حيونات منويه صفر ساعدوني

[زماني احلى]

السلام عليكم


هذا اول موضوع لي بالمنتدى

اولا الحمد لله على كل حال والحمد لله على قضاءه وقدره


انا متزوجه لي 5 سنوات بدون اطفال ولا حمل نهائي بعد الفحوصات اتضح انه زوجي يعاني من انعدام الحيونات المنويه صفر الحمد لله من قبل ومن بعد



:eh_s(2):


جدا متحطمه طبعا عرفنا بموضوع الصفر في نهايه السنه الاولى من الزواج

ماخلينا علاج ماجربنااااه عسل وحبوب وخلطات شعبيه وبدون فائده الهرمونات مره تتعدل ومره تتلخبط لكن حاليا كويسه

التفتيش عمله من سنتين وكان النتيجه وجود حيونات ميته

عطوني امل هل في وحده زوجها صفر وتشافى والي تعرف مدوايات شعبيات تقولي او عندها خلطات ممكن تفيدني لاتبخل علي الله يرزق الجميع بالذريه

ربي لا تذرني فردا وانت خير الوارثين

 

[زماني احلى]

اتمنى احد يساعدني



رفع

 

[دارسين]

الله يرزقج من حيث لا تحتسبين

 

[سمراء كويتية]

حبيبتي الأمل موجود دائما وأبدا كثري دعاااااااااااااااااااااء و استغفار و الله يرزقج ان اشاء الله

 

[M!SS.LOBY]

الله يرزقج

 

[ليالي العاشقينه]

دام الله سبحانه موجود لا تفقدين الامل ..
كل تاخيره فيها خيره ..
وانشالله الله يرزقج من اوسع ابوابه ..
لاتفقدون الامل اهتمو بالاكل والادويه والعسل
والعلاجات الطبيه من كل النواحي ..

ولله سبحانه الكريم الرزاق الوهاب ..

 

[ام دليار]

ناس جربوها زبطت معهم
الفستق السوداني خليه يوكل كل يوم
بس لزم كل يوم لمدة شهرين بعدين يروح يفحص ان شاء الله بكون تغير شي
الله يرزقك ويرزقنا

 

[زين ودلال]

عسى ربي يرزقج ان شاء الله ولا يحرمج

ربي سبحانه كريم وان شاء الله بيرزقج

هالتأخير خيره لكم بإذن الله ربي يفرجها

 

[glby7sas]

الله يشافيه ويعافيه لج يارب
انصحج روحي للدكتور عمرو مدني بعياده بوشهري دكتور كبير بالسن وماشاءالله عليه شاطر وماره عليه حالات وايد واهو صارله 21 سنه بهالمجال ماشاءالله روحيله وان شاءالله يارب خير وعليج بقيام الليل والدعاء فسهام الليل لا تخطىئ وحاولي زوجج يخفف وزنه واهم شي النفسيه مع العلاج والله يرزقج ياقلبي ويفرح قلبج اللهم امين

 

[الله يرحم أمي]

اقترح عليج تروحون امريكا على حساب الدولة وهم مشهورين بعقم الرجال والله يوفقكم وأي استفسار على الخاص لأني ما ارد للمواضيع مرة ثانية

 

[مذهلة2013]

عسى ربي يرزقج ان شاء الله ولا يحرمج

ربي سبحانه كريم وان شاء الله بيرزقج

هالتأخير خيره لكم بإذن الله ربي يفرجها

 

[ابلة لولوة]

ربي يرزقج الذرية الصالحة المتعافية لج ولكل البنات

اللهم آمين

ماعندي فكره عن موضوعج بس حبيت ادعيلج من كل قلبي

 

[M!SS.LOBY]

الله يشافيه

 

[زماني احلى]

مشكورين بنات لكل الي ردو على

الله يرزقك الجميع الذريه
الي قالت لي عن الفستق السوداني تقصدين الفول السوداني ماغيره واﻻ

 

[M!SS.LOBY]

سبحان الله وبحمده

 

[زماني احلى]

مشكورين بنات لكل الي ردو على

الله يرزقك الجميع الذريه
الي قالت لي عن الفستق السوداني تقصدين الفول السوداني ماغيره واﻻ

ومشكورين للي قالو امريكا واسم الدكتور بس الحاله الماديه ماتسمح فعشان كذا طلبت خلطات تكون اسهل ومجربه

 

[om_ibrahim]

اختي روحي مستشفى السيف عند الدكتوره رائده تعالج حالات الصفر

 

[ميمي الحلوه]

خليه يسوي حجامه وارقووو نفسكم

 

[آلـغـنــد]

الله يشافيه ويرزقكم ويعوض صبركم بخير

فيه دوا اسمه بروكسيد بلس يستعمل لمده اقلها ٣شهور والأفضل ٦ شهور. وانا سألت صيدلي عن افضل الفيتامينات لزياده او انتاج الحيوانات المنويه ومتبها لي بورقه من ضمنها رويال جلي وفيتامين هـ وفيتامين ثاني كتب لي اسمه قال هذا اهم شي وهو موجود في بروكسيد لو تبونه كبديل. بدور الورقه وارجع اكتب اسم الدوا


واستعملي كيلو عسل مخلوط عليه عليه حبوب اللقاح +علبه غذاء ملكات النحل +علبه بودرة الجنسنق +مكسرات غير مملحه وبدون تحميص كاجو ولوز وفستق اخلطيها كلها وكل يوم ياخذ منها زوجك ملعقه مع الفيتامينات وبعد ٣ اشهر عيدو عمليه التفتيش وان شاء الله ماقدامكم الا العافيه


خلطة العسل انا مسويتها لزوجي مع فيتامين هـ وزنك. مع ملعقتين حبه سودا مطحونه كل يوم


لأني قريت قبل فتره ان الحبه السوداء عالجت نساء اصيبو بالسرطان بس كانو ياكلو فنجالين منها وعالجت امراض عقم فتوكلت على الله وخليتها من ضمن الأشياء اللي اسويها لزوجي

 

[الاسييل]

حبيبتي انا بقول اللي صار معاي وبمنتهى الامانة انا سويت حقن مجهري عند دكتور ناهض حمداية والحمدلله ما صار في حمل ومن اول ما كنت اتابع عند الدكتور ولا مرة سوا تحليل حق ريلي غير قبل العملية واتضح ان زوجي عندة تشوهات في الحيوانات المنوية ونوعها تجويف الحيوانات ووايد بنات انصحوني انزل مصر حق العلاج وكنت وايدة مترددة غير لما شفت رفيجتي مصرية صار لها 7 سنين متزوجة وما صار حمل ومشاالله حملت الحين ولما سألتها عن التفاصيل هنا كانت لصدمة

اولا تكاليف العملية في اكبر المراكز مثل دار المرأة عند الدكتوور عمرو الحسيني وعند دكتور اخر اسمة مدحت عامر ما تتعدى بالعلاج ال1500 الف جنية يعني بالكويتي تقريبا 700 دينار وانا عند ناهض دفعت 3500 بالعلاج والمتابعة والتحاليل قسما بالله والله يشهد علي وهاذي مراكز وايد وايد سألت عليها وقالولي انها اكبر مراكز بالقاهرة اهيا مركز دار المرأة ومركز ادم وعناية فخمة وراقية وراكز محترمة

ثانيا والصدمة الاكبر ان في علاج الحين في الحالات اللي تنعدم فيها الحيوانات المنوية ان اهم ياخذون عينة من نسيج الخصية ويعلجونة ويعطوة هرمونات ويسونة له مثل مزرعة لين هذا النسيج ينتج حيوانات منوية ممتازة ويسون العملية وباقي الحيوانات الجيدة يجمدونها لج وتكون موجودة متى ما حبيتي تروحي تسويها

انا الحين بكتب هالكلام بموضوع منصل بس حبيت افيدك انتي بالاول وبعدين تقولج بمصر كل دكتورة يروح يقولج كل حالة وليها علاج انتي خايفة ليه دة كل الستات بتحمل تقوولي والله العظيم كنت رايحة اكتئاب وحالتي حالة وطالعة مستناسة واظحك من عيادة الدكتور


وعالعموم انا حبيت افيد مثل ما استفد وايد منكم وانا حبيت اقولج لا تخافي ولا تروحي وتتعني برا وتكاليف وايدة لكن للاسف في الكويت علاج الحمل جدا متأخر ومع قلة الدكاترة الممتازين اللي تحصلينهم
والله يعطيج ويعطيني ويرزق كل محتاجة اللهم امين