خبيرات التسوق في باريس

[قصيدة شاعرها]

السلام عليكم
انا رايحة ان شاءالله باريس نهاية 12 :eh_s(9):
وابي تقولون لي اماكن التسوق في باريس وش اللي موجود عندهم موعندنا بالخليج عطورات مكياج اكسسواريز تكفون بنات هذي اول سفره لي لباريس مابي ارجع وفي خاطري شي:eh_s(2):
ابي اماكن تسوق غير المشهورة :eh_s(10):​

 

[شوشو&صوصو]

احلي شي مجمع جاليريا لافيت بس حضري همجة لفلوس كله حصري وجديد غيره لا ولايقصون عليج يقولون لج روحي الاوتلت ويع الصراحه بس طريج علي الفاضي

 

[قصيدة شاعرها]

ماقصرتي حبيبتي بس انا ابي الدواعيس
واذا تعرفين اسامي عطور مميزة هناك​

 

[بنوته كيكه]

نصيحه لا دشين مجمع فيه دواعيس علشان فيه سكرا اهناك

 

[نياره]

للرفع

 

[lavendara]

انا ان شاءالله سفرتي الثلاثا الياي. ،، حتى انا ودي اعرف

 

[Loloki]

غندج شتليت هذي منطقه سنر بس اشياء غريبه عودج حي الصيني

عندج شانز شوفي تدخلين في ماكدونالدز تمشبن سيده تشوفين محل بالزاويه اسمه just cavali
بس غالي بس عجيب انتي لما تروحين تشوفينه وايد ايينن

وعندج مجمع في منطقه لاديفانس وعندج كونكورد كله ماركااات روحي قصر فيرسان عجيب روحي متحف لوفر في مومياء وصورت موناليزا شي حلو روحياه امبجر علشان تمشون ع راحتكم لان اصكرون ساعه ٦ اعتقد *

 

[say yes]

يعنى فرنسا تستاهل العنوه ولا لا ووين احسن مكان للسكن هناك ابي شيء قريب من الاسواق عشان امشي مو كل شوي تاكسي وشنو شي للاطفال حلو

 

[Loloki]

تبين قعدي بنص شانز بس غالي فندق مردين يكون فيها سفاره كويت بس مثل ما قتلج اشنا مو حلوه بالصيف صج راح يكون عرب وناسه بالشتا في اشياء تصكر مثل ملاهي الي بالكنكورد ودزني يعني بس تشوق ومتاحف بسس

 

[ryoonah]

حبيبتي ديزني ماتصكر بالشتاااا وقاعدين يجهزوووون حق الكرسيماس

 

[مخدددده]

|غاليري لافييت
|منطقة الشاتلت << روحيلها بالنهار بالليل موشي كلها خوال تخرع
| ديزني لاند ملابس روعه لليهال
|الشـانزلزيه << غني عن التعريف روعه وتلاقين فيه بوتيكات روعه وماركات + وفي المحلات العايه المعروفه h&m وغيره
وفي بالشاز محل عطورات روعه يم سيفورا تلاقينه هالمحل موموجود الا بفرنسا.,
|الادفانس في اسوق


انا افضل دايما اروح لها شهر 11 & 12 احلا شي بالاكرسمس احتفالات ووناسه الشوارع شرحه ومزينه تيــنن

 

[مخدددده]

علي فكره باريس مو من كبرها تقدرين تفرينها مشي كلها من شارع لي شارع واكتشفي بروحج
واول يوم اخذي الباص السياحي واخذي فكره عنها وعن الشوارع دار مدارج بعدين روحي واكتشفيها مشي الجوو رووعه ويستاهل المشي

 

[شاي ونعناع]

انا في باريس الحين بيييييييه باريس الجو رووعه واحلا الاماكن للتسوق وانتي مغمضه غاليري لافيييييت بس غاااااالي تري كللللللللللله ماركات طوااابق جنط ملابس اطفال ورجال نساء تكرمين احذيه شنو تشترين شتخلللين تحتارين والله وعندج شااااااانز محل لويس فيتون ماركه الجنط اصليه درجه اولي هالمحلات والماركات ومحل سيفورا عجيب شكبره بشانزليزيه راح تحتارين كبيييييير ماراح يخلللونج بس انا ماحب الزحمه اروح سيفورا مجمعات ثانيه سيفورا موجود وااايد بكل مجمعات وعندهم محلات خاصه حق الايفون والكفرااااات مادري وين مكانه بس كفرات رووووعه وفي محل بشانز حق الصوغات حلو دزني ستور طبعا بضاعته مومثل اللي بدزني لاند لا غير بس حلو طبعا اللي بدزني احلا واكبر في محل عطوات يبيع عطورات بس فرنسيه موسيفورا لا بس عطورات فرنسيه وهم روووعه ممممم اي تكونين خسرتي نص رحلتج اذا مارحتي دزني رووووووعه الملابس والبجامات كبار للصغار هالاكسسسسورات والجنط ماتدرين شنو تشترين ودج تخمطين دزني كلها ههههه هذا غير العروض اللي يسووونها روعه احنا قعدنا لي اخر عرض بلييييل روعه مع هاليتاات والشراقيات والاضاءه دخولو كل شخصيات دزني ونااااسه بس نصيحه روحي عندج من الاثنين ليل الجمعه لاتروحين السبت والاحد يع زحمه ماتاخذين راحتج ووناستج فرنسا فيها معالم حلوه وايد عندج متحف شمع لاتفوتينه طبعا ايفل تاور غني عن التعريف اجازه سعيده لج اي سؤال انا حاضره*

 

[شغشغش]

شهر ١٢ في خصوماااات

 

[noorq8i]

السلام عليكم
عندك الأوت لت لافالي محلاته تهبل سواء من ملابس او جناط وعندهم ماركه لانسل جناطها تهبل وهموم وجوده عندنا كل جناطها وأسعار ها زينه موجوده بالاوت لت وفي بمجمع اللاديفانس وبقى ليريا لافاييت وفي محل بالشانزليزيه اسمه المنو بريه بضاعته حلوه سواء ملابس او مكياج
وفي منطقه اسمها تروي من أحلى المناطق اللي رحت لها في فرنسا فيها اكبر أوت لت في أوربا تبعد عن باريس ثلاث ساعات بالسيارة
وبشهر 12 تبدي تنزيلات الكرسمس وبساحة اللاديفانس يسوون معرض يهبل
واللي تحب الهدوء في منطقه بالجنوب اسمها ليون هادئه وحلوه وكل محلات الشان ليزين موجوده فيها

 

[شغشغش]

ما فهمت هل جمله
وهموم موجود عندنا

 

[l0ve]

تروحين وترجعين بالسلامة

 

[قصيدة شاعرها]

لاخلا ولا عدم ماقصرتو وكل شي سجلته عندي تسلموووون