خالتي شلون بقولها؟؟ وانا استحي

[noochii]

بدش بالموضوع على طوول

يابنات انا عايشه مع حمولتي اوك والكل معاي اوك

حتييييي خالتي بس عيبها لقافه!

يعني ولدي من كان عمره شهرين تحطله بسكوت مع حليبته!!
وانا الدكتور قالي موزين على الكلى توكلينه قبل ال6 اشهر
لازم من يكمل 6

وانا سكت لاني استحي حييييييييييييييييل

ويوم صار 3شهور شفت خدامتي قاعده توكله صحن فيه سيرلاك قتلها منو قالج تعطينه قالت ماما كبير!
وبعدين يعني؟
3شهور ياكل سحن سيرلاك ومرتين باليوم!

قلت حق ريلي موزين الاكل بهل عمر وراح اهوا المستوصف وستفسر من الدكتور وقاله الا بعد 6اشهر لان موزين عليه

كلمها ريلي ان موزين وجذي بس مايبلها خبر اني انا قايلتله
واهيا مادرت طبعا
وقطعت توكله

ولما كان عمره 3اشهر قام مايشرب الحليبه كلش
لان طبعا يبي السيرلاك
المفروض ماتوكله بهل عمر

و ودينا الطبيب وعطاني فيتامين قالي بس عطيه يومين
وعقب اذا ما اكل يبيه مره ثانيه

المهم
الحين ولدي عمره 5تشهر ونص
وبهل عمر يبلش يسنن
وتقل شهيته حق الاكل
ترا انا ماعندي خبره بس ماخذه هل معلومات من المنتديات

وصارلي حوالي 4ايام جذي واهوا كل يوم بجي ويحن طبعا ماكان جذي
وضعفان شوي ومتغير

توني يوم كنت عندها انصدمت انها تعطيه من الفيتامين كل يوم!!
يعني تتحسف تقطه! لازم تشربه اياه موزيييييييييييييين
قاعده تلعب بحسبته!
الصراحه حدي متنرفزه وماقدر اكلمهاااااااااااااااااا

ولا ابي اقول حق ريلي كل شوي بقوله شغله مع ان لو اقوله ماراح يسكت وبيكلمها بس طبعا مو مناجر وتشيش لا بس لاني استحي انا اتحجه

عاد توني يوم افتريت بالنت بشوف هل فيتامين اذا مايضر ينجعم بعد شسوي
ولا الاقي هل موضوع
http://www.q8yat.com/t301628.html
الاغلبيه ذامين فيه يمكن بس 2مادحينه
وانه يخلي البيبي يزوع
ويبجي ومن هل سوالف
وانا اقول يمكن منه متخربط واهوا بروحه بيسنن
وتعطيه ادوره وسوالف على كيفها حتي من غير ما تروح الصيدليه وتسأل!

وانا مابيها تعطيه
بس شلون اقولها؟؟
تعبت وانا افكر وحرق بداخلي ان مابيها تعطيه بس ماقدر اكلمها استحي
احس جني قاعده اتأمر عليها​

 

[NaYoob]

الله يعينج قلبي

 

[last-moon]

الله يعينج حبيبتي​

 

[!الجادل الصعب!]

حرآم نيتهآ زينه .. وترآ آغلب الحريم الكبآر نفسهآ..,
في بآلهم انهم يعرفون كل شي و الام مآتعرف شي ..!
الحل .. قطي الفيتآمين بالزبآله وخلآص ..,
طبعآ من غير لآتدري .. لآن اذا تكلمتي يمكن تفهم غلط وتقلب السآلفه
وتدشون بمتآهات .. عآد تعآلي فهمي العجوز ..,

 

[آهات الليل]

لو انا منج ماستحي والله ولدي وكيفي ومحد بيعرف مصلحته غيري واللي يزعل بكيفه الحين شتسوى عليج؟
روحي كلميها بهدوء مافيها زعل
والله يخليلج ولدج

 

[الشيخة@]

الله المستعان

 

[caesara]

@@ولدك وانتي ادرى بمصلحته..خلي المستحى وكلميها

 

[tmtmt]

اهيا مبين قصدها المساعده
بس طريقتها غلط الله يهديها
وانتي غلط بسكوتج

لا تسكتين ولا تغلطين عليها وتعصبين

بينيلها مضار الي قاعده تسويه
قوليلها خالتي توني داقه على الصيدليه اسال عن الفيتامينات
قالولي مو زينه وايد على الياهل بس لازم استخدمهم شهر خل ندير بالنا

بينيلها مضار الاشياء بالمشاركه معاها
مو انج تنعزينها

مو قادره اوصل المعلومه بالضبط

 

[فلنتينو]

اهي يمكن فازه فيه ومستانسه عليه من باب حبها له
وانتي قوليله انه مايصير وجذي بس بأسلوب حلوو عشان ماتزعل

 

[زوجة عزيز]

لو انا منج ماستحي والله ولدي وكيفي ومحد بيعرف مصلحته غيري واللي يزعل بكيفه الحين شتسوى عليج؟
روحي كلميها بهدوء مافيها زعل
والله يخليلج ولدج

اي والله الزم ماعليج صحة ولدج كلميها يبه ولا تستحين

 

[* ملكني الخوف *]

نفس حالتي بس شسوي اسكت ماقدر اتحجى

 

[mama-dodo]

كلمي ريلج احسن لانها راح تتقبل من ولدها اما منج يمكن تسويها سالفه
لاتسكتين موذنب الياهل تلعب بحسبته

 

[Tom ♥ Jerry]

.،

وااااي الله يعينج ! بس انتي بسكوتج هاذا قآعده تضيعين ولدج !
ديري بآلج يا قلبي .، لازم تقولين لها !
أو قولي حق ريلج و وريه المواضيع الي قريتيها عن خطورة الفيتامين و جي !
و قوليله الدكتور بعد قال مو زين لأزم يكلم آمه !
قوليله كلمهآ و فهمهآ لآنه انا استحي اقولها

 

[قــل مـا تـشـاء]

هم بعض الحريم الكبار مايدرون ان اللي يسوونه غلط
لأنهم هم تربيتهم اول جذي ويقولون كاهم عيالنا شحلوهم ماصار فيهم شي ..
انتي ماعليه كلميها وقولي لها خالتي مو زين تعطينه كلميها بهدوء وان الدكتورة قالت لج هالشي
او قولي لولدها مافيها شي انتي لي جيتي تكلميه مابتقولين له بصراخ قولي له باسلوب حلو بدون عصبيه ولا نرفزه

 

[ريتااجي]

كلمي خالتج هذا ولدج لمتى راح تسكتين ؟

وبعدين الفيتامين د أنا عطيته ولدي لما كان صغير ودكتوره قال إذا مانفعه ماراح

يضره بس لإن أنا ولدي كان حييييييييييييل ضعييييييف فوصفه له

واللي تقول إنه يرجع لإن طعمه مر أكيد راح يرجع منه والبعض ماراح يتقبله​

 

[نفهمها صح]

اخفيه
عنها بمكان ولا جيبيلج سالفه يوو خالتي امسس وحده بدووام معج اوو اي وحده قولي ولدهم تعب من سبت الفتامين ومعدته سويلج فلم ...
الله يعينج تعرفين تفكيرهم الكبار ..

 

[سمسمة كويتية]

حبيبتي الزم ما عليج ولدج شراح تنفعج فيه اذا لاقدر الله صار له شي

كلميها بهدوء و اسلوب حلو و لا تستحين و خل زوجج يساعدج

 

[G!RLooNa]

واي جد تنرفزني هالحركات

ياهل جم شهر شلون تاكلونه لا جهازه الهضمي ولا المناعي مكتمل شلون بهضم الاكل

و السيريلاك قبل ال6 شهور تزيد نسبه حساسيه القمح اللي تصير اعراضه تشبه القولون

حرام كليه الياهل و جبده انهرت بعد عمري

قوليلها خالتي حبيبتي تبين ولدي يصير في جذي و جذي حرام هذا ياهل جسمه مو مثل جسمي و جسمج ما يتحمل

و بعد العسل ديري بالج تعطونه عسل قبل ما يكمل سنه

 

[..Ro$e..]

حبيبتي كل الحريم الكبار في السن هشكل

وعندهم ان مايضر او موب غلط

واذا قلتي لهم شي .... قالولج ان هم كانوا يسونه لعيالهم وشزينهم وشحلاتهم

ان اشوف افضل قولي لزوجج اهو يقولهااا
لان ولدها لما يكلمها ماراح تتحس

وبعدين الدوا ليش لحد الحين موجود عندج

شوفي اقرب زباله (( الله يعزج )) وقطيه فيها وانتهت المشكله

بس لازم زوجج يعلمهااا وقولولها الدكتور يقول موزين

 

[*ريما*]

كلمي زوجك يكلمها
هي نيتها زينة بس حرام توة طفل