خاطري ألبس عدسات ملونه بس عيوني في جفاف ساعدني الله يحقق لكم إلي في بالكم

[albarooona]

بنات أنا أعاني من جفاف في العيون ولما ألبس عدسات أحس عيوني تحرقني وناشفة وجنه فيها رمل

العدسات إلي جربتهم كانت عدسات تراي كلور

وللأمانه أعشق الجمال والتغيير وأحب ألبس عدسات على الاقل مرة وحدة في الأسبوع

أبي عدسات مناسبة للعيون الحساسة أو العيون إلي فيها جفاف

مع العلم أني اراجع في مستشفى السلام وقاعدة أستخدم قطرات السستيم إلي أهي الدموع الطبيعية

فإلي عندها خبرة من ناحية العدسات المناسبة للعيون إلي فيها جفاف تكون مريحه وخفيفة وماتهيج العين وألوانه حلوه ياريت تساعدني

 

[albarooona]

Up Up Up Up Up Up Up Up Up UP

 

[miss swan]

وي نفس حالتي بس انا كنت مريضه بعد جربي قطرة بلنك اليديده لونها بنفسجي
زينه
اما العدسات الملونه انا نفسج مااقدر البسها
بس في (فرش لوك اليوميه ) مو الشهريه ولا غيرها اليوميه كانت زينه مريحه وخفيفه على العين


​

 

[oyoon al maha]

روحي عند دكتور عيون - البحر

راح يكشف على عينج ويشوف بنفسه اذا كانت عيونج جافة ولا ؟

اذا كانت جافة راح يكتب قطره اتحطينها لمدة معينة

 

[doudou2009]

كلام الخوات عدل حتى اذا طابت عينج انشالله استمري عالقطرات وفي قطرات زغار ينباعون ابوتس اتحطينهم بالجنطا استعمال واحد اذا نشفت العدسه بعينج تقطرين عليها وماعندهم غيرها نوع واحد ترطب وتوخر الحكه واحسن عدسات فريش لوك وتراي كولور ووخري عن العدسات المحدده واللي تكبر العين تراها تحرق ودايما سمي وانتي تلبسينهم .

 

[معلمة شيسمونه]

انا بعد اقول استخدمي قطرة ترطيب على طول لانه حتى الكمبيوتر يسوي جفاف هذا كلام سلطان المطيري

 

[Tom ♥ Jerry]

،


روحي دكتور يا قلبي .،
في دكتور عيادته بـ حولي مآدري السآلميه وآيد زين !
اسمه مبارك العجمي .،
ماشالله سوى حق يدتي عمليه خمس دقايق و اهيه قاعده
بس مع تخدير موضعي طبعا


بعدهآ شوفي الدكتور شنو يقوولج !
يمكن مو زين العدسات عليج .، قوليله عن العدسات الطبيه
يمكن آحسنلج من العاديه
امشي على ارشادات الدكتور

 

[albarooona]

يا حياتي أنتوا ياروحي أنا حاليا أراجع عند دكتور في مستشفى السلام اسمه الدكتور شريف محمد وصارلي سنة أراجع عنده بس أنا خاطري أغير في شكلي وألبس عدسات عرفتوا علي

وبالنسبة للقطرة إلي من بووتز شسمها بليز

انا عندي قطرة بلينك بس هل استعملها قبل العدسات وإلا عقب العدسات وإلا مع العدسات؟؟

 

[FeShinGoOo]

احسن قطره جربتها اسمها سيستان وانا مثلج فيني جفاف وحساسيه واستعملت اكثر من قطره مانفعتني غير هاذي استعمليها قبل ماتلبسين عدستج وبعدين حطي العدسات بس نصيحه لاتطولين بالعدسه يعني لبسيها ساعتين مو اكثر