خبرة الفصول 4

[لانا]

مرحباااااا معلمات...اشلونكم مع الاجازه؟؟؟الله يسعدكم فيها
انا بعد الاجازه عندي درس نموذجي في خبرة الفصول 4 ومحتاره ابي افكار يديده ومنبه غريب ...
عفيه بنات الل عندها فكره او شايفه درس مميز لا تبخل علي...عشان اخلص الدرس واتهنى بالعطله....واللي بترد علي الله يجزاها كل خير وينولها اللي في بالها ويحفظها من كل شر...................​

 

[لانا]

بنات ....قصدي ابلات ...اشدعوه ماعندكم ولا فكره!!!!!!!
يلا عاد لا تفشلوووووني............

 

[قايد الغزلان]

للاسف اخت لانا ودي افيدج بس انا تعيين جديد ماعرف لهالخبره ان شاء الله البنات يفيدونا

 

[mooomooo]

ان شاء الله تطلع الافكار

بس تبين الصراحه المخ مقفل :eh_s(3):

مانبي نفتحه بالعطله :eh_s(20):
هههه


الله يوفقج يارب وان شاء الله ا ذا لقيت فكره ماراح اقصر :eh_s(15):

 

[rose2006]

شنو يعني خبرة الفصول 4..... بصلراحة ما عندنا بالامارات حتى افيدج

 

[أحلاهم]

حرام عليج ...ذكرتينا بالغثا...صبري علينا شوي...
واحنا بنفيدج...طيب شنو الهدف العقلي مال الدرس مالج..كتبيلنا الاهداف واحنا ما نقصر راح نفكرلج....اوكي حبوبة

 

[لانا]

تسلمون حبيباتي على الرد.............
أحلاهم انا ما حددت الاهداف يعني مو مشكله اي درس بس انا ابي فكرة منبه حلو وانا اكمل عليه......
اختي روز حبيبتي هذي خبرة حق رياض الاطفال تتكلم عن الفصول الاربعه (الصيف/الخريف/الشتاء/الربيع)....

 

[rose2006]

اي نعم الحين وضحت لي .
اها يعني تبين منبه للفصول الاربعة ( اخبرج تلبسين كل واحد من الاطفال ، لبس خاص بالفصل الخاص به ، يعني مثلا الشتاء ، تلبسينه ملابس ثلجية
والربيع ملابس مثلا اللون الاخضر وطالع من أزهار والخريف العكس تلبسين الطفل قطعة خام بس لون ها يكون باهت للون الخريف يعني دخلي البني واصفرار حتى يبين انه في فصل الخريف وحطي على الخامه اوراق باهتة اللون وازهار باهته يدل على انه الخريف .. والصيف عاد فكري فيه
والسموحة الغالية

 

[الحياة]

لانا انا عندي بعد درس نموذجي بسويه حق خبرة الفصول الاربعه بس بسوي عن فصل الربيع بسوي منظر عن الربيع كله ويمكن اسوي كلمة ربيع
وبلبس عيالي تاج على ورد انا مسويته حق يوم التخضير .. وبلبس الطفل اللي اييب الكلمة لاب كوت وعليه ورد ورد لانه اهوه فصل الربيع او البسه لاب كوت وعليه كل الفصول الاربعه يعني فوق قطن جنه ثلج ووورد بعدين وبعدين ورق ادعم واصفر وتحت الصق عليه نضارات شمسية والطفل لابس نظارات شمسية وكبوس بحر يعني صيف ...
وتصير هذي شخصية الفصول

 

[الحياة]

وبنات ان لقييتولي فكرة حلوة حق لامنبة قولولوي لاني ليليحن مالقيت فكرة والدرس حق الفصول الاربعه الاسبوع الثاني وابيه يطلع درس نموذجي نموذجي

 

[الحياة]

يالله يا بنات مد يبي يعطيني فكرة الهاميه من عنده ..
موشرط شافها على الاقل تبيدين رايج لاني انا سويت تقريبا نص الدرس ابي اكمل الباجي بافكار يديدة

 

[كبرت وراحت على]

انا عندي افكار بس للاسف

ما اقدر احطها عندكم

 

[قايد الغزلان]

تجمع خبرة الفصول الاربعه

السلام عليكم يامدرسات
خلصت اجازتنا وردينا للتدريس والمغثه
بنات اللي عندها افكار للحلقه واللاصفي لاتبخل علينا عشان كلنا نستفيد ونفيد ونبط عيون الموجهه

 

[الحياة]

ليش يا عروسة ماتقدرين تحطينها لنا ..؟؟

شدعوة عاد تفيدينا ونستفيد وبس مجرد شرح من غير صور ..

 

[الحياة]

رد: تجمع خبرة الفصول الاربعه

اعتقد هالرابط بيخدم التجمع بعد وااايد...

http://www.q8yat.net/showthread.php?t=55109

وانا بعد محتاجة مساعدتكم وايد
ومن ناحية اللاصفي ودي اسوي شماسي وقطرات مطر
وانا بالبيت وبهالعطلة الجميلة الليم اسويت فيها اي شي وراحت هباءً

سويت مجسم عن الربيع وحديقة وفيها فراش وبنات بنص الحديقة قلت يعني يخدم الخبرة شوي ...
ووراي درس نموذجي قاعد ازهبله شغل شغل عدل بس ليلحين متششتته افكاري ابي اشوف الموجههة واناقش الدرس معاها وتزيدلي افكار شوي

 

[قايد الغزلان]

رد: تجمع خبرة الفصول الاربعه

اشدعوا بنات وينكم؟؟
المهم انا ببتدي واتمنى الكل يشارك بفكره سواء للحلقه والمنبهات او الاركان او اللاصفي او مسابقات خلنا نسوي مرجع شامل لنا

بكتب لكم تجربه لركن العلوم

عنوان التجربه.. كيف يتكون الضباب؟

المواد: قنينة مياه فارغه من البلاستيك بها قطرات ماء مع العلم ان ارتفاع ضغط الغازات يؤدي الى ارتفاع حرارتها والعكس صحيح

خطوات العمل:
1- اغلق القنينه باحكام
2- اضغط على القنينه عدة مرات
3- افتح الغطاء

المشاهده:
خروج ضباب من القنينه

الاستنتاج:
عندما نضغط على القنينه سترتفع درجة حرارة الهواء والماء بداخل القنينه ويتحول الماء الى بخار
عند فتح الغطاء يحدث العكس حيث تنخفض درجة الحراره تجعل هذا البخار يتحول الى ضباب( قطرات صغيره جدا من الماء) تتكون السحب بنفس هذه الطريقه بحيث ان بخار الماء عندما يصعد الى الاعلى يتعرض الى ضغط اقل يجعله يتحول الى سحب.

ناطره مشاركاتكم

 

[قايد الغزلان]

رد: تجمع خبرة الفصول الاربعه

مشكوره اختي الحياة على الرد
والمجسم اللي سويتيه يصلح مشروع لركن الفنيه وممكن تحطينه منبه بعد

عندي سؤال اذا سمحتي... الشماسي وقطرات المطر حق شنو بالضبط؟؟

 

[الحياة]

رد: تجمع خبرة الفصول الاربعه

مشكوره اختي الحياة على الرد
والمجسم اللي سويتيه يصلح مشروع لركن الفنيه وممكن تحطينه منبه بعد

عندي سؤال اذا سمحتي... الشماسي وقطرات المطر حق شنو بالضبط؟؟

العفو ولو..

وثانيا الشماسي وقطرات المطر هذي تسوينها حق لاصفي الفنية او مشروع بالفنية يخدم الحلقة..
وتقدرين تسوين ورد من اوراق الكريشة .. حق فصل الربيع

 

[قايد الغزلان]

رد: تجمع خبرة الفصول الاربعه

مشكووره الحياة والله يوفقج بالدرس النموذجي ان شاء الله تقدمينه باحسن شكل

وينكم بنات وين تجاوبكم وافكاركم؟؟؟؟

 

[فز1عه]

بنات ابي منبه لفصل الربيييع الله يعطيكم العاافيه