خبر الزيادات ال200و150و100للي ماعندهم كادر بينما كادر القانونيين والمحاسبين راح يتعدل

[ON_LY]

الموضوع من عنوانه

الخبر الي صدر من الديوان للتخصصات الي ماعندهم كادر

بمعنى الفنيين خريجي الكهربا والماي او تخصصات مثل تسويق وبنوك واداره
او علوم صحيه مثل التمريض

يعني هالتخصصات الي ماعندهم كادر بالاسم بديوان الخدمه المدنيه راح يحوشهم هالزياده

بينما اصحاب الكوادر في بعضهم تم تعديله وبعضهم جددوا بكوادرهم وبعضهم للحين في طور التعديل

الي تم تعديلهم هم المهندسيين والمعلمين

بينما القانونيين والمحاسبين التعديل راح يكون بشهر فبراير انشالله وراح يشهد شغلتين :

اولا كادر القانونيين والمحاسبين كانوا تحت بند واحد من تاريخ صدوره سنه2005 تحت مسمى كادر القانونيين والمحاسبين

والي راح نشهده انشالله انفصال كادر القانونيين عن المحاسبين لسنه2005 فيتم تعديل الكادر المالي فقط للمحاسبين تحت بند كادرهم لسنه2005<<--يتطلب قرار لا تصويت من الديوان فقط

بينما يصدر كادر موحد للقانونيين مع التحقيقات والفتوى اصحاب الشهاده الواحده((كلهم شهادتهم وخرجاتهم وحده))<<--يتطلب تصويت مجلس الامه لانه كادر جديد

وتحت ظل مسميات وحده وكادر موحد يجمع القانونيين بالجهات الحكوميه مع تعديل بالكادر المالي والمساواه بين اصحاب الشهاده الواحده

للمعلوماتيه : السبب في تاخير صدور كادر الفتوى هوه موضوع اضراب القانونيين بعد صدور زيادة التحقيقات وذلك للتوحيد انشالله


وهذا العلم الي وصلني

والله يتممها على خير والله كريم

 

[A9A9-Q8]

يعطيج الف عافية وان شاء الله نسمع بمعلومات اكثر ..

 

[*المــــلكة*]

انا فني
وموظفة بقطاع خاص يااارب يكون لنا زيادة​

 

[سنفوره 2]

أنزين الي يشتغلون في الهيئات لهم هالزياده لانه الهيئات عندهم دعم مالي ومكافآت وبدل فماادري اذا يحوشهم ولا لأ

 

[سميرة العوضي]

بس ما في شي رسمي حتى الان

انا اشتغل باحد الوزارات بقسم الرواتب و ما يالنا اي قرار رسمي للصرف بهالموضوع

حتى في ناس تيي تسألنا و نرد عليهم ان مافي صدور اي قرار رسمي ان من فبراير او ان بالاساس تطبق او لا

 

[ON_LY]

بنااات

من صجكم ترضون بهال100ولا150؟؟؟؟

نااااااااس كوادرهم تعدلت بال400و500 وانتوووا مصدقين الديوان وتبون هال100ولا150؟؟؟

الحمدلله نعمه لكن الحق حق وحتى لو اقروها بتظل الفجوه بالرواتب

فكروا بعقولكم شوي وحكمووهاااا


على سبيل المثال وحده تخصصها دبلوم تشتغل بالهيئه العامه للبيئه ومعروف في بدل للهيئه العامه للبيئه وهوه160 فراتبها يكون اكثر من800بشوي يعني810جذي

ووحده ثانيه تشتغل بوزاره وراتبها مع ال100الي اقروها لكل الوزارات يكون رابتها780ولا790

فلو افترضنا الي فوق ال800 اخذت هال150تصير950 والي تحت ال800 يعني790او780فرضا تاخذ ال200

حسبوها الثانيه راح تزيد عن الاولى؟؟؟": \المشكله انحلت جذي؟؟؟


تخبط واضح وتوهقوا لما الي مايتسمى بطل ملف التعديلات وقعد يعدل بكوادر ربعه ونسى التخصصات الثانيه وخلق الله

والديوان الخدمه المدنيه مو قالوا حطوا شركات عشان يدرسون الرواتب ويحلون هالفجوه الواضحه بعد تعديلات تخصصات عن تخصصات؟؟؟؟": \

بالله هذا يتسمى حل؟؟؟؟

الله كريم

 

[دندرمه بارده]

والله مايندرا عنهم انا صارلي 5 سنوات فى القطاع الخاص اول سنتين انصرف البونص لنا وبعدين ماااااااااكو ولاشس على اساس الازمه الماليه لسنه 2008 وراتبي تحت 800 وشهادتي دبلوم بنوك وكل يوم طالعين لنا بأخبار دغدغ مشاعرنا والله حتي ماقمت اصدق شي يعني اذا بتنطبق الزياده اخذ ال 200 ولا شلون وتزل على الاساسي ولا دعم العماله وشكرا

 

[miss swan]

دندرمه اكيد على دعم العماله نفس ال120 وال50
only صاجه وياريت منهم فايده على فكره هالزيادات موحقنا بس عشان يفيدون التجار
​

 

[Ibelievein God]

شلفايده يرفعون الرواتب مني ترتفع اسعار السوق والاجار والمدارس خل يضبطون هذولا بالاول

 

[*الهنوف*]

شكرا on-ly
كلامج حلو

شوفي انا مع ان كل وظييفه لها ميزاتها من كادرات لكن مو مع ان كل وزاره لها ميزات
لاحنا مو بيدنا لما اخترنا هالوظيفه كانت اجباري علينا نشتغل بهالوزاره من الديوان

يعني انا خريجة دبلوم تخصص كاتبة حسابات معاشي ٧٠٠ اللي يدامون بالبنك المركزي معاشاتهم صكت ال١٠٠٠
شفتي عشان المكان
واحنا لاحول ولاقوة ماعندنا واسطات عشان نروح هناك وراضين بنصيبنا

لكن ليش مايصير في مساوات بالرواتب حسب المسمي واذا بيصير في ميزات تكون بالاعمال الممتازه لان هالشي من الوزاره نفسها


ولاشرايكم

 

[راعية الطويلة]

༼ٱڵـڵـه༽ يقدر لنا ڳل خير

⌣•̸̸̮̮̃Ϡآ۾ــېـن«•ْ⌣•̸̮̮


ٱ‏​نـِْ♡̨̐ـِْا كقانونية
اتمنى توحيد المسميات
ٱڳثر ۾ِـــن الزيادة المالية
فعلا هذي بداية الغلط
ٱڵلي ترتبت عليه هالمشاكل
اننا نفس الشهادة و نفس العمل الوظيفي
و ربما احنا نكرف ٱڳثر
و مع ذلك هذا اسمه باحث
و هذاك محقق و غيره مخامي دولة


حسافا ۋالّلَھ


مشكورة حبيبتي ع الموضوع

 

[أم*سلمان]

يعطيج العاافيه

 

[ام خدود ورديه]

يعني الحين الفنيين لهم زياده متأكده حبيبتي

شكرا

 

[Shasawi]

اي انا شفت بالخبر بالانباء تحت جدول لشاغلي 105 وظائف لهم زياده من 150 لي 280 جنه يعني هذا كادر تخصص زين شالفايده هذا ماراح ينزل حق اللي دوامهم اصلا في كادر صح ولالا والحين اغلب الوزارات فيها كادر