
باجر اموت بقهري محدن درى بي يااختي العواجة مااحبها كلش ومادري احسب العالم مثلاتي مايحبونها
اثاري الناس فيما يعشقون مذااااااااااااااااهب
مشكورة ياعسى مسكنج الجنة

 

[عهود الحب]

هلا نيرو بصراحة بصراحة بصراحة
الله يكووووووووون بعونج والله انتي بتدشين الجنة هههههههههههههههههه
انا مرتفع ضغطي والله من زمان
امممم موضوع الاستفسارات نبيه عن قريب موضوع للطالبات مساكين يكسرون خاطري
وموضوووع حلو للابلات الحلوات الجميلات وصدقيني لج الاجر
المنتدى بتتعدل خشته حيل حيل واحنا تعبنا ندور اجوبة واحيانا الاسئلة متكرررررررة فحرام تضيع




موضوع رفع القديم مو زيادة مشاركات لا انا فاهمة عدل الوضع وعارفته عدل مدل
وادري ليش يرفعون القديم تبين تعرفين ليش قربي اذنج اقولج بس سررررررررررررررر
لا اتغشمر ماني قايلة خليها بالقلب تجرح ولا تطلع تفضح بس انا فاهمة الوضع عدل واتوقع الكل فاهم




موضوع العناوين المبهمة
قهر بس خليها على ربنا
ربج يحلها



الله يكون بعونج


انتي خوش مجاهدة
في اصعب من الحريم ومجابلهم الله يكون بعوووووووونكم صراحة

 

[عهود الحب]

عبق الورد
اول شي مبروك فوز عليكم الكراسي الخمسة
اممم الله يجزاج خير عالدعوة الطيبة
وانا اتوقع في حل للمواضيع القديمة
بس انشوف اذا نيرو توافق عليه ولالا

 

[منورة]

أنا جيييييت ^ــ^





وانفاسي بعد موجودة يامرحبا يا مرحبا نوركم والله غطى ع الكهرباااا <<<قديمة حدي ههههه

والله مدري شصاير بالمنتدى كنت مشغولة شوي وجهازي خرب وبغيبوبة والثاني فيروس يارب تستر علينا فمادري شنو صاير بس رفعة المواضيع كلش ولا بعض مواضيعي القديمة يختي تذكروني بالزمان اللي مضى مادري ليش تنرفع صج بعضها مفيدة بس كلش ولا موضوع اللي تسأل والجماعة مشتطيييييين الموضوع صارلة سنتين وانتم مشتطييييييين مادري شالحكمة ؟؟

ويختي هالقسم بدون مواضيعج وردودج مايسوى شي والله


والله يقومج بالسلامة وتجيبيب ذاك المزيون اللي يصك ع خواتة ^ــ^ ويحلية ربي بالاخلاق الطيبة ويبر بوالدينة





وهااااااج خيشة ورد <<<تخيليها ماعندي صورة ^ـ^

 

[منورة]

عهود تراني مقربة اذني بعد وياكم ليش رفعة المواضيع لها اهداف استراتيجية افا يا ذا العلم ؟؟؟؟



















علميني (فيس مو فاهم شي وودة يفهم )

 

[عهود الحب]

راقية باخلاقي
والله ماادري منو هذولي الي زعلانين مني وشايلين
يمكن انا كلامي يزعل مادري وانا عبالي دمي خفيف هههههههههه ماخذه بروحي مقلب الظاهر
بس اذا هم زعلانين السموحة منهم وعساهم يحللوني ومن دون ما اعرفهم انا مسامحتهم دام حشوا فيني
ودي اعرفهم منو اكيد بس اذا مايبون يقولون خلاص براحتهم
وخل ينكتب موضوع انا ما أتأزم ولاشي
انا عصبية وقشرة يمكن بنظرهم لأني صريحة وما اجامل
مااحب اجامل تبين الصج مااعرف اجامل فالسموحة ماقدر اسوي روحي اتيكيت انا طبعي جذي بالمنتدى ولا حتى بالواقع
مااعرف اتصنع عالطبيعة وان كان فيها دفاشة انا بنظري ان ما كنا ماخذين راحتنا وصريحين حيل هني شالفايدة !




بالنسبة لتواجدي اليومي ترى في حل
يقددرون يعطوني تجاهل حسب ما اظن انه فيه ميزة قائمة التجاهل واذا يضايقهم شوفة خشتي :dddds:
اتمنى يرقعون وجهي تجاهل ما ازعل والله بالعكس اهم شي مشاعرهم وعواطفهم ماتكون مشدودة بسبة شوفتي

وانا اتواجد يوميا احيانا لأنه الاقي البنات يسألون ومحد يرد عليهم واذا انا اعرف برد ليش اسكت
بساعدهم دام اقدر واذا اهمه مايبوني ارد خل يردون بدالي ويساعدون غيرهم بدال لا يتأففون من وجودي

واذا مايبوني ادش مواضيعهم وانا طبيعي بدش اتلقف لأني مادري اني مكروهه من جانبهم خل يكتبون
رجاء عهود الحب لاتردين عالموضوع عشان اعرف :dddds:

 

[عهود الحب]

راقية باخلاقي خل اكمل الرد لج للحين ماخلصت



بالنسبة لرفع المواضيع القديمة ترى موشي والله
لما بنت تدش قليل وتدش تلاقي الموضوع واجهته قديمة بتلوع جبدها وتطلع
حرام ترى

والمواضيع القديمة للعلم متروووووووووووووووسة غبار ان استفدتي من شي حطي موضوع مستقل واذكري فيه الي استفدتي منه
وحطي مثال رابط الموضوع القديم منها ينكتب موووضوووع طازززززززززج ريحته منعنششششششه واللهي




بالنسبة للنحاسة هذي شعار بعض الابلات وعادي معروفين وبكيفهم
انا اتوقع اغلبنا رافعين شعار لاخير في كاتم العلم



بالنسبة للمواقع الي ذكرتيهم مع انه ممنوع :dddds: << تنادي نيرو افزعي دعايه هههههههههههههههههههه


المواقع اللي ذكرتيهم مع احترامي لرأيج جدا عاديين

واحنا موقعنا احلى منهم
بس يبيله فلة حجاج منكم و قتل للنحاسة و زرع الابتسامة في صفحة المنتدى وسلامتج


ولو نتبادل الخبرات بنفيد ونستفيد
والدعاء لخواتكم احسن من شي تكتمينه لنفسج صدقيني عن تجربة
ربج يوفقج لو نفعتي غيرج




وشاكرة لج صراحتج والله ما ازعل منج


وحياج بالخاص ان كان بخاطرج كلام قوووووووليه
لعنبو دار من يزعل راقية


وبالعكس انا ما اتضايق من الكلام وبصرااااااااااااحة
قولي عادي

 

[عهود الحب]

كيتي يا بعد جبدي والله ما اتضايق ولاشي
اهم شي انتي شلونج علامج اختفيتي يا فتاة ؟


انا والله مومتضايقة بالعكس بس حبيت اقولكم ملاحظاتي انا اختكم والله مابقلبي شي
وان كنت مضايقة احد ياريت يقولي انا والله ما ازعل من الحق
جان زين الكل يصارحني مثل راقية والله احسن
شحقه نخش بقلوبنا لي متى يعني ؟؟؟؟

وادعي لي اولد بسرعة اليوم ادرب عيالي عالفقرة احس فقرات ظهري صاروا يطقطقون
يارب تسهل علينا الين يتخرجون
وعقبها بنسوي مسيرة بالمنتدى ونرش رغوة عالمنتديات بس زهبي قواطي الرغوة :dddds:

 

[عهود الحب]

انفاااااااااسي هني
قلولولولووووووووش ازيك يابت
تصدقين اخر خبري فيج يوم قلتي باخذ دروس بالدلع والتغنج حق سي رمضان يختشي
واختفيتي هههههههههههههههههههههههههههه
امبيه كريمة مختار احاتيها عقب الاحمر والاخضر اختفت قلت راحت ملح البنت
تدلعت وذابت الى حد التلاشي


شصار عليج وينج وين الدنيا فيج
ياوخيتج والله انه لج وحشة


يااختي من كثر ما احبج افكر بيوم ارقمج هههههههههههههههههههه
امبيه موصج غلاها هالبنت
يااختشي احبج يا ام رمضان

 

[عبق الورد]

عبق الورد
اول شي مبروك فوز عليكم الكراسي الخمسة
اممم الله يجزاج خير عالدعوة الطيبة
وانا اتوقع في حل للمواضيع القديمة
بس انشوف اذا نيرو توافق عليه ولالا

الله يباااااااارك فيج
والله لو تنزلين نفوزج ههههههههههه
.. ويشهد الله ان الكل يحبج
اسلوبج راقي _ عطائج بلا حدود _ شمعه منتدى رياض الاطفال ... بدون مجامله
وانا ما اعرفج الا بالمنتدى واشكر هالمنتدى اللي عرفني على
ناس طيبه مثلج

 

[عهود الحب]

منورة ههههههههههههه ياحلوج للحين فضولية يمااااااااااه ياناس من هالبنت
ببطنها العلوم كلها وتسوي روحها بريئه
انتي وينججججججججججج
علاااامج كل هذا مشتطة تثبتين ذاتج عند الادارة
يقولون حاطة باتكس وقاعدة عليه صايرة مسمار بالادارة
كله مبادرات بس عااااااااد بس خلي مجال لغيرج


المسعدة بتسلم عليكي وتقولك وحشاني اوي اوي
تهاوووووووووووشت معاها يا منورة
صصصصصصج العياب عند الباب
طلعت نصابه ياااوخيتج
صدق من قال الي مايسمع نصيحة منورررررررر يضيع
ياااختي طلعتي ساحرة وانا ناقدة عليج
< بطت الجربة
تصدقين قبل احسج نحيسة اثاريها قصت علي
طلعت كلكجية
ياااختي يامنووووووووور المنتدى حلو يوم جيتي فيه انتي وانفاسي في يوم واحد
كل هذا تدوروني اتحلطم هين اخر مرة اتحلطم هههههههههه عناد فيكم


منورة احلى شي دعوتج الحلوة وسكري اذونج لما افهم اقولج
وان اصريتي اقولج من الحين بس خل اشغل راداراتي واعلمج شالسالفة بس سررررررر اوكي