خبيرات الاشغال اليدوية محتاجة خبراتكم!

[*قمر دنياي*]

مرحبا بنات

بنات أبي افكار للأشغال اليدوية للبنات وللأولاد شنو ممكن نقدر نسويه كبرنامج للأشغال اليدوية يوم للبنات ويوم للأولاد وشي مميز ويستفيدون منه ويقضون يوم ممتع ومفيد

مثلا يوم للبنات ويوم للأولاد ويكون البرنامج على مدى 3 ساعات حافلة بالاشغال اليدوية المفيدة المميزة !!!

أبي ارائكم وخبراتكم في هالشي لو سمحتوا ..منو تقدر تساعدني بوضع برنامج شامل !

 

[أشرق الأمل]

قمر دنياي عندج اسفنج لغسيل الصحون تيبينها مع عيون التركيب مع اعواد مصاص مع قطع من الخامات وتسوون اسبانج بوب ...يعني شخصيات الكرتون راح يستمتعون فيها ..:27d66a9c24b146327bf

 

[ام ورود مول]

اشرايج تسوين مع البنات الكب كيك اللي على شكل لولي بوب
ما تحتاجين الا الباوند كيك الجاهز...مع علبة قشطة ولو تشترين اللي على طعم فراولة احلى وقالب الكاكاو اللي تذوبينه مال الصيداوي..اذا اخترتي الكاكاو الابيض احلى عشان تظيفين عليه الوان ويصير شكله حلو ..اعواد خشبية مالت الشوي تلقينه بومية فلس
خليهم يطحنون الكيك بالخلاط او حتى بالايد يصير...ويخلطونه مع القشطة...تكورينهم...بعدين حطيهم بالفريزر 10 دقايق
بعدين ذوبي الكاكاو وغمسيهم فيه...وزينيهم بالمارشمالو او السكر الملون او m&m

وهذا الفيديو من اليوتيوب يعلمج الطريقة

http://www.youtube.com/watch?v=VEhFWu0yGXU

 

[خليجيه وافتخررر]

روعه

 

[بشوره الكويت]

عندج شغلات وايد

للاولاد قوليلهم يمعون علب الاحذيه ويقومون بتزينها وتجليدها لوضع مقتنياتهم الشخصيه

للبنات يقومون بعمل التيجان والباندات وانتي تشترينهم من محلات الكلف التيجان والباندات

وعندج ورود وشرائط يقوموم بتركيب كل وحده بذوقها

وايضاعندج الجوارب ( الدلاقات ) يقومون بتركيب عليها الشرائط او الورود او عندج اشكال ب 100 فلس اشكال متنوعه

وعندج ايضا برواز من خشب الفاضي ويتم التركيب عليه تزين من الجرائد مع الماده الخاصه فيها

تعلمينهم اشلون يسونن علب مزخرفه ومزينه بمناسبه القرقيعان لتقديمها

ايضا عمل بطاقات وكيفيه عملها وهي سهله حتي لو تاخذين المواد الخام من 100 فلس او الصيني محل 600 فلس

او عندج بياع الورود بالسرداب

وهذي بعض من الافكار

ايضا تذكرت عندج الطين الفخار ويسوون اشكال حلوه واذا كري بالي شي اقولج