حيرة الاختيآر بين الخآطب وأمه ...!

[دلوعة أبوهآ]

آلسلآم عليكم ورحمة آلله ...


مشكله لإحدى قريبآتي وبتكلم ع لسآنهآ واتمنى اسمع آرائكم ..

خطبهآ الشخص اللي تحبه وتتمنآه .. بينهم حب دام 6 سنوآت ..
إنسان طيب محترم مثقف وظيفه ومنصب راقي و و و بإختصار شاريهآ بكل مآفيهآ

آلمشكله مو فيه أبداً ...!

المشكله في أمه ..
أولاً ماراح اعلّق او أتكلم عن الشكل ( لآن هالشي خلقة ربي ومالنآ اعتراض فيه )
بس لمآ تقدموآ لها رسمي وجلست مع امه .. تقول انصدمت ..
لبسها جداً بسيط , ميك أب أي كلام , شعرها مو مهتمه فيه كأنها في بيتهآ
والاهم الاهم في الموضوع كله انه مافي اسلوب
تقول أوقات تتكلم بكل رُقي وتنتقي الالفاظ و أوقات تتطيح الميآنه ع الاخر وكأنها جالسه بين اهلها وخواتها او تعرفنا من سنوووآت
مافي اي رسميات وذوق في الكلآم ..

كل كلامهآ واسلوبهآ وحركاتها بطريقه عفويه ع خفه ع رجه ع اشياء تقول من الصدمه ماهي عارفه ايش هي :eh_s(2): ..
حتى لمآ تتكلم عن ولدهآ ..! تتكلم عنه وتقول مواضيع وكلآم ماله داعي
كنه طفل مآله تقدير وهيبة العريس !!


البنت من سنووات وهي تتنظر اللحظه اللي يصير فيها خطيبهآ بس لما صار الموضوع تقول فرحتي ماكتملت وآلله ..
كل اللي شفته منهآ نغّص علي ..

يمكن تقولوآ وين المشكله دآمها تحبه وتبيه وهو نفس الشي ..!
اللي مخوفهآ اكثر انها راح تعيش في نفس المدينه اللي فيها امه وآهله ويمكن بنفس العمآره !!
يعني راح تحتك فيهآ كثير وبتشوفهآ أكثثثر ..

خايفه تصرفات وحركات الام واسلوبهآ تفشلهآ وتكون هي سبب المشآكل بينهم ..


اللي فهمت المشكله وحطت نفسهآ في الموقف يآريت تعطينآ رأيهآ وخبرتهآ بدون تجريح :eh_s(7):

تختاره هو وتختار آلحب اللي بينهم .. لانهآ بتتزوجه هو مو أمه ..!
أو تختار الرفض بسبب الام اللي رآح يكون لهآ مكآن في حياتهآ مع خطيبهآ واهله ..!



:eh_s(17):




​

 

[دلوعة أبوهآ]

آآآب

 

[فتاة الإبتسامة]

على ما اعتقد هي ام وكبيره
وتفكيرها غير تفكير هالجيل
الحين خلت عيوبه وجات على على امه تبي تلبسها على كيفها ولا المكياج بعد على كيفها اذا هي تشوف ذوق الام مو حلو مو شرط يكون ذوق رفيجتج الحلو يمكن العكس
ابداااااااا ماحس في مشكله
وهي بتتزوج امه ولا بتفشلها امه باي مكان
ابدا ابدا مو داخل راسي الموضوع والله مشكله ان ماخذاكم اللي تحبونه قلتو كيف بعيش وخدعني وخذا غيري ويوم خطبها حطت العذاريب بامه بالاساس لو تحبه من صج ماتكلمت عن اهله لانه بيصيرون اهل عيالها بعدين
عن جد انرفع ضغطي من الموضوع الله يعين الام بصراحه

 

[برستيجي مآركة]

عزيزتي عادي مافيها مشكله دايم بعض الكبار في السن لبسهم يكون عادي ومناسب لأعمارهم
والاسلوب يمكن ارتاحت لااهل البنت وقطت الميانه تصير حليوه وتقط الميانه ولا مغروره متعجرفه وتتكلم من طرف خشمها
اللي حسيته في الام انها على نياتها والشكل والذوق مو كل شي ترى المضمون اهم
يعني من رايي توافق وماله داعي الحساسيات الله يهديها مانقدر نمشي الكون على ذوقنا والمظاهر مو كل شي بالدنيا


والله يوفق الجميع

 

[Smchoocha]

اهي شكو بامه بصراحه
لو تتفصخ و تمشي بالفريج مالها شغل فيها
بعدين هذي انسانه كبيرة بالعمر بتزوج ولدهااكيد فرحانه فيه و ماتدري شتقول من الوناسه
و مو كل الناس تكشخ و تتعطر خاصة بعمرها بالعكس المفروض تستانس ان خالتها مسكينه و على قد حالها مو عوبة و تصغر عمرها و تناشبها على ولدها
وتكون عفويه احسن ما تقط نقزات من تحت لي تحت
صراحه مو الام اللي تفشل رفيجتج اللي تفشل

 

[DaLoo3t BaBaTii]

.



ما اشوف اي مشكلة بالموضوع !

اهي بتتزوجه اهو و لا امه !

.​

 

[#laloo]

شدخل امه بالسالفة كلها تحبه وتبيه تغير الريل لكن الام مالها شغل فيها
حتى الريال جذي بتطيح من عينه مهما كان امه وعن الميك اب والملابس يمكن تحب تكون بسيطة
مب شرط بخل او جهل منها !!!

 

[أعشقه]

انا بتكلم عن الي عندنا انا مااعرف هل من عادات وتقاليد الكويت ان لازم الي يجي يخطب يكون كاشخ وبكامل الاناقه
ياحبيبتي هي مو تبي الولد وش عليها من امه هي ترتاح بلبسها كذا وبمكياجها كذا وش عليها من امه
وش دخلها اصلا فيها وش عليها اذا تهتم بشعرها ولا ماتهتم اما كلامك جد والله ماله داعي
وليه فرحتها مااكتملت علشان ان امه كذا .. طيب امه هي الي مربيه الولد الي هي حبته وش له حبته دام صاحبة التربيه هي متفشله منهااا ..
واذا سكنت قريب من اهله وكل يوم احتكت فيهم خير واحسن خير بعد .. ليه تبي تبتعد علشان اسلوب الام
دام الاسلوب والكلام مافيه ضرر او كره او شي يخل با الادب ..
احلى شي العفويه .. يعني لازم تكون راقيه واسلووب وشايفه نفسها علشان هي تنعجب فيها
والله انا وخوااتي الي اخطبونا يجون والي نشوفها تتكلم باريحيه وكانها في بيتها وكنها تعرفنا من زمان نرتاح لها اكثر
والي نشوفهم يتكلمون وشايفين نفسهم وحدهاا هذي مانرتاح لها ابد ويكون كلامنا معها رسمي حده ..
جد خويتك ذي تدقق ع اشياااء مال امها داااعي ..
واصلا احس مو عارفه شلون ارد عليها علشان تفهم انها تضايقت ع شي تافهه واتفه من التافهه
اجل لا جات امي تخطب لخوي الكبير نشتري لها ارقى شي ونوديها تتعدل وتتمكيج باحلى شي ونعطيها اقوى دوره علشان تتكلم باسلوب راقي وتنتقي الفاظ قويه لعلى وعسى يفيد مع اهل العروس ومع العروس بالذت
اهو بس تحمد ربها بس وتسكت وان شاء الله كلامي مايزعلك وكيفك ..
اي نسيت ..
عاد خويتك من وين متخرجه وش وضعها المالي ليكون بس عايشه بقصر واهلها اقوى ثقافه واقوى المراكز

 

[اميره^_^بحلآها]

مع الاخت اعشقه

 

[Kocheko]

:eh_s(4):
الام يبين عليها طيبه من امهات زمان على نياتها وقلبها نظيف ... وست سنين حب وخطبها هاى دليل ان هالام اللى ما عجبتها ربت ولدها احسن تربيه ومالعب عليها ... غيرها انصدم
لو ما تبيه خل تعطيني ايها الولد خلوق وام طيبه شنو ابى اكثر :eh_s(15):

 

[لمى الهاجري]

انا ما اشوف انه فيه مشكلة مو المكياج والمظهر الي تعكس نظرة الناس للشخص المهم الاخلاق والطيبة والنية الحسنة دام الام ما غلطت وما قالت شي يخل بلادب يعني كانت عفوية ورسمية وارتاحت لهم والمفروض ان البنت تحب الولد من 6 سنين الولد المفروض يعني توافق توافق عليه حتى لو شنو

 

[dalo0oa121]

حرام هاي جزاة الام جاية تخطب حق البنت

ليش تحكم على الام من طريقة لبسها وكلامها من اول يوم
يمكن كانت قلقانة او مب مرتاحة مب شرط يعني تكون مب كشخة
ولو انتي وصلتي سن 40 او 50 بتكشخين مثل 20 و 30 لا طبعا
اكيد بتقل الكشخة

 

[! تئبر تسبدي !]

حبيبتي مافيه مشكلة ب الموضوع !*
هي تخلق مشكلة : ) !*
هي ماعليها من لبس و مكياج و طريقة حكي امه !!*
هي عليها من الرجال و اخلاقه و الخ ...
هي بتتزوج الرجال ولا امه ؟ : ) *
يعني صحيح بتشوف و بتقابل الام كثير بس شكو تقول تفشلني*
و من هالكلام !*
لا تشيل هم هالشي اللي هي حاطة ب بالها انه مشكلة !*
و عسا ربي يتمم عليها ب كل خير و يوفقهم : )*

 

[ام رينـاد]

مع الاخت اعشقه

 

[Môre N!Ce]

تختاره هو وتختار آلحب اللي بينهم .. لانهآ بتتزوجه هو مو أمه ..!

^

هذا انتِ قلتيها بعد ، قولي لها هالكلام ..
أبد ما اشوف أي مشكلة بالموضوع ..

 

[دلوعة أبوهآ]

على ما اعتقد هي ام وكبيره
وتفكيرها غير تفكير هالجيل
الحين خلت عيوبه وجات على على امه تبي تلبسها على كيفها ولا المكياج بعد على كيفها اذا هي تشوف ذوق الام مو حلو مو شرط يكون ذوق رفيجتج الحلو يمكن العكس
ابداااااااا ماحس في مشكله
وهي بتتزوج امه ولا بتفشلها امه باي مكان
ابدا ابدا مو داخل راسي الموضوع والله مشكله ان ماخذاكم اللي تحبونه قلتو كيف بعيش وخدعني وخذا غيري ويوم خطبها حطت العذاريب بامه بالاساس لو تحبه من صج ماتكلمت عن اهله لانه بيصيرون اهل عيالها بعدين
عن جد انرفع ضغطي من الموضوع الله يعين الام بصراحه

هدّي اعصابك , ولآ ينرفع ضغطك ولآشي
هذآ قسم المشآكل وشي طبيعي كل واحد يحط الشي اللي يحس انه مسبب له مشكله
ونشوف الاراء ونستفيد من خبرات بعض

بعدين انتي مآتدرين عن نيتهآ وعن قلبها واذا تحبه أو لآ عشان حكمتي عليهآ انها ماتحبه !!
هي انصدمت لا اكثر ولآ اقل
كلامهآ ردة فعل مآله دخل بحبهآ

واللي خلآها تتكلم وتشوف عيوب أمه !! لانهآ قالت انها صغيره مو كبيره بالسن ابداً
توهآ بدآية الاربعينآت


مشكوره ع ردك :eh_s(7):

 

[دلوعة أبوهآ]

عزيزتي عادي مافيها مشكله دايم بعض الكبار في السن لبسهم يكون عادي ومناسب لأعمارهم
والاسلوب يمكن ارتاحت لااهل البنت وقطت الميانه تصير حليوه وتقط الميانه ولا مغروره متعجرفه وتتكلم من طرف خشمها
اللي حسيته في الام انها على نياتها والشكل والذوق مو كل شي ترى المضمون اهم
يعني من رايي توافق وماله داعي الحساسيات الله يهديها مانقدر نمشي الكون على ذوقنا والمظاهر مو كل شي بالدنيا


والله يوفق الجميع

هي المشكله انه الام مو كبيره بالسن توهآ صغيره عشان كذا هي استغربت !!

بس انا قلتلها نفس كلآمك
تكون عفويه وتتكلم بهالاسلوب ولا وحده قويه او مغروره وشايفه نفسهآ
ومو كل شي نبيه راح يصير

فيه اشياء اهم من المظاهر بكثير


مشكوره ياقلبي ماقصرتي :eh_s(7):

 

[دلوعة أبوهآ]

اهي شكو بامه بصراحه
لو تتفصخ و تمشي بالفريج مالها شغل فيها
بعدين هذي انسانه كبيرة بالعمر بتزوج ولدهااكيد فرحانه فيه و ماتدري شتقول من الوناسه
و مو كل الناس تكشخ و تتعطر خاصة بعمرها بالعكس المفروض تستانس ان خالتها مسكينه و على قد حالها مو عوبة و تصغر عمرها و تناشبها على ولدها
وتكون عفويه احسن ما تقط نقزات من تحت لي تحت
صراحه مو الام اللي تفشل رفيجتج اللي تفشل

لووول ..

مشكوره ع ردك :eh_s(7):
وآلله يكتب لها اللي فيه الخير

 

[Pink.Barbie]

والله ازا تفكيرها بهالسطحية لا تتزوجوا

حرام وحده حاصره تفكيرها في اهل خطيبها الي اخذتو عن حب سته سنين وتتزوج وهو الي احترمها و قدرها و ماضحك عليها

انا اتوقع المشكلة مو بالام المشكلة بطريقة تفكيرها

هيا الي لازم تقرر تقدر تتجاوز هادي السطحيات ولا تحصر نفسها فيها

 

[دلوعة أبوهآ]

.



ما اشوف اي مشكلة بالموضوع !

اهي بتتزوجه اهو و لا امه !

.​

مشكوره ماقصرتي ..