بعض مما في صدري من ألم
ياللي هواك القلب ولامنك سلم
وش فيك عقب الحب تاقف لي غبين ؟!
ماسرت الضحكات في حبك وهم
ولاسرني قولة احبج وتدرين !!
ماقبلك احدن رافقه قلبي لزم
عشمتني عقب الغلا .. ثم رحت وين ؟!
تركتني لا يا حبيبي والعشم
ماهوب ذا يا بعد كل العاشقين
تخطي وقلبي من غلاتك مايتم ..
حتى الزعل يومين والثالث يلين !!
في غيبتك اجتاحني حتى الندم ..
واكذب ع روحي واقول اليوم زين !!
لوضاقت الليله عليا ببتسم
وابنسى بكره وعيا بكره لا يبين !!
رسمت لك في دفتري قلب وسهم
قلبي انا والسهم اسمه ( ميم .. عين )
لوخانت الدمعه عيوني وش يهم ؟؟!
حتى حبيب الروح خاين ( مرتين ) !!
