...حيره

[عروس 1988]

السلام عليكم
قوه بنات شلووونكم
انا زواجي قرب مااابقاله شي يمكن شهرين بس
و طالبه ادرس امتحاناتي بعد شهر بالضبط
ماشريت شي بس حجزت الصالون
مدري شسوي محد يبي يساعدني ...محد مهتم فيني ...ودي اخلص قبل امتحاناتي وافتك من كل شي بس وين اللي يساعد ...حتى قمصان ماعرف اشتري اناشعرفني قصير ولاطويل ستان ولا تل ودانتيل البجايم هينه مو محتاجه مساعده احد سهله...بس العود والمسك والدراريع ...كل مره اقول بعتمد على نفسي بس لمى اروح ابتلش حتى بالمقاسات ..واحس فلوسي تنقص على خرابيط ...حاليا اكتب لكم وانا تعبانه نفسيا لان محد حاس فيني قلت لخوي بسافرالخبر ورفض يوديني...وطلبت منه شغله قالي خليها بعدين زوجج يوديج....تعبت بنات مدري شسوي .. انا مو بالكويت سعوديه خويتي تقول تهون وانا اشوف محد هامه والله وخايفه اروح لرجال والناس بدون تجهيز سنع احب الكشخه واللبس والعطورات بس وييييين اللي يساعدني

 

[luuluuu]

حبيبتي توكلي على الله
الله بيسهل لج كل شي ان شاءالله
الله يفرجها عليج
وان شاءالله تتجهزين احسسسسسن جهاز

 

[ạ7ạśêś ~]

ذكري الله اول شي
وغير جذي كل شي سهل انتي بنفسسسسج روحي واشتري وهم القمصان روحي اشتري
ما تعرفين قولي حق لي تشتغل بالمحل انا عروس وابي قمصان بطلع لج وشكلي بين طوويل وقصير
ونفس شي باجي الملابس فـ لا تصكرينها فـ ويهج وكل شي سهل
وعسى الله يوفقج يارب

 

[حناينq8]

اول شي حبيبتي خلج ريلاكس

ان يت على السوق ترا امره يهون

حطي لج جدول - ودوني فيه كل احتياجاتج مع الملبغ المخصص لكل شي

وكل روحه سوق حقج اشتري شي

يعني خصصي يوم وافتري على محلات البجامات والاندروير

ويوم خليه حق البدل والجواتي تكرمين

ويوم حق الميك اب والاكسسوارات والتناتيف

ومن الحين لي بعد شهرين بحيل الله تكونين خالصه

مو شرط تكونين كل يوم بالسوق - اهم شي التنسيق واحنا كلنا خواتج اذا تبين اي شي عضوات قسمي ما يقصرون معاج

 

[معلمة شيسمونه]

لاتكثرين اغراض وايد
اشتري مكياج وعطور اللي تحتاجينهم بس لا تاخذين كل اللي تحبينه ترى مو كله بتستخدمينه

طيري وادوري لج بدله العرس ترى اهم شي
حجزي لج مصوره
وشوفي لج مسكه
واخذي لج قميص ناعم
خلصي شغل اول يوم

اشتري المكياج الناعم اللي تحبين تستخدمينه يوميا
واشتري لج كريم حق المناسبات شوي ثقيل بس مو حيل تغطيته حلوه

اشتري عطورات 3 ست كامل وخلينا نقول 4 عطورات مفرده
وكثري شور جل مع كريماتهم اللي ببدي شوب وهالاماكن
حتى ملوت الجمعيه الشورجل حلوين ترى يعني نوعي بس لا تكثرين وايد

بجايم انتي قلتي سهله و قمصان نوم نوعي شي طويل شي قصير بس لا تاخذين سوالف مشخلعه وتنكري ترى خليج من هالشغلات
حتى سوالف النكهات شيقول عنج بعدين ؟؟ ما عليج

اخذي لج اكسسوارات ناعمه خواتم اسود سلفر جلد

اخذي لج ساعه ام 50 دينار يعني على 500 ريال تقريبا
وساعتين على 250 ريال للبدل

اخذي جم نفنوف الكاملين هذول احلى انتي بعدج بنوته احلى من الدراريع
واخذي لج جم دراعه تكون حلوه لاصقه مو مخبخبه

جيبي دفتر وكتبي هالشغلاتا
بس لا تكثرين

لااااااااااتكثرين
عسى ربي يوفقج ان شاء الله ويسهل امورج

 

[غـرامـي أنـت]

موفقه حبيبتي الله يسهلك

 

[حدي طفلة]

اللة يعينج انشاللة ويسهل امرج

 

[كلي لكـ]

اختي معلمة شيسمونه ماقصرت معاج
وعسى الله يوفقج
اهم شي تنظيم وقتج وكل شي يهون

 

[عروس 1988]

ي حياتي انتم كل اللي ردو علي ماااقصرتوا ةربي ريحتوني وماجيت وكتبت لكم الا عادتكم خواتي لي باك ان شاءالله واقولكم شسويت اموووووح للكل

 

[أحلى عروس 2012]

قولي لامج

 

[مطيريه ستآيل]

نظمي وقتج وكل شي يهوون


والله يووفقج ...~ََ!

 

[قاهره عذالي]

اول شي ابدي بقمصان النوم والملابس الداخليه
اشتري 10 قمصان نوم مع روباتهم طويله ومن جميع الالوان بيج اخضر اسود احمر وردي اصفر بني من جميع الالوان ومن ضمنهم قميص اول ليله الطويل يكون لونه اوف وايت
واشتري 10 قمصان ثانين الى 15 قميص منوعين اللي قطعتين واللي على شكل بيبي دول واللي قصير
واشتري بجايم حرير وبجايم منوعه حلوه وكثري منها
البخور :
عندج البخور الملكي من القرشي
والبخور المميز من الرصاصي
العطور
عندج شرقيه وعربيه
اولا من الرصاصي :
عطر دلع بنات وعطر اغراء وعطر حاتم خليه هديه لزوجج
ومن اجمل :
مجموعة قطرات مطر
مجموعة وصال
عطر تينز
عطر نواعم
عطر الف ليله وليله
العطر المربع البنفسجي سكريفايس جنه اسمه مع مجموعته حيل روعه وحيل يمدحونه
واذا عندكم سويس اربيان :
اشتري من عندهم مرشات الفراش
4 مرشات منوعه من عندهم
بالنسبه للعطور الفرنسيه لازم تشترين على الاقل 6 الى 7 عطور مع مجموعاتهم
عندج عطر ايلي من سان لوران البنفسجي
عطر لاليك
عطر سينما
قيس القديم
الور
فلور
كوليسار مع مجموعته كامله حيل حيل حلو للعروس الوردي وحتى ينرش ع الشعر عادي وع الجسم
لانكوم الوردي
ستيلا البنفسجي
راكيل وومن
سكسي 212 الوردي
وهم عطر لاكوست الوردي والاصفر هم حلوين

بالنسبه لمعطرات الجسم
عندج من زهور الريف
مجموعة زهرة الكاميليا
الوريه والزرقا + شموع من عندهم

من بودي شوب
اشتري مجموعة المسك كامله + مجموعة جابانيز شيري
واشري فواحات من عندهم
والعطر الدهني اللي على ريحة المسك الابيض

من نكتار اذا عندكم
اشتري مجموعة سويت نكتار كامله لانها روعه فيها معطر شعر ومعطر جسم وشاور جل وبودره حيل روعه
ولانسين تشترين من القرشي مسك العروس + دهن عود صغير من عندهم

اهني تقريبا تكونين كفيتي ووفيتي بالعطور واذا تحبين تزودين كيفج

والملابس الداخليه اشتري طقوم ملونه + سراويل قطن جم درزن لان راح تستهلكين

وبالنسبه للبدل والدراريع على كيفج
بس اقل شي 12 دراعه اشتري منهم 4 الى 6 فخمات + بدل على شكل قميص وبنطلون مثل البنجابي او على قميص وتنوره حق المناسبات على الاقل 6 الى 7

اذا عندكم عطورات ماجد
اشتري منهم عطر ريما يمدحونه

وبالنسبه للمكياج
في ماركتين مكياج يهبلون حيل حيل واسعارهم حلوه
ماركة ريميل بالنسبه للحمر والشدوات والكونسيلر والبلشرات
وماركة ريفلون الكحل السائل عندهم حلو وهم مسكرتهم الحمره حلوه حيل وكريم الاساس من عندهم

اهني تكونين اشتري عطور ومكياج وقمصان نوم وملابس داخليه وبدل ودراريع وملابس الحموله الدراريع البسيطه لو من الخياط تاخذين موديل من النت وتصورينه ويخيطه الخياط وتجيبين الكلف له يعني مو شرط تكون بدل الحموله حيل فخمه خاصه اذا انتي ساكنه عندهم محتاجه
تبديل فلازم تسوين كم دراعه لبيت الحموله بسيطين وانيقين ومو مهم السعر لو مصممه عند الخياط
وياربي الله يوفقج
بس اهم شي حبيبتي
تحجزين مصوره للعرس + تحجزين ثوب الزفاف والحين الموضه تكون مسكة العروس ناعمه وصغيره
وطبعا لاتنسين تفصلين كم عبايه حلوه ومحتشمين جدد
وقد ما تقدرين البجايم كثري لان وانتي بشقتج عند زوجج تلبسينهم
ومثل ماقالت معلمة شيسمونه اشتري اكسسوارات بسيطه تناسب البدل والدراريع الفخمه اللي راح تشتريهم

 

[MN.collection]

^
^
^
ماشاءالله ماقصرررت

 

[MN.collection]

الله يوفقك ويسهل امرك

 

[قاهره عذالي]

في عندي مواضيع منزلتهم
عن العطور
حيل حيل تفيدك
لانها كثير فادتني


هذا رابط موضوع اضغطي عليه
عن عطورات الرصاصي وشنو اللي عجبني منهم
بس اقري الردود حيل فادوني البنات بخبراتهم
http://www.q8yat.com/t809575.html

وهذا موضوع
اشتريت كم شغله وعطور اعجبتني
http://www.q8yat.com/t781000.html

وهذا موضوع ثاني سالت فيه البنات عن عطور تكون اسعارها رخيصه مو غاليه وتكون حلوه
وكانت اغلب ردود البنات
عن عطور اجمل
ومعاهم اكتشفت عالم عطور اجمل وحبيته والله
http://www.q8yat.com/t837918.html

يمكن صفحات مواضيعي كثيره بس راح يفيدك كل رد من ردود البنات

اهم شي بالعروس تكون عطور متنوعه وحلوه

 

[هي انا]

فديتهم كويتيات ماقصروا

وربي يوفقج وتكونين احلى عروس

 

[قاهره عذالي]

في هم عطور فرنسي حلو اسمه شوبارد
وجيفنشي
ونينا ريتشي
وعطر ميد نايت حيل يمدحونه البنات
وعندج عطر ديور
بس ما ادري اي نوع امدحوه لي في نوع ديور ميد نايت وفي الوردي هم
وحطي ببالج ترا العروس تستهلك بخور
يعني العصر تبخرين وقبل لا يجي زوجج بالليل تبخرين بيتج
عند الرصاصي في بخور اسمه جبل علي
حيل تمدحه بنت خالتي وانا اعرفها انها ذوق
حلو للبيت

وللشقه وبعد الطبخ
بس العود المميز من الرصاصي
والبخور الملكي من القرشي
يصلحون بالليل لغرفة النوم

هذا عطر ديور الوردي
اللي سمعت فيه

وهذي صورة مجموعة وصال من اجمل

وهذول عطرين يمدحونهم البنات حيل
عطر رومانس وعطر خلطة العود من الرصاصي

وهذا عطر شو بارد

وعطر نينا ريتشي

خفيف وحلو ويصلح ترشينه الصبح اول ماتقعدين
طبعا العطور الفرنسيه تشرينها من المركز الفرنسي او بيضون او محلات اللي تبيع العطور الفرنسيه

 

[قاهره عذالي]

هذا عطر ايلي من سان لوران روووووووعه وحلو مع مجموعته حرام عروس ماتشتريه

وعطر الور

وهذا العطر شفته عند خواتي
حيل حلو وخفيف
ويصلح للعزايم

اسمه عطر ريتشي ريشي الجديد

هذا عطر استيلا القديم البنفسجي اللي قلت لج عليه باول رد لي بموضوعج

وهذا عطر لاكوست الوردي
حيل حيل احبه

وسعره معقول وحلو من احب العطور على قلبي

 

[قاهره عذالي]

هذي مجموعة كوليستار اللي نصحتج فيها
روعه خاصه ان العطر اللي فيه ربطه وردي
هذا حتى ع الشعر ينرش والجسم لانه خالي من الكحول
وهذا معاه لوشن ه هم حلو بعد السبوح تحطين اللوشن وترشين العطر روعه وحلو للنوم قبل لاتنامين بفراشج


وهذا عطر لاليك اللي قلت لج عليه

 

[قاهره عذالي]

هذا مكياج ريميل

طبعا احلى شي عندهم الحمر والبلشر والشدوات والبودر والكونسيلر وهم الكحل السائل منهم شاريته حلو

هذي ماسكرا ريفلون الحلوه

تطول الرموش وحلوه للمناسبات
اما كمسكره يوميه عندج الماسكرا الورديه من نيفيا

هذا كحل ريميل السائل اللي عندي

وهذا كريم اساس من سان لوران حلووووو للمناسبات

هذا كريم اساس من ريفلون هم حلو

هذا كونسيلر من ريميل اروح وارجع عليه حلو

وهذي بودر بعد الاساس من ريميل

وهذا نوع اسفنجته فيه
وحلو للاستعمال اليومي لانه مينرال معدني ومايضر البشره

اهني بلشرات من ريميل

طبعا احلى وسمات نيفيا

واحلى شدوات ماركة مكياجي