حيرني هالرجال

[لبيه يا كلي]

السلام عليكم

اكيد في منكم يعاني نفس المشكله .. زوجي يحب اكون يمه حزة ماينام اهمزه ليمن ينام
المشكله عيالي صغار على سنتين وسنة اعمارهم لارحت اجابلهم او سمعتهم يبچون او ينادوني واروح لهم يقول انتي مو مهتمة فيني تاركتني


واذا هديتهم ورحت له يقولي بعض الاحيان انتي ماتدرين عن عيالج وقاطتهم عالخدم




انزين شسوي اقص روحي نصين ؟؟؟!! فيدوني من خبراتكم انا صارلي متزوجة 3 سنوات

 

[Pinky -cat]

حياتي اتوقع اهو مدلع كان ببيت اهله ومتعلق بالحنان بشكل كبير ، او انه شاف الحنان راح لغيره فقام يغار عادي ترا
انا اختي صار وياها نفس الشي وتخيلي قالها ما قمتي تعطيني حنان هههه

عادي حبوبه تسقي وقتج ونومي عيالج بوقت يكون فيه صاحي لين ينام وعقبها جابليهم ، ما عليه تحملي
وترا بالعكس شي حلو انه يحبج ويبيج يمه .

 

[Perfume]

حبيبتي ريلج يتدلع علييج
مافيها شي دلعيه
اذا قالج مو مهتمة فيني
قوليله اذا ما اهتم فيك اهتم في منو
بس اسكت اليهال وانومهم وارد لك حبيبي
ونيمي اليهال وتفرغي له

 

[برنسيسة2007]

زوجج يتدلع عليج
اللي مثلج تستانس معناته يحبج الله يحفظكم ويزيدكم محبه
حبوبه نظمي وقتج بحيث اولادج حزة وجود زوجج نايمين طبعاً

 

[M!SS.LOBY]

لا حول ولا قوة الا بالله

 

[gmar al-kuwait]

الله يعينج لانه انتي الوحيده المتاذيه وصعب التعامل مع الريال الي جذي

 

[Maaax]

ماشاءالله ربي يديم هالحب يااارب
جزئي الوقت بين زوجك والاطفال
موفقه اختي ..

 

[عروسة خالد]

الله يخليكم لبعض
عيالج نومهم بدري قبل لا يجئ زوجج
عشان يكون وقتك كله له

 

[يتيمة جابر العز]

موضوعج حله بيدج


الله لايهينج لا تكتشفين الذرة ولا شي !!


مثل ماقالت لح الي فوقي نومي عيالج مبجر وعطيه الحنان الي يبيه


وبس

 

[لوليتااا]

الله يخليكم لبعض جزئي وقتك فيمابينهم وبث

 

[امـ خــزامـى]

البنات مااقصروووا

 

[اللّہ معي ، ♡]

مفروض تستانسين في زوجات من يلمسون زوجهم يقولها وخري عني لاتلزقين فيني

نومي عيالج قبل وقت نوم زوجج لجو هو تفرغي له تماما

 

[زوجة عزيز]

اول نومي اليهال وتالي نوميه هههه الله يعينج ويخليكم لبعض

 

[حبيبي مالكني]

جابلي ريلج عقب ماتنومين اليهال
يعني يبيلج تنظمين وقتج بس لا اكثر