خااااايفه من الزواج والعلاقه والشغل

[بنت بو متعب11]

السلآآم عسسسولآآت
انا مقبله على زوااج ونفسسسسيتي صاايره كلش:eh_s(11):
خايفه والله :eh_s(2):
خايفه من العرس من اسمع مشاكل الناس بهالمنتديات والي حولي اخااف زياااده
خايفه من الفشل اخاااف اني مااققدر :eh_s(11):
وخاييففه من العلاقه بين الزوجين:eh_s(11)::eh_s(2): احس انه شي مستحححححيل واحس استحححي شلون بيصصير هالشي ومستحيل اقول لامي عن هالشي هي فاتحتني مره قالت تدرين انه يصير هالشي ولالا
انا حسسسسيت ووودي تنشق الارض وتبلعني :eh_s(2):
مدرري ليششش ماتقبلللللت منها وجلست طول اليوم كاررهه عمري ع انها ماتعمقت
من اتذكرر اجلسس بسرررحان احااتي هالشي احس اخاف واستحي :eh_s(2):واخاف انه بعدين مايبيني ويزهق مني

وخايفه شلون بووفق بين الدرااسسه وشغل البيت وبينه
انا عند اهلي متعوده ع الدلع شغله وحده اسويها باليوم وماخلص هالشغله الا ومنهد حييليييي
والله حدي خايفه فكرت اكثر من مره اني اكنسل هالزواج بس من اتذكر ان البنت مصيرها بتعرس اتعوذ من الشيطان
وحتا الطبخ ماعررف ولا شي بس احاول هالايام اتعلم :eh_s(2):
مدري شعوري طبيعي ولا بس انا:eh_s(2):
يعني انتي تزوجتوا والموضوع عادي عندكم ولا كنتوا مثل تفكيري وتمنيتوا انكم تزوجتوا ولا لا:eh_s(11):

 

[بنت بو متعب11]

:eh_s(2):محد معبرني

 

[جنون الغيم]

عادي حبيبتي كلنا كنا متخوفين مثلك وهذا احساس اي بنت
لانه شيء غريب عليها وحياه جديده ومسؤوليه ماتعودت عليها
كل شيء بيمر بسلام ويصير ذكرى حلوه
حاولي ماتفكريييين ع طول وتجاهلي الخوف عشان مايزيد
والله يوفقك وييسر لك كل خير *

 

[حبيبه العلي]

مبرروك
هذا شي طبيعي اكيد يتتغير حياتج وانت حاولي تثقفين نفسج النت الحين مو مقصر كل شي

البنات يعرفونه من طباخ وشغل بيت الخ

وبالنسبه للعلاقه الزوجه بصراحه مادق فيه احد للحين مايعرف ؟

واذا ماتعرفين افضل تسالين خواتج اوخليها على التساهيل اهو بيعلمج

 

[-_-Designer-_-]

شوفي حبيبتي لا تفكرين ولا توسوسين كلنا مرينا بنفس حالتج المفروض انج تفرحين لانج بتصيرين عرووس و عالخوف كلنا خفنا و بعدها تزوجنا وعادي , و اذا عالمسؤوليه اكيد الزواج مسؤوليه بس هذي سنه الحياة و اذا عالمشاكل كل بيت ما ييخلى من المشاكل والله يبعدها عنا وعنكم انشالله , و كل شي ينحل بالتفاهم و نصيحتي لج ان اي مشكله تصير بينكم لا سمح الله لا تدخلين احد يحلها مشاكلكم تنحل بينكم الا طبعا المشاكل الكبيييييره حيل تتطلب تدخل الاهل و غير هذا لو عصب خلج هاديه نطري لين يهده و لا تراددين راح تشوفين ان بيحس ان اهوا الغلطان ويي يعتذرلج بعد , و حاولي لا تتشكين وايد لان الريال ما يحب المره تتشكى , و اذا تبين شي لا تحنين لان هالشي ينرفز الريال , و على شغل البيت يبي لج خداامه او اتفقي مع وحده تييج البيت تنظف وتطلع و بجذي انشالله ما راح تكون فيه مشاكل والله يوفقج ياااارب و يتمم عليج

 

[برائـة طفلـة]

صباح الـخير
حبيبي هونيها وتهون
ترى محد طلع من بطن أمة عالم
أنتي دايما خلج من الله قريبة بصلاتج و دعائج ودايما استغفري ، الاستغفار يسهل كل أمر صعب ..

و حبيت اعطيج رابطة انا شخصيا واااااااااااايد استفدت منها ، و الله يرزق الي كاتبة الموضوع الرزق الحلال يارب .
تفضلي

http://www.q8yat.com/t821471.html​

 

[' جـويـريـہ ..❤]

حبيبتي انا كنت نفسج و الحمدلله تزوجت و عندي و لد و اموري تمام مع ان عمري ٢٠ !!
لا تقارنين بين بيت اهلج و بين بيتج لما تتزوجين لانج راح تتعبين ، فكري شنو راح تسوين عشان تحافظين على بيتج و زوجج و شلون تخلينه يتقبلج ..
انتي الحين تفكرين شلون راح تشتغلين بالبيت و تدرسين و تجابلين زوجج و تحسين انه هالاشياء فوق طاقتج و ما تتحملينها بس اذا عشتيها راح تلقين كل شي سهالات و كل شي يمشي بدون ما تحسين !!
و من ناحية شلون بتنامين معاه ترا كلنا مرينا بهالمرحله و خفنا و الحين احنا اللي نبيهم و هم ينحاشون منا هههههههههه

ترا انتي مكبره الموضوع حييييل و مالج شغل بتهويل البنات و سوالفهم اذا انتي سسسسنعه لا تخافين راح يحبج و ما يستغني عنج ابد ..

عسى ربي يوفقج و يسخرج له و يسخره لج يا قلبي

 

[صدفه نسيتك]

محد طلع من بطن امه عالم
مع الايام بتتعودين وتتعلمين . الله يوفقج

 

[Ms.PeRFeCT]

انتي جم عمرج؟!

اذا للحين صغيره لا تستعيلين عالزواج! ولاتتزوجين الا وانتي مستعده وحاولي تثقفين نفسج اقري .. العلم قوه

 

[دريم]

ااب وموفقه

 

[بنت بو متعب11]

والله ضاااااااااايقه فيني الدنيا مدري شبسوي احس اني مغتلقه وشاااااايله هـــــــــــم

ماعاد قاريه المواضيع حقتكم عشان ماتعقد اكثر هههه
استانست بردودكم
وانا عمري 19 بعد كم شهر داخله العشرين
وبسكن بمنطقه بعيده عن اهلي شوي < بالسعوديه
بكون مع اهله بس بشقه مستقله
وباقي لي ثلاث سنين على ماتخرج من الجامعه غير اذا كاني اجلت او حملت مواد

 

[Flower20]

انا كنت مدلعة والحبين شايلة مسؤولية بيت و زوج

وهم كنت خوافة وجبانة وانا اكثر وحدة استحي بالعالم لوووول بس الحمدالله كل شي مر بسلام
وبالنسبة لشغل البيت مثل ما قتلج انا كنت دلوعة ببيتنا بس بديت اتعلم واتحمل المسؤولية وسبحان الله تلقائيا راح اييج نشاط وتشتغلين ببيت زوجج وتتعلمين

 

[قهرني]

كلنا مرينا بهالحالة وبس وكلي امرج لرب العالمييييييييييييين والله بيسهلها عليج والله يوفقج ومبروك مقدما

 

[miss swan]

جم عمرج ؟؟
وعلى اللي قليتيه عادي بتعودين​

 

[*E.B.D.A.3*]

حبيبتي
لازم تعرفين زين
ان الرهبه ماقبل الزواج ، هو موضوع طبيعي
ولازم تكون في رهبه لان قرار مثل قرار الزواج، حيل كبير! ونقطه تحول في حياة اي انسان ..
طبيعي بتكونين متخوفه وتردين تفكرين مره ومرتين بقرارج هذا ..

شوفي حبيبتي بخصوص تخوفج من اختلاف نمط الحياة وانج تعودتي على نظام وتخافين من النظام اليديد
فبقولج ماله داعي هالقلق، اخذيها كترقية بالعمل،
خلاص انا من اليوم ورايح بدال مايكون كل شي مطبوخ لي
انا بسعاله وانا الي بطبخ!
بدال ماتترتب هدومي حقي ،، خلاص، مرحلة الطفولة انتهت
ولازم انا الي ارتب هدومي بنفسي ...

صدقيني ماكو احلى من الاحساس بالمسؤولية!
ماكو شخص مدلع كثري الي ليدرجة اني تزوجت وانا مادري شلون يشبون الغاز!!! مو مبالغه ترى صج!
وشوفيني اليوم اطبخ احسن الاكلات لا من موالح ولا من حلو!! منو يصدق ؟؟؟؟
وعشان اصدمج اكثر ،، صدقيني عمري ماحسيت بسعاده كثر سعاده اني شايله مسؤولية ..
واشوف زوجي يعتمد علي وماخذني سند له
محد يضبطله هدومه غيري ، ومحد يضبطله اكله غيري ..
مايطلع من الشقه الا وانا مبخرته باحسن بخور واحسن العطور!
واستانس لي قالوله هاااااااا مضبطتك المدام ؟ و يرد ويقول عسى الله يطول لي بعمرها !

صدقيني، مافي احلى من هالاحساس!!

وحطي ابالج زين
ترى الياهل مايطلع من بطن امه يركض!!
فكل شي حبه حبه ، تعلمي من الحين على كل شي ..

 

[قطوووة]

عادي اذكري الله

الله بيزينج بعينه لانج حلاله

 

[مولاي الفرج]

بالعكس خلج متفاءله واذا حبيتي زوجج بتتقبلين كل شي

اما الدراسه وشغل البيت سوي لج جدول ينظم وقتج

بالتوفيق يارب

 

[بنت بو متعب11]

ربي يعآآآآآفيكم ويفرج همومكم والله ارتحت شوي
عساني مانحرم منكم

 

[بنت بو متعب11]

ابدآآآع ابي اتوااصل ويااك