خبيرات اسبانيا وبالتحديد برشلونه ابي فزعتكم بليز

[QaWareer]

ودي بعطلة الربيع اروح برشلونه و ما اعرف عنها شي ابي وحده خبيرا فيها تقولي عن الاماكن اللي لازم أشوفها و ابي بعد احسن مجمعات فيها و مطاعم و معاي يهال شنو اكو لهم اماكن تونسهم

 

[رورو الحلوه]

اب اب اب

 

[Snow-White]

حبيبتي برشلونه كل مكان فيها سياحي حتي لو تتمشين بالشارع تستانسين لان محلاتهم ومقاهيهم علي الارصفه مو محصورة بس بالمجمعات

عندج شارع الراملا هذا كله محلات وقهاوي واكشاك من الصبح تشوفين الناس تتمشي وتتسوق

ومجمع ميرا ماغنوم هذا صاير علي البحر وفيه محلات حلوة وفيه مطاعم تطل علي البحر قعدتهم وايد حلوة وقريب منه مرسي تقدرين تأجرين مركب ياخذكم بجوله بحريه

فيه محل كبير اسمه كورت انجلس هذا كله ماركات وايد حلو

مجمع كبير اسمه دياغونامار هم وايد كبير ومحلاته حلوه وفيه جنه العاب حق الاطفال

وفيه بعد ساحه كاتالونيا فيه محلات وقهاوي ومناظر حلوة

وتقدرين تسوين سيرج عن الاماكن السياحيه هناك

 

[shaikhat al-zain]

اشلون جو برشلونه شهر 3

برد والا حر مال سباحه؟

 

[عجزت أنساكـ]

يكون جو خريفي
لانها دوله ساحليه وحار بفصل الصيف
والسنه هاذي البرد بسرعه خلص بدول اوربا من اسبوعين كنت بمدريد كان الجو حلو بس مو برد قارص
وبرشلونه بالمثل يعني راح يكون الجو حلو

 

[shaikhat al-zain]

يعني مال سباحه والا لا؟؟