خالتج ام ريلج

[PuPa^^SWeeT]

السلام عليكم

تبوون الصراحة اتمنى من المشرفة انها ماتشييله من هالقسم


لأنه فعلا مكااانه منااااااااااااااااااااسب جدا


للبنات اللي يختلقون المشاااكل ويا الحمووووولة


تخيلي اتدووور الدنيا و اتصيرين انتي في موقع امج و اتييج جنه اتناشبج

واللي بتدش اتعارض بتقول حمولتي اهيي اللي اتناشبني


اقولها انتي مسلمة والصبر من سماات المسلمين

لاتقوليلي خالتي اتسوييلي وماتسوييلي

تبقى ام الريال و اهوو قطعة منها

والمفروووض انتي اتساعدينه على برها و صلة رحمه لها





http://www.youtube.com/watch?v=WH3iP8Y78dE&feature=related





​

 

[نفهمها صح]

مافيه واحده بتمنع زووجها من امه ابد ومن سابع المستحيلات
اما عن الزووجه موو مغصووبه ترووح لانه ام الزووج واهل الزوج موو من صلة الرحم يعتبروون نسب
واذا وراء الرووحه مشاكل اجلسس بيتي ابرك لانه الي بيرووح فيها الزووج وبيخرب بيت الزووجه
وفيه ناس وربي ميتحملوون
وحتي اذا امي متوفيه الله يرحمها نقوول مثلاا
بتناشب مرت اخووي طوول الووقت زوجة اخووي تجلسس بيتها ابرك
مالنا الا عيال اخووي اهم شي هم نشووفهم وبسس
وصدقيني مافيه احد بيدوور المشاكل
وربي انا شفت نجوووم الليل بظهر
وتحسبيين كلمتها لا والله رفعة نفسي وتركتهم وحتي لوو الحق معي محد بيصير في صفي الكل بيقوول مره كبيره
اسكت احسن ​

 

[بش بش مش مش]

اهل الزوج اهم صله الرحم شلون مايصير

الله يعينا على طاعتهم وبرهم الحمدالله ام وزوجي لو شنو تسوي فيني بتظل ام زوجي ومره كبيره بيوم من الايام بصير بمكانها

 

[الاسطورة]

ياحبي لج
يا خالتي
يا نظر عيني

 

[أبله جهراويه]

والله يا حلوه فيه ناس القعده معاهم لا تطاااق
صح حمولتي أوكي علا عيني وعلا راسي
بس شتسوين اذا انتي تحاولين تطلعين بالزينه قدامهم بس مايبين بعينهم أكيد بتكون العلاقه رسميه معاهم بس والله ماسلمت من شرهم حتا لو علاقتي سطحيه معاهم
واحب اقولج ان للصبر حدود
واللي ايده بالماي مو مثل اللي ايده بالنار
وسلامتج

 

[فلنتينو]

الله يخليها لنا

 

[عبث طفله]

حمولتي تهبل اللي يخليهم لي ان شاء الله

وطبعا واكيد علاقتي احاول تكون رسميه لانه هالشي راح يحببهم فيني زياده وانا راح احبهم اكثر لانه كثر الاختلاط مع بعض يسبب مشاكل ..

والله حتى زوجي لو خالتي تقول لي كلمه حتى لو مو قصدها ماقول له .. لانه اول واخير امه .. !!!! الله يوقف ضد امه مع زوجته مافيه خير اصلا لزوجته وعياله ..

وانا خالتي اعاملها مثل ما بي حريم خواني يعاملون امي ..

 

[الاحساس]

انزين اذا دلعتها واييب لها واقعد عندها واعطيها واشتريلها واقول حق ولدها روح لامك وشوف شنو ناقصها .’’’

وفوق هذا كله !!!

تسبج وتسب اهلج وامج وابوج وتعيب عليج وتقولج كلام ماينقال وكل هذا بويهج مو من وراج وغير عن لما وانتي تحاجينها باسلوب تعطيج ظهرها !!! ...؟؟؟؟

شتسوين ؟؟

 

[krkosha]

حبيبتي اذا انتي مرتاحه مع حمولتج او بالاصح اذا حمولتج تخاف الله فيج ترا مو كل الناس نفسج ولاتنبشين بجروح الناس اصلا في خالات وحموات يورونج نجوم الليل بالضحى وجدام الناس اهمه الزينين والطيبين والجنه تطلع بالشينه

يعني اصابع موسواا

وحسبي الله ونعم الوكيل على كل ظالم

 

[الأماكن]

...~

خالة عن خالة تفرق

بعضهم يخاف الله في بنات الناس و بعضهم نار و شرار والعياذ بالله

بعضهم يقدر و يحشم ... والبعض لو تشبين اصابعج الـ10 شمع ما بين بعينهم

وبعض الجناين ... متربيات ع السنع ... اللي من تدخل بيت الناس تعامل الناس بأخلاقها

وبعضهم ... من طقة اعطيهم العين الحمرا... وما أدري شنو

الزبدة:الناس اجناس

وعاملي الناس بأخلاقج انتي مو بأخلاقهم

​

 

[.،:"$الـعـوبــــة$":،.]

المفروض انتوا تسوون اللي عليكم وبس ،

ماتجتهدون زيادة عن اللزوم وتقولون مابين بعينهم ،
ولا اتنيحسون لهم زيادة عن اللزوم وتقولون بحط بيني وبينهم حدود ،
خلكم بالمعقول ،
فيه حريم عيال الا غصب حمولتنا يحبونا !!!
الا غصب يقولون لنا كل شي يصير وياهم،
واذا الحمولة بيخطبون لعيالهم او انخطبوا بناتهم لازم اول من يدري هم ،
لأ مو لازم !!!!

فيه حريم ثقال دم ماينحبون ؟ يعني شلون غصب ! ميخالف حليوة وطيبة بس ثقيلة طينه ! او قرقه ! او رقله !
يعني الواحد لازم يقدر يتقبل اللي قدامه عشان يحبه ويرتاح له !

ثاني شي مو لازم يعلمونكم بكل شي ؟ مو ضروري ! يعني بيروحون يخطبون لولدهم وتزعل مرة الولد ليش ماقالولي ! ان قالولك من طيبهم وان ماقالولك مو مجبورين انتي مالك شغل الا بزوجك !
انتوا لاتربطون نفسكم ومصيركم فيهم ! عيشوا حياتكم وافتكوا من المشاكل ،

اعرف وحدة اول ماعرفتها قعدت وياها دقايق وكانت تشكى عالخفيف من حمولتها واقول حرام شكلها حليوة وشكلها مسكينة !
المهم عزمتني البنت على اساس قهوة وقعدة ورحت لها وانا والله متشجعه !
وربي ثلاث ساعات وهي اتحلطم !!! ثلااااااااااااااااث سااااااااعاااااااااات !!! ومن ولا شي !
ماقالولي ! يروحون ماعلموني ! يسوون ماسوولي ! يجيبون ماجابولي !
كرهت عمري وانا قاعدة معاها !؟ يمكن ان هذا اسلوبها مع الناس عشان كذا الناس كشت منها ! شي ممل فعلا شي ممل ! وفوق هذا انسانة سلبيه ! اعطيها حلول وعلى طول قبل تفكر تقول لا مااقدر ماراح اعرف ماابي !
اي خلاص اجل اسكتي ! شتبين يعني ؟
فيه ناس تحب النكد والله العظيم شي يغث استغفرالله ! والله اني طلعت من بيتها شوي واركض !:eh_s(16):

وفيه وحدة اعرفها رقله ! تضحك على كل شي وعلى ولا شي ! اتشكك بنفسك ؟
والله كل شوي فازة تكركر ؟ وانا اتروع و اتلفت اقول شنو شافت او شنو صار ! تلقين شغله تافهه والله ماتضحك !:rgewrg:

انا عن نفسي اسوي اللي علي وبسسسسسسس ،
اهم شي مرضيه ربي وبعده نفسي وزوجي ، وبس كييييييفهم والله لااتشره ولا اتزعل ولا لي شغل ،
على شرط محد يتدخل فيني ولا يحكمني ،:eh_s(15):
وبس كذا الحمدلله مرتاحه نفسيا وعايشه حياتي بلاهم بلا وجع قلب على قولتهم ،:eh_s(22):​

طبعا هالكلام مايشمل الحمولة النشبه ، اللي اتدخل بكل كبيرة وصغيرة ،:eh_s(17):​

 

[صعب أسامح]

حياتي في شئ اسمه فروق فردية في خالات عسل وفيه تنبلع في علقم وسم وماتنبلع
واللي ايده في الماي مو مثل اللي ايده بالتار

 

[انا لحبيبي .]

خالتي حبيبتي الله لا يغير علينا الا للاحسن يارب ،،

بس حبيبتي بالنسبه لموضوعك ، خاله عن خاله بتفرق حبيبتي ، والاخت الاماكن بصراحه ردت الرد يلي كنت رح اكتبه

 

[نور وشموع]

الله يصلح النفوس ويبعدنا عن القال والقيل

 

[منار البربرية]

احبج في الله اختي شكرا على الطرح اللي تحب زوجها تحب اهله وللي مافيه خير بالقريب مافيه خير بالغريب يعني هي تظل جدة العيال وهم احفادها الاحترام واجب بين كل ناس
تسلم ايديج ​

 

[shoshowh]

مثل ماقالو البنات الخالات انوااااع

انا عندي خاله مااقولكم مو زينه لا زينه

بس فيها اطبااااع تنرفز يمكن هذه عندها عادي

من مثل الاطباع هذه

١- تعلق على كل شي تلبسينه

٢- تدخل غرفتي في اي وقت تبي و ماتطق الباب
وتتنرفز اذا شافتني قافله الباب!!

٣- تدخل في كل صغيره وكبيره

وانا مااقول الا الله يهديها

طبعا انا مااتذمر منها عند زوجي لانه امه هي جنته وناره

 

[فلافل وبطاط]

فديت خالتي والله
اصلا ما اناديها الا يماا
واي شي تقوله او تسويه يضايقني او يسعدني
بقصد او بدون قصد هي أمي وما انظر لها على انها
ام زوجي
مثل ما اتقبل كل شي من امي هي بعد نفس الشي

 

[ام الحوراء زينب]

الله يرحمها خالتي

 

[Nicki Minaj]

سلام من بعيد لي بعيد ... اذا كانت الخاله مشكلجيه !!
واذا كانت انسانه وأم محترمه وتحترمج وتحبج جنج بنتها .. على العين وعلى الراس
كل انسان عنده قدرة تحمل ويتحمل ويصبر لكن اذا ش زاد عن حده كل باب اييك منه ريحه سده وستريح ماله داعي أفلام زآيده في نآس فعلا ما تحمل ... وبس

 

[على الطيب تربيت]

فديت ياخالتي يانااااس والله اني احبها وافكر فيها دوووم وودي اقعد معاها وكل يوم انزل لها

بس ان كانوا بناتها عندها ياخذونها ويطلعون بس عادي اهم شي تكون مستاانسه

يابنات روحوا ارجعوا لعلاقات امهاتنا قبل مع الحموله وشوفوا اشصار معاهم

كانوا امهاتنا تطبخ للبيت كله وتراعي ام الزوج وابوه واخوانه بعد واخرتها تنضر منهم شي عاااااادي


يابنات احنا اغلبتنا الطيبه الواجد ونبي الخاله بالضبط تصير نفس الام ونبي الحموات غصب نفس خواتنا وهذا شي مستحيل لو شنو مايصير صح بكون قريبه منهم ويمكن يعلموني في بعض الاشيا بس مهما كان بيعاملوني مرت اخو لا اكثر


الدووور على الزوجه ان شافت بجلستها مع الحموات مغثه لاتجلس ابد وتخلي بيوم جمعتها تطلع هي او تحبس نفسها وتشغل بعمرها بأي شي
عليها بنفسها و زوجها الناس تحب الساكته الهاديه الغامضه الي ماتطيح الميانه زود الي ماتعلم بكل شي الي تظل ماينعرف لها (ترى اعلمكم وانا تو تعلمت )

الوكاد موضووووعنا مع خالاتنا نشيلهم فوق راسنا ان كانت الخاله حبيبه نور على نور

وان كانت قشره البعد عنها راحه لا اقابلها بس ما اضرها

وبعض الخالات الا اغلبهم تجيج طيبه حيل وعسل بس يخربون عليها بناتها نحاااسه وحقد وكل ماتزيد احسان مرت الولد لخالتها يزيدون غيظ بناتها ويحرشونها زوووود


بس الصبر ولج كل الاجر