خاص للمشرفات والاداره !! ضرررررروري !!

[Dana.Qtr]

اي مشرفه او اي وحده من الاداره تراسلني الحين للضروره .. مابي انزل الكلام هني عشان ماعرض نفسي للقيل والقال !!

بلللليز عبروني ولاتطنشون !

 

[ابدا يالغالي مانساك]

قصدج علي مشرفة ملتقي العضوااات. اما بنت الكويت طرشيلها ترد عليج بأجر ان شالله​

 

[meme>the best]

اب

اب

اب

 

[Dana.Qtr]

ابي اي حد يشرف ع كل العضوات !

 

[Dana.Qtr]

الموضوع ومافيه ان فيه قلة ادب ومهزله تصير بالمنتدى وكلام قذر ووصخ وماتجرا اني انطقه .. الي تقدر تتصرف اتمنى تراسلني لان جد قهر ولوعه وخيسوا المنتدى بهالاسلوب !

 

[Uou0Uo]

ان شاء الله تحصلين رد وجزاك الله خير ع هالمبادرة

 

[Q 8 Y A t]

عندج تحت اسم العضو
دائرة حمرا
مثل ممنوع الوقوف

اضغطي عليها واكتبي الشكوى على هالعضوة وريحي. بالج

 

[Dana.Qtr]

عندج تحت اسم العضو
دائرة حمرا
مثل ممنوع الوقوف

اضغطي عليها واكتبي الشكوى على هالعضوة وريحي. بالج

مشكوره حبيبتي توني اعرف هالحركه

 

[manoooram]

حبيبتي راسلي مشرفات القسم اللي حصل فيه السب و الغلط او بنت الكويت
في حال شفتي اي غلط او سب بموضوع
وعندج دائرة حمره صغيرة تحت اسم العضوة اللي تغلط
ضغطي عليها كتقرير لمشاركة سيئه
وبعدين بنات صلو على النبي كل شي بالهداوة والركادة ينحل
مو بالعصبيه والشد عمرنا ما نوصل لحل يرضينا
اي تاجره تشوفون من ناحيتها غش او ضرر راسلو الادارة محد يمنعكم حبايبي
بعدين الادارة والمشرفات ومساعدات الاشراف بيتصرفرم معاها
وفي شغله مهمه ترى احنا بشر مثلكم لنا حياتنا ومسؤولياتنا والتزاماتنا بالحياة
الواجب نسمع كلمة طيبه منكم او يعطيكم العافيه مو نايمين بالعسل الله يهديكم وتنسفون اللي قاعدين نسويه بالمنتدى
واحنا خوات واجب ان اذا شفنا شعلله بموضوع نهدي مو نزيد النار حطب ونشيش على الشر والفتنه
ابدا ماله داعي الكلام والتجريح ببعض
استغفرالله تعوذوا من ابليس لا تخلون للشيطان منفذ بيناتنا احنا خوات محنا اعداء

 

[جلطه]

حبيبتي راسلي مشرفات القسم اللي حصل فيه السب و الغلط او بنت الكويت

بعد قلبي انتي
ترا فيه منتديات اعضائهم كثييييييير و محد اشتكى من تسيب الاداره حقتهم
و هم برضو لهم مشااغل و امور حياتيه برا النت
بس اذا صارت الاداره تدقق على اشيا تافهه مع احترامي
و تترك الاشيا الكبييييييره و السب العلني و الكلام القذر
هنا ستووووب
و لازم احنا عشانا خوات نننبهم عشان يراجعون نفسهم
و يعيدون هيكله الاداره

 

[manoooram]

جلطه حبيبتي ​

انا اللي اتكلم عنه منتدانا (( منتدى كويتيات ))
هذا اللي يهمني ويعني لي بالموضوع​

مع احترامي لباقي المنتديات العزيزة
يكفي ما شالله المنتدى شنو تقييمه على مستوى المنتديات عامة وبالكويت خاصة
وأم راشد وباقي أعضاء الادارة لا ننكر اجتهادهم بهالسنين بحق المنتدى ( ما شالله )​

لاتخلون موقف أو موقفين يأثر فيكم وتتناسون محبتكم للمنتدى​

انا وخواتي المشرفات قايمين بواجبنا ومو مقصرين في اهتمامنا بالمنتدى باذن الله​

وغاليتي دام انتي والخوات شفتوا السب والشتم والغلط
واستنكرتوه واجبكم تجاه منتداكم تبلغون​

ولا عيل شلون احنا خوات حبي .. بتقولون انتوا اشراف ؟؟!!
أقولج صح ان اشراف بس تحصل كثير ان الانسان يغفل ولا ينتبه
فيكم الخير والبركه تبلغونا واحنا ماراح نقصر
وبدوركم لكم كل الشكر والتقدير أكيد
​

وما ننسى ايد وحده ما تصفق
وكلنا نعاون و نكمل بعض وعسى الله لا يفرقنا
​

 

[الزورق222]

اشفيكم معصبين دايمااا بالذات هذى الايام .!!
ماادرى وين مكان الهوشات فى المنتدى بس اللى اشوفه الوضع هادىء واللى يعصب من اراء الناس مثلى يكتب ويمسح وبعد يوم يرد وهو هادى ..لانه رأى مالنا حق نمنع الناس من حرية التعبير ..
مشرفتناا manoooram الله يعطيج العافية ماقصرتى فى المنتدى ..

 

[نياره]

اب اب

 

[عادت ذكرياتي]

الله يهديهم

 

[~*الزين الاصيل*~]

حبوبة في قسم مخصص للشكاوي

تفضلي
http://www.q8yat.com/f37.html

مآيطلع على آلموضوع آلآ آلآدآرهـ

 

[مفعمه بالحيويه]

تبين المشرفات يطرشون لج رساله؟؟؟


انتي اذا عندج شي ... راسلي المشرفات على الخاص

 

[manoooram]

حبيبتي الزين الأصيل كفت ووفت
:eh_s(7):

 

[PuPa^^SWeeT]

اللي اتشووف اي شي خاارج نطاق الادب والاخلاق

ولا في تعدي عالاخرين


سيددة اتبلغ مو اتقوول وين المشرفة ولا وين الادارة


حتى باحسن الشركات تحتاج الادارات للتنبيه لانه شنو يلحقوون


حياتهم الخاصة خارج المنتدى ولا المنتدى نفسه


والحمدلله الاغلب مو مقصرين


قايمين بواجبهم على اتم وجه

 

[Dana.Qtr]

حبايبي .. انا ماقصدت التقصير من المنتدى ولا الاداره .. بس عيب لما وحده تجيب الفاظ من "الحمام" عزكم الله وتقول كلام قليل ادب وحرام

بس كنت انبه مب اكثر من جذي .. ومشكورين يالاداره ويالمشرفات ولان المنتدى ناجح بشكل كبير مانبي هالاشكاال تخرب عليه ..
يعطيكم الف عافيه

 

[Dana.Qtr]

والمشرفات ماشاءالله وايد اراسل حق من ولا من ؟ وحطيت شكوى بالمنتدى وماحد رد علي وحتى نكي مره ابي اغيره ماحد لين اليوم عبرني ..