خايفه ما احمل :(

[uM-ThNaYaN]

السلام عليكم خواتي ,
انا توني متزوجه صارلي 3 اشهر و من الشهر اللي طاف قررنا انا و زوجي ان نبي عيال ..
المهم ان الشهر اللي طاف ما صار حمل و حدي تحبطت و تعبت نفسيتي قلت يمكن حاسبتها غلط لأن بعدها بأسبوع يتني الدوره
الحين انا باقي اسبوع على دورتي و ماني عارفه شسوي حللت قبل اسبوع و طلع ماكو شي و الحين ماني قادره انطر ابي اعرف والله وايد نفسيتي تعبانه و خايفه ..
بنات اخاف اني ما احمل

ساعدوني فهموني شسوي

 

[uM-ThNaYaN]

بنات بليز احد يرد علي

 

[النووف]

ليش ماتراجعين الطبيب؟

وبعدين اذا خفتي وقمتي تفكرين بالحمل مايصير

انتي انسى وخلي كل شي على ربج

ولاتنسين تراجعين وتشوفين ايام التبويض متي تكون عندج؟
والله يرزقج ويرزق الجميع ياااارب

 

[q6aiwa]

يا ام ثنيان انتي توج متزوجه ليش هالوساوس

تطمني وروحي سوي تحليل شامل لج ولزوجج تاكدي ان كل شي سليم بعدين راقبي تبويضج متى وخلي الجماع يكون بفترة نزول البويضه عاده تنزل البويضه من 14-16 من الدوره .. جامعي قبل وخلال وبعد هالتاريخ يوميا او يوم وترك عشان تزيد نسبة تلقيح البويضه (مثل مانتي عارفه جسمنا حمضي وسائل الرجل قلوي) فالجسم يحارب السائل ال فيه الحيوانات المنويه ويرده حمضي فتموت الحيوانات الذكريه وتبقى عايشه الانثويه الي تعيش اكثر بالحمضي .... فانتي عطي مجال للتلقيح اكثر وجامعي اكثر بهالفتره (اي فترة ثانيه مامنها فايده لان البويضه مو موجوده )

اتبعي هالطريقه جم شهر واذا ماصار حمل او انج مستعيله روحي دكتوره تابعي معاها تبويضج واذا احتجتي راح تصرف لج كلوميد وابرة تفجير وتتاكد من حجم بويضتج اذا وصلت للحجم المطلوب راح تحدد لج ايام الجماع
عادة ينصحون بالجماع قبل لاتنفجر وخلال وبعد (استمري 4-5 ايام واذا تقدرين اسبوع احتياط يمكن في بويضه ثانيه قاعده تكبر وراح تنزل) بالسونار يبين في جم بويضه وجم احجامهم

فترة نزول البويضه تعرفينها من نقزات على المبايض (تحت خصرج من جدام صوب الحوض... فهمتيني انشالله؟)


وبشريني اول ماتحملين

 

[uM-ThNaYaN]

النووف والله قاعده اتناسى بس و اقول ماني مفكره بس ما اقدر رحت قبل فتره حق دكتور و شرحتله قالي تعالي 3 يوم الدوره انت و زوجج نسويلكم تحليل بس كنت مسافره حزتها و ماسويته ..
q6aiwa انا امي طول عمري تقولي لنتي نفس خالتج نفس جسمها نفس شكلها .. انا خالتي عندها بنت وحده اطفال انابيب .. رسخت السالفه براسي و قمت احاتي .. و فترة تبويضي خلصت كانت من تاريخ 31/8 لين 3/9 و دورتي المفروض تنزل تاريخ 15/9 .. كان في جماع كل يوم من بعد الدوره اللي طافت لي قبل يومين وقفنا .. والله احس مو قاعدين تفهمون لأني قمت اخربط بالحجي لوول ..
يعني تنصحوني اروح حق دكتور افحص شامل احسن ؟
و مشكوريين خواتي تعبتكم وياي

 

[الزيـــــ^^ـــــن]

حبيبتي تووو النااااااس نطري عالاقل ست شهوور

توووج عروووسه لاتفكريييييين بالحمال حاولي تتناسينه

واهم شي سوي بأيام التبويض وخطي تحتج مخدتين

وارفعي ريولج اقل شي نص سآعه وخليج نايمه ليي الصبح

وان شاءالله تحملين انا بنت خالتي جذي تاخرت ثلاث شهور

وينت وبالشهر الرابع شدو حيلهم وحملت ماشاءالله

يعني سوو اللي عليكم وان شاءالله ربي يرزقكم

 

[المديـ بنت ـنة]

الله يرزقك يارب ياقلبي

بعدين ليش هالخوف وهالاحباط توك عروس

اجل احنا اللي لنا 3 و4 واللي وصلوا 10 سنوات وش يقولون

ياحياتي خلي ايمانك بربك كبير اول شي ثاني شي .. روحي مستشفى وحللي انتي وزوجك وشوفوا النتائج

مع ان اي دكتور قبل سنه من الزواج يقول لك ارجعي دربك توك عروس وشي طبيعي هالتأخير ..

عسى الله يعطيك ويفرح قلبك انتي وزوجك وكل محرومه يارب

 

[BubbLe87]

عادي حبيبتي انا صارلي ٦ شهور ماكو شي انسي السالفة و خليها على الله و عيشي حياتج

 

[عصفوووورة]

اللة يرزقك يااااعرووووووووووس لاتخافين بتملين بيتكم جهاااااال

 

[&هند&]

حبيبتي والله التفكري هو الي ياخر الحمل انسي وادعي ربج وروحي للدكتوره وتطمني وبس والله يرزقج الذريه الصالحة ،،،،

 

[So MuCh PaIn]

اذا صارلج ٥ او ٦ شهور روحي جيكي على عمرج وريلج خل يفحص

انا اشوف شي طبيعي عادي او توه بس لكم ٣ شهور متزوجين

الله يسهلج حياتي وتكونين حامل يا رب

 

[ابدا يالغالي مانساك]

توج يابنت عروس وذكري ربج
واذا كلش مستعيله سوي فحص الروتيني لج ولزوجج
وربي يرزقج ولاتفكرين وايد نصيحه من اخت تبي لج الخير

 

[marshmelo0o]

حبيبتي توج عروسه تو الناس على الطبيب لا تلعبين بنفسج وشيلي الفكره من راسج

 

[kitty eyes]

حبيبتي

لا تحاتين وتوسوسين

ترى يأثر على النفسية

وخليها متى ما كتب ربج

انسي وانتي راح تحملين

عسى الله يرزقج عن قريب

 

[aldanaha]

تعوذي من ابليس مافي الا العافيه

 

[uM-ThNaYaN]

حياتي ما قصرتو والله كلامكم وايد ريحني .. انا نوعي وايد وسواسيه و اخاف و افكر و حتى امس دقيت على امي قالتلي ليش مكبره الموضوع
المشكله من طفاقتي الزايده امس رحت سويت تحليل هرموني و طلع هرمون الحمل عندي 0.0 , و رديت تحبطت و قعدت ابجي والكل ضحك علي قالولي هذا شي طبيعي يمكن هالشهر جسمج مايبي حمل :eh_s(22):
بس مسكين زوجي صار فيه وسواس الحين و يبي يروح يفحص !
انا بتوكل على الله و بحاول ما افكر وانشالله يا رب يرزقني و يرزقكم بالذريه الصالحه
ما قصرتو حبيباتي من غيركم جان ينيت من التفكير :hjy5jewf:

 

[خاشعة للرحمن]

ياقلبي لاتحاتين ولا تفكرين ادري صعب بس شنو تسوين كل شي بيد رب العالمين وترا يلعب بنفسية ولاتحليلين قبل موعد الدورة صدقيني خليها على الله انا كنت جذية والحين مخليتها على رب العالمين مكتوب متى يرزقني وان شاء الله قريب كلنا نفرح يارب
بس عليج بكثرة الاتستغفار

 

[عسل حدي]

رب لا تذرني فردا وانت خير الوارثين