خايفه على بنتي من التخدير العام!!!

[لميس]

محتارة وخايفه والقلق ينهش اعصابي!!

بنتي بيسووون لها تخدير عام عشان يعالجون اسنانها..لانها مو متعاونه مع طبيب الاسنان لصغر سنها ولخوفها الشديد من الطبيب!!

قرر لها الطبيب بنج عام عشان يعالجها ............بس انا خاااايفه عليها من البنج!!خايفه تموت بين ايديهم..خايفه من كلللللللللل قلبي!!

شجعوني والا شوروا على!!انا بحاجه وقفتكم معااااي!!:0bee2e8d89:

اسوي العمليه لبنتي والا بلااااااش عمليات ...واعالجها بالمسكنات لين تكبر!!علما انها تبلغ الخامسه من عمرها!!1

 

[sweeta77]

انا توني بالصيف مثلك كنت بموت من الخوف
بس مجبر اخاك لا بطل
سويتها حق ولدي بالهادي عند د.فؤاد صادق
وهو مو تخدير عام....بس يشممونهم غاز يدوخهم
بشرح لك من الاول:
اول ما دخلنا المستشفى صبوله عصير شوي وحطو فيه دوا يدوخ
شوي الولد نام
انا كنت خايفه من لحظه اللي بياخذونه وهو طبعا بيصيح
كان نايم ولا درا عني.......الحمدلله
شوي ويابوه...سوو له 11 ضرس
نايم....وبعدين بدا يصحى...انا ما استعيلت عليه بالطلعه ....نطرت لما شرب وراح الحمام...وشفته صحا عدل
ولما رحنا البيت يقول حق كل الناس هذا احسن دكتور ....عطاني عصير فيه دوا وطابت كل اسناني
دليلك ان ما حس بشي
حبيبتي اي سؤال انا حاضره...دزي لي على الخاص...لاني اخاف ما ارجع على الموضوع

 

[@شمس الضحى@]

توكلي على ربج وعالجي بنتج

 

[۩۩ الجـــــود ۩۩]

ما تشوف شر ان شاء الله
الله يقومها لج بالسلامه

 

[ii DareeN ii]

ان شاء الله ماعلية الا العافية وصلي استخارة ماقط سمعت ان في ياهل انظر من بنج الاسنان ليلحين

 

[أم منصور]

حبيبتي البنج درجات زكل بنج حسب العملية والعلاج فاعتقد انه بنج خفيقف جدا ما يؤثر لا تحاتين عمري

 

[DooNy]

حبيبتي سويها لا تحاتين انا ولدي اسم الله عليه تونا مسوين له العملية من وقت قريب
كان عنده ضرس مكسور من النص والدكتوره خافت يكون حايش العصب وليش العملية اذا كانت على كرسي الطبيب تاخذ حول الساعه وشي فا اقترحت علي انه تكون بغرفة العمليات علشان الولد ما يتعقد ولا يتعبهم
وبعدين التخدير ما يكون من الوريد لا حبيبتي مجرد كمام يشمه وينام وقبلها يكونون معطينه دوا مخدر قبل لا ياخذونه ولما يخلصون بتشوفين مركبين له درب ليش انه يكون صايم من أمس
وترى ماراح تذكر شي أبد لا تحاتين
وماتشوف شر ان شاءالله

 

[شندوخه]

العمليه سهالات لاتحاتين والبنج مو خطر ان شاءالله
اول شي استخيري وماكو الا العافيه وترى انا سويتها بعد واريح وايد وحرام الياهل لاتتعقد باجر من طبيب الاسنان
وتعيشينها فتره كبيره على مسكنات الالم كله ترى يأثر عالكلى
توكلي على الله وسويها بعد الاستخاره

 

[ام بنتها]

سهالات انشالله لا تحاتين و اسم الله على بنتج لا تجدمين الشر عليها و توكلي على الله اذا محتاجتها ضروري
انا بنت خالتي سوتها بالحكومه جنه بالاميري 4 ضروس و حمدلله ماعليها الا العافيه

وانشالله الله يقوم بنتج بالسلامه يارب

 

[لميس]

للاااااسفففففففففففففففف ما قدرت اسوي لها العمليه...........ما قدرت.. ما قوى قلبي!!

في الليل (قبل موعد العمليه بليله)قمت احضن صغيرتي وابكي!!كانه فلم هندي!!

والصبح اتصلت على طبيبتها وكنسلت العمليه!!صغييييره بنيتي وخايفه عليها