خاص للمعلمات انحاشوا من التربية الظالمة

[لطوف1]

انا راح اتكلم عن نفسي لان اللى عندها واسطه وضعها يختلف عنى . اول ماقدمت اوراقى خيرونى ثلاث مدارس وحطونى فى مدرسة بعيدة وغير موجودة فى الخيارات وزميلتى عينوها امام منزلها تروح مشى لان واسطتها مديرة المنطقة والمراقب الله لايوفقهم لافى دنيا ولااخرة حسبى الله عليهم . بعد شهرين نقلونى مدرسة ثانيه بدون مااقدم نقل وبعيدة راجعتهم المديرة والمراقب ماكو فايدة . صبرنا فى المدرسة سنه كامله مايدزون الطبيات الى المنطقة وطايحين خصومات . اقذر وزارة فى تاريخ الكويت حسبي الله ونعم الوكيل على كل ظالم . انحاشوا من التربية علشان لاتلعنون اليوم اللى صرتم فيه معلمات

 

[سندس 90]

الله يعييييينج

 

[عادت ذكرياتي]

التربية شكثثثر يشتكون منها


والواسطة سالفة ثانية


حسبي الله ونعم الوكيل

 

[(كويتيه عسل)]

حسبي الله عليهم
أنا اول ماتعينت. ماكنت اعرف شيتداومين وماتدري وين الله قاطج

مومثل الحين يسوون دورات للتعيين اليديد

ماكنت اعرف طريقة المرضية

غبت يوم ولا اخذت مرضيه من الطبيب مااعرف
قلت للناظره مااخذت مريضه
الناظره قالتلي نقدر نعطيج عرضي بس انا مابي اعطيج لان خلصت السنه
راح ينخصمج من معاشج اشكره جذي قالتلي حسبي الله عليها
قلتلها انا ماادري ولا اعرف معانده موراضيه

>>>>>وترى ا لعرضي بكيف الناظره لايقصون عليكم ويقولون الوزارة
ولا راعت اني توني يديده ماعرف وانا ماكنت ادري ان فيه اجازه اسمها عرضي الا منها بس مزاجها نحاسه

واشكر قصوا علي واستغلوني علبونه يديده ومااعرف حسبي الله ونعم الوكيل على اللي ظلموني

 

[noni_q8]

حسبي الله ونعم الوكيل الله يستر بس

 

[Ranoon]

من زمان والتربية خاااااااااااااااااايسه بكل شي

الله يعينج وضعج صعب وعسى ربي يسلط على هالاشكال يا رب

 

[#الخشف#]

حبيبتي الواسطه في كل مكان موجوده ....وانا ماادافع عن وزارة التربيه لاني ما انكر الوضع اللي صاير بس لاتنسين مميزات التربيه يعني اذا كل مدرسه بتنحاش وبتهد وظيفتها منو بيدرس عيالنا وعيالكم!!!!


والله انا عاللي اشوفه فالتربيه بس مع هذا احبها لانه مثل مافيها عيوب فيها مميزات والحمدلله التربيه افضل من شكثر وزارات اقلها انج بمكان نسائي ومحترم والله عندي وحده من رفيجاتي مسكينه ماصارلها متخرجه من المعهد الا سنتين ونص ومن توظفت كل شهر بوظيفه تشتكي من الاختلاط وسوء اخلاقيات اللي معاهم والتحرشات اللي تصير المسكينه انصدمت من الوضع ومرتين قدمت استقاله!!!



ليش نكفر النعمه الحمدلله مدرسات مكانا مريح ومعاشنا اللهم لك الحمد زين وغير هذا اكثر ماكثر الله المدارس بالكويت يعني اذا مومرتاحه بمكان تقدرين تقدمين نقل انا اول ماتعينت قطوني بعيد بعدها بشهر نقلت ويسرلي ربي انحط بمدرسه قريب من بيتنا ولعلمج ماجبت لا واسطه ولا خرابيط بس كلمت الموجهه ظروفي فالمواصلات ونقلتني وغير هذا تقدرين تقدمين على الندب لين الله ييسرلج النقل وتذكري انه كل شي بتوفيق من ربي والله لو تجيبين اكبر واسطه بالديره وربي موكاتبلج النقل ماراح تنقلين...




و كل وظيفه فيها زينها وشينها لاكن لازم الواحد يعود نفسه على التاقلم عالوضع ويشوف اللي اقل منه عشان يقتنع اقل شي تذكري عمال الشوارع شلون يشتغلون فالبرد القارص من الفجر لي المغرب وبالصيف يشتغلون تحت حر الشمس وبالاخير معاشهم مايتعدى 100 دينار...



واختم بالحديث قال رسول الله صلى الله عليه وسلم : ) إن الله ومﻼئكته وأهل السماوات واﻷرض حتى النملة في جحرها وحتى الحوت ليصلون على معلم الناس الخير (

 

[mi corazon]

على الرغم من معاناتي مثل الاغلبيه

لكن ماقول الا الحمد لله عالنعمه غيرنا مو لاقي سكن ولا وظيفه

وكافي ان لنا اجر من الله على كل كلمه نغرسها وكل قيمه

الحمد لله وبالحمد تزيد النعم

 

[^SwEeTa^]

شي معروف ان التربية وزارة نحاسة الحريم و عقدهم

الظاهر كل وحده منهم حالفة انها لما تتعين بالتربية تفرغ حقدها على المجتمع (و المجتمع النسائي) على وجه التحديد

نصيحتي للكل: اللي تقدر تسنفر بحياتها و بصحتها و شبابها من هالوزارة التعيسة فلتفعل هههه

 

[بنات حواء2]

التربية و ما ادراك ما التربية

 

[Vous jamais]

انا عجبني كلام الخشف و ايده بقوة

 

[الحصبه]

الله يعينج وينصرج
حبيبتي مايجوز لعن الايام

 

[*مطبخ الذواقة*]

يا كثر اللي ينقهرون من هالشغله



بس الواسطه في كل مكان



عسى ربي يسخر لج اللي فيه صالح لج











​

 

[سلسبيل]

الله يعين مهنة الشقااااااااا

 

[PuPa^^SWeeT]

انا اول سنة لي تعيين


ييت انا بقراطيسي مو فاهمة ولا شي


ولا اتييني سكرتييرة ما شالله عليها بالمدرسة

تعطيني حقووقي و واجباتي

اهني تاخذين افادة

اهني تاخذين لفت نظر


لج 4 استئذانات الرابع مع الناظرة الثلاث بكيفج وجم ساعاتهم

و جم يوم عرضي


ومتى تاخذينهم ومتى ماتاخذينهم


يعني شرحتلي كل شي


فلما ييت بستاذن انصدموو اني اعرف استئذان و اعرف حقووقي و اعرف انه لي 3 بعد



بس والله ذيج الادارة اتينن


كافي الصداقات مع الوكيلات و الناظرة


الله يوفقهم دنيا و اخرة اهم اللي حببوني بالتدريس بنصايحهم و دعاويهم لنا

 

[mi corazon]

بوبا سويت ربي يسخرلج خلقه