خاطرة حزينه كتبت على لسان طفله توفت والدتها

[جروح تنزف]

يمه

تكفين اسمعيني........

يمه بسالك شي....

جاوبيني...

هو صحيح الي مات

داخل القبر يصير حي....؟



يمه.....

اسمع انا صوتك .....

كل يوم اسمعه....

واذا حاكيتك هاوشوني ...

قالوا انسى ...

روحي يالله العبي.....!!



يمه تعالي ارجعي.....

والله خلاص بسمع كلامك....

ما اخرب العابي....

وان قلتي يالله ......

روحي نامي...

اروح حتى ما تزعلي......



يمه تكفين ارجعي....

اليوم حطت لي المديرة....

نجمه من فوق وجهتي...



يمه سمعتها تقول ....

مسكينة هالبنت صارت يتيمة...

قالتها ابلة منيرة ...

مسكينة توها صغيرة ...

وش كانو يقصدون ....؟

يمكن عشاني صرت عاقلة

ولا عشاني دايم اسرح



يمه مريولي توسخ ....

ما كان قصدي اوسخه.....

بس تذكرت انك تقولي.........

بعد شهرين .....

بشتري لك لبس ثاني....

يمه تعالي اشتري....



يمه عرفتي مها ....؟

صديقتي الي معي ...

زاعلتني ...

تقول ما صرت انا اضحكها

راحت تدور غيري

عشان تلقى احد يونسها



يمه

يلا خلاص لا تمزحي

يالله قومي

تعالي معي للبيت ارجعي



يمه يمممممممممه

نسيت شي ....

بقولك ترى بيتنا صار فاضي...

ماحد يجينا....

وكل الي فيه انا واخواني ...

ليه وين اقاربنا .....؟؟

وين خالتي الي كانت تجينا ....



يممممه قومي بالله تعالي ....

تكفين يلا تعالي ....

ما ودي ارجع لحالي

والله خايفة....

ترى امس جيتك مارديتي ...

حسبتك نايمة...

او اقولك ...

خلاص خلاص....

أنا بجيلك بكرى ...

اذا راحوا من هنا الناس....

تكفين يمه بكرى اصحي

تكفين يمه بكرى ارجعي .....

,,,,,,,,,,,,,,,,,,

 

[البارونه*_^رونه]

وييي حرام كسرت خااااااااااااااااااااطري

الله يرحم امهاا يارب

ويصبرهاا ان شاءالله

يعطيج العافيه

 

[جروح تنزف]

الله يعافيج
يسلموو على المرور

 

[ღ❤سـنــيـــڪـرز❤ღ]

يااربي والله قلبي تقطع

مشكورة يالغلا

 

[ميمي؟]

:eh_s(2)::eh_s(2)::eh_s(2)::eh_s(2)::eh_s(2)::eh_s(2):


قطعت قلبي والله

 

[جروح تنزف]

يسلمـــــــــــو عالمرور

 

[أماني عمري]

رد : خاطرة حزينه كتبت على لسان طفله توفت والدتها

صج عورا قلب، حسيت فيها مع ان امي الله يرحمها توفت وانا كبير مو صغيرة :eh_s(2):

 

[صمتي سر هيبتي]

روؤعــــه ترحـــك خيتو ..
وآإصلــي لآإ تحرمينــآإ ..