خبرتكم بنات ابي صالون راقي نظيف vip حق كل شي

[ابله نعومه]

السلام عليكم

جمعه مباركه عليكم ياحلوين


ابي صالون رااااااااااقي نظيف وادواته معقمه ويكون vip واتدلع فيه من مجاميعه يعني شيره حف بدكير ومنكير حمام مغربي كل شي

مابي شغل بوطقه وادوات بوطقه ابي تعقيم ونظافه قولو لنا خبرتكم والأسعار والمنطقه الي فيها الصالون


انا اعرف الشرقيه بس صراحه لاعت جبدي منهم وياخذون الدور الي يعرفونهم ويدفعون لهم بقشيش غثوني هذاك اليوم ومن الزحمه وفوق هذا زيادة الاسعار احس مايستاهلون لو صالون ثاني ممكن السعر يستاهل


انطر تجاربكم:eh_s(7):

 

[سكارلت]

وووين الصالون اللي جذيه!!!
ماعمري لقيت صالون كامل من مجاميعوه
مع الأسف بالكويت مراكز التجميل والعناية بالجسم
مستغلينا أستغلال بشع خدمة أقل من عادية واسعار واصلة للسحاب


اذا لقيتي علميني..

 

[ابله نعومه]

اي والله صدقتي سكارليت ومشكووره على المشاركه

انا الشرقيه كان زووين بالنسبه لي بس بعدين زادت الاسعار وطمعت وفوق هذا اخر مره غثوني خذو دوري ماحب الصالونات الزحمه والي فيها لعب بالنسبه حق الدور


ابي شي راقي ننطر البنات يفيدونا

 

[sosota]

بصراحه الشرقيه نظيف وايد وحلو بس غاااالي وزادوا الاسعار


تبي صالوون نظيف وحلو واسعاره حلوه

 

[((غلاي))]

الشرقيه صح وايد زادو الاسعار بصورة مبالغ فيها

رنيم الخالديه وايد حلوووو و راقي و نظيف

 

[أم*سلمان]

آب

آب

لعيونج

 

[MiSS B.K]

ااااااااب

 

[أإأم روويم]

رررفع ...

 

[Q 8 Y A t]

دام وصلتي الشرقيه

روحي لاكوب جنب ليموزين الخرينج والبطريق بخيطان

 

[StEllA]

صالون ليلى هارموني شغلهم حلو و نظيف و تحجزين موعد قبل ما تروحين و تدخلين على طول ما تنطرين

 

[الحلوه القمريه]

رفع لعيونج

 

[أبلة فاتن]

روحي فندق وريحي راسج​

 

[ابله نعومه]

مشكوووورين بنات على ردودكم

الي تقول الشرقيه حلو صح الشرقيه نظيف بس قام يخترب حاليا خاصه من نايحة الدور والزحمه والاسعار الي زادوها مايستاهلها

انا مستعده ادفع بس حق شي مريحني من كل الجوانب

الي تقول في صالون يم الشرقيه كتبي تجربتج في عند منو تحفين ومنو احسن شي بالدكير والمنكير وشنو طريقتهم وتعقيمهم شلونه ؟

الي تقول روحي فندق حبيبتي شنو تجربتج بالفنادق انتي وين تروحين وشنو اسعارهم ياريت تكتوب بالتفصيل وهل في تعقيم ويستاهلون العنوه

 

[ابله نعومه]

ليلى هارموني حبيبتي وين صاير وهل في تعقيم ونظافه وبدكيرهم ومنكيرهم مستحضراتهم حلوه له

وحفهم وكل شي قولي لنا تجربتج

 

[أريد حلا]

حبوبه تبين بديكير منيكير في اماكن مخصصه لهم​

ان بار - جاليريا 2000​

ونيل بوليش - مركز تالا تبين معقم والخ​

اي صالون قبل لا تروحين له استفتسري ادواتكم كيت وكيت بس مو قصه اهيا وباقي شغل الصالون عارفينه​

انتي شكلج تبين صالون مثل رنيم الخالدية روحي له راح يعجبج مكانه شرح من داخل واللي يشتغلون الحف هنديات و الاستشوار مغربيات قص وصبغ بعد والبديكير والمنيكير فلبينيات بس حلو شغلهم اكيد بس مصدقين روحهم بالاسعار​

حف كامل وجه مع شمع ب 5​

استشوار يبدا من 7 للشعر قصير​

بديكير منيكير ب 7 جنه​

،،​

صالون متكامل نادر ما تلقين ههههه اللي شاطر بالميك وتسريحات​

ناقص بالبديكير والذي منه​

والبديكير والمنيكير في يجون للبيت بعد​

 

[أريد حلا]

البديكير والمنيكير مو كل يوم الوحده تسويه علشان جذي فتحو له اماكن مخصصه

​

 

[StEllA]

ليلى هارموني على ضمانتي نظيف و منظم و مو زحمة و شغلهم كله حلو من الى ، و بالنسبة للمنكير شغلهم نظيف و تقدرين تشترين اغراضج من عندهم و خليها دايم معاج ، انا دايم اروح للي بالفنطاس و في الفرع الرئيسي بالشعب البحري يم مطعم شلاويط
بس ملاحظه ترا ما عندهم شيره عاديه عندهم شيره هنديه او شمع للجسم و انصحج جربي الشمع احلا حيل من الشيره و انظف

 

[@ DLOO3TAH@]

أأب

 

[رانيا6]

اب لعيونج

 

[بنت ال18]

ههههههه انا معاناة من بعد الدوره البديكير بصالون والحمام المغربي بصالون والشيره بالبيت والحواجب وحف الوجهه بصالون مرات اخلص شغلي كله بيوم واحد ومرات لا على يومين

البدكير والمنكير السبيشال بصالون رامادا روووووعه يخلي اطرافي مثل البيبي ملمس ولون
الحمامات بصالون لمسات وااااااااااااااااااااااو
والشيره وحده هنديه او بنغاليه تجيني شغلها واااااو وجسمي مايحبب معاها حتى بعرسي هي اللي حفتني
اما الوجهه والحواجب عند حياة بالاس او ريتشي اثنينهم حلوين