خبيرات استراليا ..

[al-fad3h]

السلام عليكم ....
باختصار خبيرات استراليا ناويه هالسنه اروح استراليا مع زوجي وعيالي 8 سنوات و6 سنوات
ناويه سدني وقولد كوست ....( حجزي الشهر هذا راح احجز )
1- التكلفه ..
2- الاماكن الى تستاهل اتعنالها مع اعيالي ..
3- ونظام الرحلات اشلون الاني اول مره اروح مع اعيالي ...
4-ابي السوق ( حريم ):wqedqw:
5- شنو اخذ معاي من اكل وغيره وفي المطار مسموح ام لأ ..
6- اخر شي اللغه اختكم لغتها لاباس فيهاا:eh_s(2): يعني اتوهق فيها ولا شنوو...
جم ساعه الطيران....

اسفه على الاطاله و شكرا لكم ....​

 

[al-fad3h]

رد : خبيرات استراليا ..

نسيت اضيف شغله ...
7- طريقة التنقل من سدني الى قولد كوست ( ابي افضل شي شنو )...
8- ابي احسن المكاتب عندهم تنظم لي رحلتي ...

 

[لولوة الكويتية]

شوفي حبيبتي بالنسبه حق التكلفة معيشتهم شوي غاليه مثلنا اهني بالكويت بالنسبه للاماكن عندج بقولد كوست سي وورلد ورحلة الريف الموفي وورلد والباص الي على شكل بطه برمائي يدش بالبحروالممشى السيرفس برادايس وفيها جم مجمع بس حيل صغار خلي الشوبنق بسدني احسن كيفك اذا ابتاخذين اكل بس خلي بالجنطة الي موبيدكم لان ممنوع ادشون المطار ومعاكم اكل ماراح تحتاجون تاخذون شي لان هناك بكل مكان بقالات عربيه وبالمطاعم نفسها يكتبون على بعض الوجبات حلال وبالنسبه للغه لاتحاتين اهم وايد حلوين من هالناحيه والطيران 14 ساعه التنقلمن سدني الى قولد كوست احسن شي الطيارة ساعه بس والمكاتب ترس البرادايس والله يوفقك واي شي انا حاضره

 

[انوار87]

اختي انا كنت احوس بمنتدى ثاني عن استراليا لاني انا بعد ناويه اروح وبقولج اشياء يمكن تفيدج
بس انا بس بتكلم عن قولد كوست الي اذا تقدرين قعدي فيها من 10 الى 14 يوم

1- اول شي التكلفه يعتمد بس يعني شوفي احنا 3 كبار بنقعد 10 ايام في قولد كوست تقريبا التكلفه 2000 دينار و قالولي 1500 وايد تكفي حق الرحلات والاكل والتاكسي ( الرحلات الي يروحونها الناس حق الكبار تقريبا 64 دولار و الصغار اكثر بس مادري جم)
2- قولد كوست فيها واايد اماكن حلوه بس باجر اكتبلج اياهم كلهم بس مثلا في رحله يسمونها اكوادك مثل باص برمائي و في سي ورلد بس يعني تشوفين حيوانات و في حديقه حيوانات حلوه و بعد في دريم ورلد مدينه ملاها و يقولون في لعبه اسمها انفنتي مثل متاهه و بعد في رحله تروحين حديقه فيها فواكه استوائيه و في لعبه حلوه تقعدين داخل كره فيها ماي ويقطونج من فوق و بعد في
3- تشترين تذكره حق الرحلات و يقولون ساعات تكون في عروش 3 رحلات والرابعه مجانا
وكله اماكن وناسه ويقال شعبهم وايد حليوييين و طيبييين ومنضمين ف راح تستانسين
4- السوق انا مايهمني ف ما ادري. بس في مولات اكتبلج اياهم باجر
5- منتجات الالبان و الفواكه و الخضروات و المكسرات و اللحم ممنوع بس الشوربات والاندومي و هذولا عادي
6- اللغه انجلش و المده 14 ساعه

واخر شي سكني في مكان على السرفر برادايز
من الفنادق الزينه vibe cortyard by marriott
الشقق الفندقيه mantra circle on cavill, shevron towers Q1
و غيره وغيره بس قالولي هذولا احسن شي

واذا عندج سؤال ساليني وان شاء الله افيدج

 

[انوار87]

7- طيران طبعا يقولون احسن طيران vigin blue or jet star
بس ديري بالج ترى الوزن الزايد مايطوفونه
8- ما ادري بس يقولون تحت بلوبي الفندق في تذاكر او سالي اللوبي وين مركز المعلومات يقولون مثل مكان بالسرفر برادايز فيه حجز رحلات وجذي

 

[al-fad3h]

رد : خبيرات استراليا ..

لولوة الكويتيه و انوار 

اشكركم على الردود وانشاءالله نويت على قروب على اول شهر سبعه بإذن الله *

 

[نواري]

حبيبتي اذا لج نيه باستراليا حجزي مارلبون (مدينه الثلج)تهبل عالم ثاني ما عشتيه لا تقوليلي رحت باوربا استراليااااا غير غير غير عالم الخيال

 

[ام أحمدووه]

بنات اذا انا وزوجي وعيالي ٢ اعمارهم ٥ و ٧
جم التكلفة الشاملة تقريبا حق ٣ اسابيع
سيدني وقولد كوست

 

[شانييل]

معيشة استراليا بالضبط نفس الكويت نفس اسعار مطاعمنا العالمية فرايديزوشاكلتهم

بس الشورمات هناك غالية والالكل الهندي نفس المطاعم الغالية بالكويت
والتسوق همن نفس الكويت نفس مجمعاتنا

بس صج صج استراليا بلد رااائع

وسيدني صحيح تعتبر من دول العالم الأول المتقدمة راح تنصدمين منها

والرحلات مثل ما قالولج
بجولد كوست في عالم سي وورد والموفي ورد والمزرعة ورحلة الجزيرة الي فيها بابكيو وزوارق السباق السريعة والتعلق بالمناطيد

زهمن رجلة الجبال الزرق ورحلة البحث عن الحواته جمع حوت (الحيتان بالأصح

 

[fat]

السلام عليكم من حظج الحلو اني انا العام رايحة استراليا يعني معلوماتي توها فريش واي شي تبينه حاظر وانا مسويه مواظيع وفيها التفصيل الممل للسفرة ومتطلباتها

وانا كاتبه موظوع سفرتي كلها وانا حاظر ما طلبتي شي

 

[كينده]

ماشالله شوقتوني صرااحه انشالله اقدر اروح لهاا بس عندي سؤال على اي طيران رحتو وجم سعر التذكره للبالغ والطفل والرضيع بليززز جاوبوني

 

[كينده]

1. 
   
   ​

​

وفيه مدينة العاب هناك سمعت عنهاا نفس طريقة ديزني بس على شخصيات تويتي وما ادري شنو ​

<اهم شي ما ادري شنو >:eh_s(10):وامانه شلون جوهاا برد ولا حلووو لطيف يعني ردووا:yaaaaaarb:​

​

 

[كينده]

• واختي اللي قالت عن مالبورن اهي مدينه بارده فيهاا ثلج يعني

 

[fat]

انصج تروحين سنغافورة ترانزيت تريحين شويه لان وايد الرحله متعبه والاماكن الي تستحق الزيارة في استراليا مدينه سدني

انصحج تزورينها وايد حلوة ولا تطوفين رحلة بلوماوتن فوق الروعة ووطبعا عندج الاوبرا وما ادراك ماشارع الاوبرا تاخذين رحله بحريه من الصبح والجو روعه انا سكنت في فندق شيراتون فور بوينت في سدني وايد موقعه حلو يمج كل شي تنزين من الفندق وتتمشين يمج الاكواريوم وهذي اكبر اكواريوم في العالم ويمها الوايد لايف الحياه البريه حلو وطبعا انت يم المارينا تتمشين ويمج اليخوت ويمج الكافيهات والمطاعم الي لي نص الليل فاتحين وعندج مجمع المطاعم ومن مطعم علي بابا يبيع الفطاير وبيتزا وشاورما وحلال وحتى البقلاوة موجودة وما اوصيج بالايس كريم موطبيعي وراح تلقينه بكل مكان والشعب الاسترالي ينصحونج ويشوفونج مسلمه مايبيعونج البرد الي في خمر ويمج الايماكس 4د والسينما يمج والمكان ما ينشبع منه الجو بارد اخذي معاج شتوي ورحله بلوماوتن انصحج تروحين لها انا كنت رايحه مع قروب وايد ونيس والقايد ودانه مكان قبل البلوماوتن مكان مثل الغابه الصغيرة حلو وبعدين رحنا بلوماوتن ولاتطوفين ولا رحله لان في رحلات تروحين لها بالقطار والتلي فريك وناسه وناسه عليج بالعافيه

صج ذكرتيني بسفرتي الحلوة

 

[fat]

راح اكتب لج عن قولد كوست

 

[fat]

واذا تبين التفصيل

 

[gogosh]

انا رايحه استراليا سنة 2000 يعني قبل لايهبون الناس عدللل فيها بس فعلا من امتع واونس وأحلى سفرات حياتي
وودي اروح لها هالسنه وآخذ عيالي معاي فكتبوا التفاصيل خلونا نستفيد ماعليكم امر لان تفاصيل الرحله راحت عن بالي واكيد في اشياء تغيرت
بس اللي اتذكره زين ان بالروحه بغيت اموووت من الطياره لان روحتنا بدون توقف اللهم ساعتين بسنغافوره بس ماتكفي لازم تنزلين وتقعدين جم يوم احسن وجذي انا مخططه هالسنه ان شاءالله اقعد بالروحه 3 ايام وبالرده هم 3 او 4 ايام . وعلى فكره ماتعتبر من الدول الرخيصه ابدا يبيلها ميزانية.

 

[fat]

شلونكم شخباركم بعد لغبار والعاصفة مانقول الا الحمدلله

نبدي برحلاتنا

اولا كنت ساكنه في شارع البرادايز كان فندقنا وايد حلو ويمه كل شي وخليني اتكلم عن شارع البرادايز هذا شارع وايد حلو تتمشين على ريلج مافي سيايير والجو خيال ويمينج محلات ومحلات وفي بالسرداب جمعية وفي جمعية اسمها ega هذي ابد اطلع من الفندق خطوتين وهي يمنا ويمنا صيدليه ومطاعم منها مطاعم هنديه عندهم برياني وحتى الجباتي عندهم لا تحاتين بس شوي غالي

وراح تشوفين هناك وايد لبنانيين حتى الخبز اللبناني موجود وفي آخر الشارع بحر الي ترابه نظيف وتتمشين وانت حافيه وتتمتعين فيه وايد حلو

والله ذكرتيني الايام الحلوة

 

[fat]

وجولد كوست وايد فيها رحلات منها

الموفي وورلد
السي وورلد
الدريم وورلد هذيله يم بعض وعلى فكرة تشترين التذكرة تكون شاملة لهم كل الرحلات يعني لما تدخلين يردون لج التذكرة وهذي التذكرة صالحة لمدة 15 يوم يعني دريم وورلد تقدرين تدشينها كذا مرة

وطبعا لا تنسين لما تروحين في كل مكان يصورونج يعني اذا لعبتي في الجندول بالنزلة يصورونج لا تنسين تشترين كل صورج حق الذكرى

وعندج رحلة بحريه وايد حلوة جزيرة رحنالها وفيها مكان تتزحلقين على الرمله الناعمه استراليا معروفه برملتها الناعمة وطبعا من ظمن الرحلة كان في وجبه الغدا وطبعا راح تشوفين الكناغر بكل مكان يتمشون

ورحنا رحلة سفاري هذي الرحله اتينن

يودونج بجيب سفاري وتتمشنين بطريج وعر وشوفي الضحك والوناسه نصيحتي لا تطوفين ولا رحلة

 

[ام أحمدووه]

مشكورة اختي fat على المعلومات
بليز اذا تذكرين اسم الشقة او الفندق اللي قعدتي فيه بقولد كوست بليييييييزضروري تقولين لي