خبيرات التسوق واللي يحبونه مثلي في ماليزيا ارجو مساعدتكم

[البدر2000]

مرحبا بنات
بغيت اسال كم سؤال اللي سافرو ماليزيا ويحبون التسوق مثلي لان صار لي تقريبا كم سنه مارحت ماليزيا
اول شي ابي اسال عن ماركات المكياج الحلوة اللي يجيبونها من هناك ومو متوفرة عندنا ابي اسماءها يعني تكون مجربه واذا في صور ياليت اكون من الشاكرين جدا لها
واذا وحدة تعرف سمعت ان ماركات المكياج عندهم ارخص صحيح او لا وخصوصا فرش ماك عندهم ارخص :080402ask_prv:
ثاني شي سمعت عن فواكه مجففه مميزة عندهم ومكسرات انا ماشفتها او مانتبهت لها من وين شريتوها
زاخيرا دهت العود والبخور من وين اشتريه لان يوصون عليه كثير
بنات ياليت تنزلزن موضوع مشترواتنا بالسفر بالصور
:ssssso: احس اني كثرت اسئلة بس قلت مافي الا منتداي الغالي هم اللي بيفدوني

 

[البدر2000]

بنات شدعوة ماشريتو شي من هناك اغلب بنات المنتدى رايحين ماليزيا وانا لي عنها تقريبا اكثر من 5 سنوات ناسيه واكيد اشياء كثير تغيرت

 

[منووور]

انا برد عليج بس ماعرف احط الصور


شريت مكياج من محل نسيت اسمه بمجمع سانغي وانق اللي بشارع العرب ( مادري كتبت الاسم صح ولا غلط هههههههههه )ومكياجهم رخييييييييييييص وحلو حيل عجبني

المهم وشريت بخور من محل اسمه بن طالب اذا ماني غلطانه كان بصوب ماكدونالدز اللي بشارع العرب

وسامحيني على الاختصار هذا اللي اذكره بس

 

[البدر2000]

يعطيك العافيه عزيزتي جبرتي بخاطري شكلي بسافر والبنات لسه ماردو
المهم ايش اسم الماكياج اللي اخذتيه لان في انواع مو ذاك الزود

 

[ArEEj]

بالنسبة للمكياج انا بصراحه ما احب الماركات اللى مو معروفه بالنسبة لى
فما خذت الا من ميك اب فور افر وهو عموما متوفر بالكويت

وحتى البخور ما خذيت لانه متوفر بالكويت واسعارهم يعنى مو ارخص نفس الشي

سورى اذا ما فدتج

 

[مشتطة وبس]

برد عليج حبيبتي لاني حاسة بشعورج لما محد يرد عليج.......................انا جذي كله حاقريني::::::::::::::::)))))))))))))))))

حبيبتي البخور ودهن العود وايد ينصبون عليج فيه ما انصحج فيه حرام اول شي اغلى وبالكويت اذا غشج تعرفين شلون تعلمينه.هناك شلون؟؟؟؟؟....وبالنسبة للمكياج مثل ماقالت اختي (منوووور)بمجمع سوناي يانغ مادري شسمه اللي مقابل تايم سكوير وبشارع العرب هني في محلات مكياج حلوة ورخيصة.........لاني بصراحة ما اشتري مكياج بالسفر كلش لان الكويت متروسة مكياج- ومو اهتماماتي ........ادري ردي مايبرد القلب بس حبيت افيدج قدر الامكان وسامحيني ع القصور

 

[حـلا و ذوق]

انا رحت ماليزيا وماكنت وايد بالسوق وبالمحلات اللي مو معروفة ..

اغلب شي كان وقتي في البافليون

وتروحين وترجعين بالسلامة

 

[فيفالدي]

مكياجهم مو ذاك الزود صراحه

اما عن البخور بشارع العرب تلقييييييييييين شكثر كشكات رخاص وبخورهم حلو

واذا بتعرفين الززين من الشين انا اعلمج

اول شي شوفي البخور مصبوغ ولالا

ثاني شي من الريحه انتي شميه شوفي ريحه حطب ولا ريحته طيبه
ثالث شوفيه واهو يطبخ يطلع فقاعات على كسرة العود ولالا اذا طلع معناتها زين وطيب واذا ماطلع معناتها ردي
رابع شاره واوضح وحده لا تبخرتي منه شوفي اذا حرق عيونج معناتها خربوطه ومن الردي واذا ماحرق عيونج معناتها بخور طيب
واتمنى اكووون فدتج بشي

 

[البدر2000]

مشكورين للي ردو علي وحدة وحدة
بنات بالنسبة للماكياج فيه نوعيات حلوة يجيبونها البنات وبعضهم يبيعونها مرة حلوة ومو متوفرة عندنا حتى في مواقع تبيعها لها بالنت فقلت باشتريها واشوفها على عيني احسن من اطلبها بس ماني عارفه الزينه فيها
ومثل ماقلتلكم السفرة قصيرة المرة هذي مايمديني افتر لانه تقريبا 7-8 ايام ان شاءالله فقلت ابي اعرف لان انا من زمان مارحت لها واول كنت اطول فيها تقريبا شهر
فاذا وحدة عندها تفيدني وتفيد الينات لان كثير رايحين هالصيف
ويعطيكم العافيه

 

[~ عز ~]

البخور والعود بشارع العرب انا اخذتهم من عند واحد يمني في مجمع بيبي .. عنده خوش دهن عود

 

[البدر2000]

يعطيك العافية اختي عز بكم خذتي التولة

 

[خالة لولو]

هلا اختي
شوفي البخور عندهم كلش موشي ( خربوطي )
واحلي مافي اسوقه ماليزيا اشناطهم وانعالهم عزكم الله
واحلي مجمع البافليون وتايم سكوير احلي شي

 

[bant_q8]

يسلمووووووووووووووووو