خاطرى اكون زوجه مثالية

[ام فاطمة وزهراء]

مساء الخير

اشلونكم خواتى الله لا يحرمنى منكم

الصراحة انا واجد تعلمت اشياء منكم والحمد لله خصوصا فى تربيه الاولاد


بس محتاجه مساعدة بسيطة منكم واصير بيرفكت :rerrerek:


انا متزوجه صار لى 5 سنوات وعندى ولد وبنتين توائم والحمدلله ومااشتغل وماعندى خدامة .

المشكله انى واجد مشغولة ويالاولاد وساعات ماعندى وقت حق نفسى وزوجى وساعات من ضغط الحياة اكون عصبيه حتى مع زوجى

اشلون انظم حياتى واهتم بزوجى واولادى واكون زوجه سنعة واهتم باهله واهلى


بغيت نصائحكم وخبرتكم اشلون اقدر اعتنى باولادى وزوجى واخلى بيتى بيت كله سعادة

الصراحة احس انه صعب على وزوجى مو من النوع اللى يساعد كلش ولااحسه يقدر تعبى ويلومنى على اقل غلطه وهدا مسبب لى ضيق ومشاكل معاه اهو من وجهت نظره انى لازم استحمل الضغط والتعب وهو بس يروح الشغل ويبى يجى يرتاح

انا كلش تعبانه وكله متنرفزه لان اولادى صغار وموقادرة اركز لان عندى توائم عمرهم 9 شهور


وش اسوى

ساعدونى

 

[توتا حمرا]

الله يعينج
بنتي عمرها ست شهور ومن ولدت تغيرت حياتي
صرت مااقدر اوازن الامور بحياتي
التربية صعبة احس نفسي مستحيل اكون مثالية
يعني الحال من بعضووو

 

[ماني من الناس]

انا برأيي ان الحياه شراكه وتربيه الاطفال مسؤوليه الزوج والزوجه

يعني الزوج له دور مو شايل يده وحاط كل شي على زوجته اهي اللي تبدل اهي االلي توكل اهي اللي تنيم

يعني بالله عليكم شلون شخص واحد له يدين يقدر يسوي كل هالاشيا مع اكثر من طفل

الزوج مفروض يكون له دور داخل البيت مثل ماله دور بره البيت

مفروص يساعد الزوجه بالواجبات المنزليه وتربيه الاطفال خصوصا مع عدم وجود خدامه وانا حبيت سالفه انج ماتحبين تعتمدين عالخدم
رأيي الخاص

 

[مياسه الحساسه]

حبيبتي جيبي لك خدامه تساعدك
ليه هو زوجك مثالي ( كامل وما كامل الا وجه الله )
مدري ليه احنا الحريم نضعط على نفسنا نفسيا ونبي نسوي كل شي
لا حبيبتي اكبر غلط ذااا
جيبي وحده تساعدك واهتمي باولادك ونفسك بعد
جسدك ونفسك لها حق عليك
الله يوفقك يارب

 

[*peace*]

انتي لو يصير عندج خدامه بترتاحين

على الاقل شغل البيت والكوي والتنظيف عليها وانتي تسبحين وتوكلين عيالج وجذي

بتلقين وقت لنفسج ولزوجج همن

 

[الماسه سودانيه]

ماشاء الله ربنا يبارك

كل شئ ممكن بس لازم طوله بال والخدامه اذا ضمنتيها وكانت مضمونه عشان ترتاحي شوي

وربنا يوفق

 

[كربون امها]

والله حسيت فيج لاني نفس معاناتج
طباخ اوتي عيال تنظيف زوج يقولون
مافي حريم مجاهدات لاوالله في وايد
عالموم صعب تكونين ملمة لكل شي
صعععععععععععععب راي جيبي خدامة
نص دوام لتنظيف البيت اهني راح تقديرين
عالباقي:eh_s(17):

توقيع كربون امها

 

[زوجة عزيز]

الله يعينج حبيبتي من رايي اتيبين لج خدامه تساعدج والله يوفقج

 

[UNICORNA]

جيبى لك خدامه تهتم بالغسيل والنظافه وانتى ركزى عالاولاد والطبخ والزوج ونفسك

وكل يوم تقومى والبيت نظيف ورايق فراح يخفف ويوفر وقت كبير عليكى

 

[Tulips]

انا مع يوني

ترا المثاليه اللي تبين توصلين لها بدون خدامه راح اتعبج حييييل

خلي شغل البيت على الخدامه و خلي وقتج لليهال ولريلج

انتي بعد من حقج ترتاحين

 

[درب الصبر]

ا

شوفي حبيبتي آنآ بقولك نصيحتي مع آني مآ بعد جآني آولآد بس بقول لك رآيي ​

مآآشوف عندك مشكله من الـآسآس أنتي تحتآجين شي وآحد بس ترتبين نفسك وووقتك بسس ​

لـأن برآيي التربيه 80% ع الـآم و30 % للأب ​

تدرين ليش لـأنه الزوج فيه بعآتقه آشيآء كككثيره شلون يوفر لكم حيآت ممتآزه
ويفكر بـ مستقبل هالـآطفآل اللي عنده هالبنتين اللي عنده وش يحتآجون بعدين ووش يقدر يوفر لهم ​

وانت آدرى بـ مصآريف ومطآلب البنآت لـ كبرووو ولـآ ضيفي الولد معهم كم يحتآجون هذيل
ووشلون بيتعبونه آكككثر لـ كبروو وآضيفي نفسك معهم كل هالـآشخآص ع رآسه يفكر بسعآدتكم
ووشلون يوفر لكم سبل رآحتكم هالحين وبالمستقبل ممكن تجي وحده وتقولي الفلوس مو كل شي
صح معآك بهالشي لكن عيآلنآ بهالوقت مطالبهم ككثرت دلعهم زآد وكل هذآ ع عآتق الزوج
غير الـآشيآء اللي يشوفهآ بـ دوآمه علشآن يوفرر لكم هالفلوس ( في شغله مقصدي ) وآشيآء كككثيره ع عآتق الزوج بس حنآ الحريم بطبيعتنآ نميل للـأنآنيه شوي حآولي انك ماتحسسينه بهالشي آبد علشآن مآ ينفر منك انتي حآلتك مثل حآلت زوجة اخوي بالضبط والله مآ آكذب عليك آخوي أبتدى ينفر منهآ يقول لـآ دخلت البيت آشوفها معصبه وحآلتهآ حآله مع الصغآر يقول أنآ طول اليوم هالك حآلي علشآنهم وآجي اللآقي هالوضع بهالبيت يعني مآهي مستعده تشيل ولـآ حمل الآطفآل عني !! شوفي أذآ تبغين عيآلك يطلعون صح ربيهم آنتي وعلى طريقتك والله مآرآح تندمين
تدرين بعد مآ يوفر الزوج لكم حيآت مرفهه من كل جهه رآح يتفرغ للعيآل بتقولين وش بعده بعد مآضآعو بقول لك ترى الزوج مو هو الملآم آنتي لأن التربيه آسآسآ من الـآم فيه أنه يشكرك بعد كل هالعمر على تربتك لهم ويحطك بعيونه لـأنك ريحته آكثثر وفيه أنه يعيد تربيتهم من الصصفر لأنك مآ سويتي ولـآ شي من حقهم ​

يعني آنتي تقولين شغل بيت واطفال كل هذآ ع رآسي يآربي تعبت ونفسيتي زفت ​

حبيبتي انتي اللي خليتي الوضع عندك مكركب تقدرين ترتبين نفسك وحآلك من غير خدآمه ولـآ شي ​

بس انتي رتبي وضعك في بيتك ومع زوجك وعيآلك ؟؟ تقدرين تخلين لزوجك الليل كله اذآ كآن يدآوم يعني ترتبين وتنظمين نومة بنآتك وولدك وترتبين بيتك وقت دوآمه وأذآ كآن ولدك يدرس تخليني له وقت مخصص للمذآكره وآوقآت اللآكل معروفه كلهآ ثلـآث وجبآت باليوم
والله لو ترتبين نفسك بتشوفين انو مآفيه مشكله من الـآسآس وربي لـ تريحين زوجك ونفسك ونفسيتك بعد شوفيي لـ رتبتي وضعك والله بتلـآقين لك وقت فررآغ ​

ونصيحه آخيره :- آنتبهي تحسسين زوجك بهالشي يمكن يعوره قلبه مره مرتين بس وربي رآح ينفر بعدين لـأنه بعتبره هذي مآهي مشكله
وآعذرين ع الـآطآله بس لـأني توني حآله مشكلة اخوي وزوجته حبيت أفيدك
لـأن زوجة أخوي أخذت بنصيحتي وتقول ان نفسيتي اللي مأثره علي مآ كآن فيه مشكله
بس بعد زوجي عني بدوآمه خلـآني أعتبر كل هذول ححمل كبير علي وزوجي مقصر معي ​

عذرآ ع ـألأطآله​

 

[Om_Ksha]

اصلا انتي بكلامج وصلتي للمثاليه !!! بالنسبه لغيرج واااااااااااايد انتي مثاليه ماشاءلله

الله يعطيج الصحه والعافيه .. المثاليه بهالزمن ماتنفع .. يبي خدامه واشتري راحه بالج وصيري مثاليه .. بس لا تضغطين على نفسج عالفاضي ,, يريت يقدر بس ,,

 

[ملح @ شمر @]

حبيبتي صععععععبة
انتي عندك ولد وتوم اختي عندها توم وعندها خادمة ومع هذا تقول مو قادرة الحق انا والخدامة وبتقدم بوحده ثانية !!!

ليش تضغطين على نفسك
بالعكس انتي لو تجيبين خدامه وتخلينها للبيت وتركزين على زوجك وتربية اطفالك ونفسك بتكونين مثالية اكثر
وتتفرغين لتربيتهم ولنفسك وزوجك
حتى زوجك ماراح يقدر تعبك ومثاليتك صدقيني بس اذا جبتي خدامه هو بيرتاح وانتي

والله يعينك ياقلبي
​

 

[قلبي القرآن]

لازم يكون عندج خدامه للتنظيف وباجي الأشياء
وانتي تكونين فاضيه لزوجج ولعيالج
لا تضغطين على عمرج أكثر

 

[بنت الدوام]

الله يعينج شلون توأم ومتحمله بروحج؟!

انا لما اختي يابت توم كنا كلنا نساعدها ماتقدر عليهم بروحهم غير الخدامه والسستر اللي تيي طول الليل تجابلهم وتمشي الصبح!

الله يعينج ان شالله