خايفة: نبض الجنين قوي وواضح

[Luna]

السلام عليكم بنات

بنات انا حدي خايفة

هذا أول حمل ليي ويا رب يتممه لي على خير

انا توني مكملة الثاني وبكرة بدش على الشهر الثالث حسب السونار

في الأسبوع 7 سويت سونار وماشاء الله لا اله الله

النبض كان قوي ووواضح حتى القلب كان يبين كيس قاعد ينبض

اليوم وانا نايمة على ظهري شفت نبض قوي وووااااااضح في بطني

لدرجة انه بطني كانه اهو اللي ينبض

هل هذا نبضي ولا نبض البيبي؟؟

هل النبض القوي شيء زين ولا لاء ؟؟؟

هل معقولة نقدر نلاحظ نبض البيبي من النظر للبطن؟؟؟

انا ساعات احط إيدي تحت بطني واحس بدقات بس مو على طول

بس اللي اليوم مخوفني اني صرت اشوف بطني ينبض بشكل واااااضج ومخيييف صراحة

النبض مايبين معاي الا لما اكون نايمة على ظهري


بناات طمنوني هل الشيء طبيعي او في خطر على البيبي؟؟؟؟؟؟
​

 

[منونتي]

حبيبتي هذا نبض البيبي


الله يتمم لج و يرزقنا

 

[وحشتني عيونك]

اي حبيبتي طبيعي لاتحاتين
عسى الله يتمم عليج يارب
ويثبته لج امين
​

 

[إباء الروح]

روحي للدكتورة عشان تتطمنين ...
وعشان ترتاحين وماتحاتين.

 

[Meeesh]

مادري بس اتوقع طبيعي ان شاء الله

اب اب

 

[مشتطـه]

مادري والله يمكن نبضج !!!

 

[..ليالي..]

هلا حبيبتي

اتوقع هذا نبضج انتي

لان نبض الجنين ما يبين معاج

والجنين بالفتره يكون صغير وممكن تحسين بحركته بس حركه خفيفه مو واضحه حيل


والله يتمم لج على خير

ماله داعي الخوف

 

[حنان1983]

حبيبتى ماله داعى الخوف اول شى هالنبض نبضج انتى لانك مسترخيه على ظهرج ودقات قلبك زايدة من اى مجهود ومن الحمل طبعا ونبض البيبي تبلشين تحسين فيه وبحركته من اول الرابع او اخره على حسب كل حمال يختلف عن الثاني
انا بهالحمل ما حسيت بالحركة الا بنص الخامس
ربنا يتمملك على خير ولا تحاتين

 

[ملاك ^ الحب]

مادري بس اتوقع نبضج انتي لان ماتحسين بنبض البيبي

 

[auoma]

حبيبتي هذا مو نبض البيبي لان نبض البيبي للولاده ماراح تحسين فيه ومن ١٦ لي٢٠ اسبوع راح
تحسين بالحركه مو النبض
يتهيألج ان نبض البيبي هذا نبضج انتي ولانج قبل الحمل مالاحظتي هالشي
انا مجربه قبل الحمل تلاحظين بطنج يرجف كأنه نبض

 

[((غلاي))]

حياتي هذا مو نبض البيبي يتهيا لج البيبي مستحيللللللللل تحسين بنبضه بس الحركه و الحركه من الرابع تو الناس عليج

يمكن غازات او شي

الله يتمم عليج

 

[tbola]

اي طبيعي لا تحاتين مريت نفس الي مريتي في

 

[LiL MaMa]

الله يتمم عيج و يرزقج الذريه الصالحه

هالشي طبيعيييييييييييييييي لاتحاتيييين بس هذا نبضج انتي مو البيبي

 

[Dark SouL]

حبيبتي هذا طبيعي
نبضج انتي مو البيبي وعشان تطمنين اكثر راجعي دكتورتج وقوليلها
وصدقيني هذا شي طبيعيوالله يتمم عليج ويطمن قلبج حبي

 

[english muffin]

حياتي هذا مو نبض البيبي يتهيا لج البيبي مستحيللللللللل تحسين بنبضه بس الحركه و الحركه من الرابع تو الناس عليج

يمكن غازات او شي

الله يتمم عليج

:eh_s(15):

 

[Luna]

الحمدلله

مشكووووريين بنات طمنتووووني

​

 

[sharoo_e5]

حبيبتى شى طبيعي وعادي والله يتمم عليج بخير

 

[عطر الدوحه]

هذا مونبض البيبي هذا عباره عن تدفق الدم الى المشيمه والبيبي

عادي لاتحاتين انا سألت دكتورتي لما كنت بالاشهر الاولى وقالت انه تدفق الدم