خايفه طمنوني

[رحمآك يارب]

السلام عليكم ورحمة الله وبركاته

بدش في الموضوع على طول

انا عمري 18 سنه
هالأسبوع جاتني الدوره الشهريه
في اليوم الثاني من الدوره فجأه حسيت بـ حراره داخليه من الأباط الأيسر للحلمة الصدر
ولمست صدري حسيت فيه مثل الكوره صغيره وتتحرك بس ماتعورني بس صاير صدري خشن:eh_s(16):
ولمست صدري الثاني مافيه شي عادي
واليوم الثاني رحت المستشفى سوولي فحص يدوي واليوم بروح اكشف بس خايفه من النتيجه
و قالي فيج ورم وحولوني على مستشفى عشان اسوي تصوير وبعدين جراحه
وقالي هالورم من الدوره كل مره يكبر

اسفه على الوصف بس حبيت اوضح
اللحين من مثلي مرت بهالتجربه او احد تعرفوهم صارلهم مثلي
وهالورم خبيث ولا عادي ؟ :eh_s(16): بموت خوف طمنوني
هالشي طبيعي ولا لا

 

[رحمآك يارب]

اااااب

 

[أنفاسي دخون]

لا تخافين حبيبتي وتعوذي من ابليس

رفيقتي كانت كذا وطلع كيس دهن وشالته بعمليه وهذي هي متزوجه وعندها اربعه الله يخليهم لها

 

[ياحُبِي لِلكويت]

حبيبتي ان شاءالله سهالات لاتخافين واحمدي الله على كل حال هذا اتوقع كيس دهن ,, وطمنينا يالغلاا

 

[الدلال]

ماكو الا العافيه ان شالله

يمكن تليف حميد وينشال

الورم الخبيث الله يكافينا الشر تلقينه يابس ومايتحرك ولا له شكل محدد

 

[رحمآك يارب]

طلعت امس النتيجه
قالت الدكتوره هرمون الحليب مرتفع عندي 38
ومع العلاج يخف
بس خايفه انا مخطوبه ما يأثر بعدين في الحمل او شي؟
من صار عندها وتشافت منه؟

 

[ياحُبِي لِلكويت]

الحمدالله على سلامتج .. هرمون الحليب اذا تعالج ان شاءالله تحملين .. بس لاتهملين العلاج لأن هرمون الحليب اذا ماتعالج يأخر الحمل بس تأكدي من الدكتور هاذي المعلومه انا سامعه فيها ( بنت خالتي فيها هرمون حليب وأحملت وعندها عيال بس قبل لاتفكر تحمل تراجع الدكتور علشان يعطيها علاج وبسيط لاتفكرين سهالات ياربي وان شاءالله ربي يشفيج ويوفقج ويرزقج الذريه الصالحه اللهم امين

 

[taybaa]

ماتشوفين شر لاتهملين العلاج وانشاءالله ما فيج إلا العافية

 

[بنت ^ جآبر]

الحمدلله على على سلامتج ، كل شي بالثقة بالله والعلاج يتشافى ويطيب اهم شي الثقة بالله.

 

[رحيل المرافيء]

لا ماكو شي اصلا عادي بوقت الدورة يورم الصدر ويحتقن
الفحص يكون بعد الدورة اصلاااا

 

[الكوويت حره]

الله يشفيج

جربي الحجامه زينه وتنظم الهرمونات

 

[ديانا سبنسر]

اااااااااااااااااااااب

 

[@ DLOO3TAH@]

أأب