رد : خبيرات استراليا ..
و عليكم السلام ورحمة الله وبركاته ،،
هلا أختي ، انا بالعطلة شهر 7 رحت استراليا قلت أفيدج
احنا رحنا مع قروب ، ونصيحة روحي وياهم استراليا كبيرة وفيها وايد أماكن وجذي يبيلكم قروب و ليدر
يدليكم الأماكن و يضبطلكم الرحلات ،، احنا طلع علينا لكل شخص 1200 دينار
احنا سفرتنا كانت سنغافورة ( يومين )
استراليا ( 22 يوم )
سنغافورة ( يومين )
طبعاً راح أشيل سنغافورة من حسبتج لإنج ماتبين تروحين لها ،،
شوفي استراليا عندج فيها 3 مناطق الزوار يروحون لها " سيدني / جولد كوست / مالبورن "
سيدني قعدي فيها 3 أو 4 أيام بس كافي عليها ، روحوا البرج و عندكم رحلة بالقارب يفركم بالبحر
ويوريكم معالم استراليا مثل الجسر " اسمه سدني هاربر بريدج " ودار أوبرا .. إلخ ، و جو سيدني باارد و حلو
نيي حق جولد كوست ،
هذي أحلى منظقة باستراليا كل شي فيها
عندج Sea World واايد حلو تروحين تحجزين تذكرة وتدشين ، عاد فيه عروض دلافين و أحواض سمج
و بطاريق
وهم عندهم محلات ،،
Dream World هذي مدينة فيها ألعاب قطارات و عروض و أشياء تونس لوول
Movie World مترووس عروض ، طبعاً عروض شخصيات وايد وايد حلو المكان من كثر ما استانسنا
رحنا له مرتين
سوالف باتمان وسوبرمان و تويني وشريك وجذي ، هذا غير المحلات اللي
يبيعون ملابس على الشخصيات رووعة يهبلون و هم في ألعاب و قطارات تخرع هههه وايد حلو
المكان روحوله وراح تستانسون إن شاء الله :icon30: ،،
و عندج رحلة المنطاد ، هذي تقعدون من الفجر و ييون الشركة ياخذونكم بباص ويودونك المكان اللي تنطلق منه المناطيد
رووعة يطير فيكم المنطاد والجو باارد وناسة وبعدين يودونكم تتيرقون " فطور" ويكرمونكم
بشهادة اجتياز المنطاد ،،
و رحلة الـ Jet Boat : تركبون طراد ويدوس فيكم بالبحر ويستعرض حدده وناسة
ويصورونكم بعد
و عندج Aqua Duck هذا هم قارب ياخذكم ويفركم بالشارع بعدين يدخلكم البحر ، حلوو
و الأسواق عندج روبينا مجمع كبير كل شي فيه ، وعندج المارينا هم حلو ، وسوق هاربر تاون " هذا أوت ليت "
محلات تينن وأسعار حلوة وحتى الماركات أرخص من السوق العادي ،،
ونصيحة قعدوا بفندق كتيارد ماريوت " سيرفر بارادايس " بمنطقة بارادايس
أول ماتطلعين من الفندق علطول يمج المحلات والمطاعم " لباني ، ايطالي ، وجبات سريعة " و كل شي احنا كل يوم
رحلتنا تكون الصبح و البليل ماعندنا شي فنروح نتمشى مناك ، حتى عندج شارع العرب كله كويتين مناك
اخر شي مالبورن ،،
هذي منظقة بااااردة حيل ، جوها إينن ..
تقعدون فهيا يومين أو ثلاث أيام بس كافي عليها
مجمعاتهم حلوة و بس عندهم رحلة وحدة اللي إهي الثلج ،،
تقعدون الفير و يودونكم بباص تقريباص الطريج 3 ساعات تروحون فوق الجبل درجة الحرارة " 13 تحت الصفر "
مناك عندهم محل يبيعون جاكيتات ثقيله للثلج وبوتات و بنطرون لإن الثلج راح يذوب عليج وتصير ملابس ماي ،،
واايد وناسة مناك حاطين نفس زحلاقيه بالثلج وعندج التلفريك نفس مركبات تركبونهم وتكون عالية و تقعدون جذي 4 أو
5 ساعات وبعدين تطلعون ،
ووو بس
إن شاء الله استفدتي عاد لإني تعبت وانا أكتب لوول تستاهلين
و إذا عندج استفسار سألي عاد :eh_s(22):
