خبيرات أمريكا .. خدامتي ؟؟

[مريومة (:]

صباح / مساء الخير لأحلى كويتيات
شلونكم ان شالله منيحين
مبارك عليكم الشهر مقدماً


حبيباتي بدش بالموضوع سييييدة..
ان شالله على شهر ثلاثة الجاي بنسافر أمريكا زوجي بياخذ لغة تقريباً ثلاث شهور،،
سؤالي هو صج مايصير أخذ خدامتي معانا لأن الخدم عندهم بنظام الساعات فيعاقبونا على چذي ويدفعونا غرامة ،،
والله أنا چذي قالولي ،،
فياليت بنات اللي سافرت من قبل لأمريكا أوتعرف ماتبخل علي...
ومشكوريييييييييين وآسفة عالإطالة..​

 

[مريومة (:]

شدعوه بنات ولا رد
وين بنات أمريكا؟؟؟؟

 

[mr000]

والله آنا من رايي تحملي هناك 3 أشهر بدون خدامه وافتكي من المشاكل..مايسوى عليكم هناك لو تنحاش وإلا تشتكي عليكم تقول مايعطوني إجازه وإلا معاشي بس هالمبلغ ..هناك يسوون لكم سالفه ومحاكم..اشكثر صارت سوالف من قبل..الله يغنيكم عنها..وتروحون وتردون بالسلامه

 

[مريومة (:]

مشكوورة إختي عالرد
بس عيالي الله يهديهم ماقدر لهم بروحي محتاجة خدامة ..

 

[Japanese]

ويييييه لااااااااا ولاتفكرين اصلا تودين خدامه! تحملييي!!!

من صجج؟؟؟انا انصحج ماتاخذينها حتى لو عندج ١٠ يهال!

اانا ادرس هناك وربعي عيالهم ماشاء الله باميركا بال ٥ ومايجيبون خدم :/ عادي ترى

دخليهم سكول او نادي او اي شي تشغلينهم فيه بس انه تودين الخدامه تيودهم لا وآلف لاء

الخوف من المشاكل اللي ممكن تصير لج هناك وانتي معاج خادمه.. ترى نظامهم هناك غييييير عنا احنا هني

يعني لو تزعلينها بكلمه او لو هي حبت تسوي مشاكل تقدرتطلع وتشتكي عليج حتى لو انج مب قاصده تآذينها ،، هني يحليلهم الخدم

يتحملون وممكن يمشون لج

بس هناك لا والله... عادي توديكم ورا الشمس

باباتي رفيجه انحبس مادري كم سنه ع سبه انه خدامته اشتكت عليه انه مايعطيها راتبها ومايعطيها يوم اجازه ويشغلها اكثر

من ٨ ساعات باليوم والخ الخ ،، انا مدري اذا هو صج كان يسوي معاها جذي او لاء بس ابوي قايلي السالفه وهو مكسور

خاطره على رفيجه مسكين =(

ف ديري بالج تتحملين كم شهر وتربينهم ع اللي تبينه ولا انج تدخلين بمشاكل مالها آول ولا تالي

 

[أم يزيد &سديم&]

حبيبتي لا تأخذين الخدامة
ربي عيالج بنفسج
على كلام الأخت اللي قبلي
بسبة المشاكل
على طاري أمريكا واحد سعودي اسمه حميدان التركي
ادخلى قوقل واقري عنه أو اليوتيوب
حكموا عليه سجن 28 سنة بصراحة قطع قلبي
ولا يمكن تمدد مدى الحياة والسبب خدامته اشتكت عليه
هو راح لأمريكا بعثة دراسة
وملتحي بعد الله يعينج أختي
إذاكنت حيل حيل محتاجة لخدامة خوذي من عندهم أفضل