خببرات جنيف واللي راحت جنيف تدخل بليز

[قلبي تركواز]

السلام عليكم ورحمه الله وبركاته

حبيباتي قررت اروح اوربا هالصيف

ويكون خط رحلتنا
ميونخ / زيلامسي / انترلاكن / جنيف
ورحله العوده راح تكون من مطار جنيف

ابي اسأل عن جنيف لانه ماعندي فكره عنها

تسوى نروح لها والا ماتسوى
اباخذ فيها ليلتين وابتسوق فيها
اسوقها حلوه والا عاديه

شكثر سمعت يسبونها انها حاره وماتسوى واسواقها مو شي!!!
اذا ماتسوى تنصحوني اخلي رحله العوده من زيورخ
او ميلانو

هاااا شرايكم !!!!!

ساعدوني بليز

 

[قلبي تركواز]

:lkmnkl::lkmnkl:

شدعوووووه بنات مااافي احد !!!!

 

[كويتيه cool]

بصراحه فعلا ما تسوى حتى أسوقتها عاديه وجوها حار بالصيف

وانصحج بزيورخ

 

[قلبي تركواز]

كويتيه كول

معقوووووووله ماتسوى كلش
:eh_s(16)::eh_s(16):

 

[حسن الخاتمة]

تركواز حطيت لك رد علي أسألتك بالتجمع لاوربا ليتك تقرينه لان ماشفت موضوعك هذا قبل لا اكتبه وموفقه

 

[غلاي غير]

بصراحه ماتسوى جوها مو حلو بس مو حار يعني
التسوق جدااا عادي والحلو الساعات والجناط بالعلااااااالي

انترلاكن براااادها يرد الروح ولوزان جوها فضيييييييييييييييييع غيب وبراد ومطر يونس

 

[BARBI]

ليلتين حلو عليها بس مو اكثر

 

[<miss botamba>]

انا حبيتها

رحت لها بال 2007 تقريبا

ورحت اخر 8 جنه كان الجو حلوو بليل برد

والاسواق عندهم سنتر فيه كله ماركات وقريب منه شارع فرعي المحلات العاديه من طقه h&m

وفي بعد جنه محلات يم المحطه مالتهم

وعندهم محلين كبار مانور و جنه الثاني اسمه مارقوس شي جذي هذا جنه من طقه هارودز

 

[ام خوووخه]

وعععععععععععععع والله مابي اصدمج انا رحتلها شهر ٤ موبالصيف يعني موموسم الزحمه كرهت نفسي جنج بمصر مع فارق التشبيه زحمه وازعاج وسوقها مافي شي وكلها لبنانيين وعراقيين مطاعمهم وخزاتهم قذره واغلب شوارها بارات وديسكوات رحت لاغلب دول اوروبا جنيف الاسوأ ماتسوى كلش

 

[_زينه_]

تبين الصج مخطط رحلتج فيه شي غلط انا ابي اساعدج لاني هالدول رايحتلها اكثر من 3 مرات و حافظتهم وبروح لهم هالسنه بعد ان شالله

نصيحه من اخت حق اختها

شيلي جنيف من الحسبه بكبرها انا رحت لها السنه اللي طافت ويع ويع ويع شويه عليها

اولا موووووت حر قته قته
ثانيا سوقها يلوع الجبد و يبب المرض صدقيني
و ناااااااااااااااااااااااار نااااااااااااااااار غاليه موووت و بالنسبه لمطاعمهم والله العظيم انا وامي وابوي واخوي بس بماكدونلز مالهم طلبنه 3 صمونات و 2 بيبسي و امي سلطه اب 35 دينار والله العظيم ادري محد بيصدق مثلي + مطاعم العربيه حد 90 دينار طلع حسابنه و تخرع بليل وحيشه خصوصا شوارعها و وكله بارات بشكل مو طبيعي عكس الدول الاوربيه الثانيه وبعد شنو اي ومافيها معالم بس الليك اللي فيه النافوره حتى نافوره جده ابرك من مالتهم تسكر بأوقات ويع يعني ماصورت عندها بعد و الليك فيه بس كافيهات يعني لا جديد ومجابل الليك فنادق و وانتي قاعده اتشوفين هالبارات وازعاج انا حيل كرهتها

فا ما انصحج فيها ابدا واكثر ردود البنات ما عجبتهم

اما بخصوص المخطط مالج انصحج نصيحه دامج عالبر لا تروحين اول شي ميونخ خليها اخر شي طيري منها بتسأليني ليش انا اقولج لاحظي القروبات كله يخلونها اخر شي لان بس فيها سوق و سوقها اينن اينن ينن و رخيص يعني خلصي فليستاتج وردي الكويت بدون توهيقات لوول

اما ايطاليا تلوع الجبد لا جديد جنج قاعده في مصر بالضبط انا اذا تبين اتشوفينها عن خاطرج روحيلها ابرك من جنيف

زيورخ انا رحتلها صراحه ما امدحها جنها ديره المراضى والله و ملاقه اذكر سكنت في فندق موفينبيك يمنه بس جمعيه و فيها c&a وييع يعني وجدامنه بيوت

انتي مو بتروحين انترلاكن روحي لوزيرن بسويسرا اتينن هالمنطقه روحي لوغانو
لوغانو اتهبل انا رحتلها لسنه اللي طافت او روحي فينا هم فكره

او كلش كلش روحي زيورخ مثلا قعدي 3 ايام يوم روحي اوربا بارك لانها قريبه يمها انا رحت من زيورخ حق اوربا بارك وناسه كان

وانا شالله اكون فدتج

وبالعافيه مقدما السفره وان شالله تستانسين

 

[قلبي تركواز]

مرحباااا بنات

حبيباتي البي رديتم مشكورين وماقصرتوااا

لكن للاسف

زوجي حجز وخلص


ميونخ زيلامسي انترلاكن جنيف

بما ان الكل يسبها يمكن نقعد ليله وحده بس ونسافر على طول

ماادري اذا في مجال نغير الخطه مع اني مااظن بس الله كريم