خبيرات الججناط الماركه .. تعالو ساعدوني عروس و محتاره

[عيون ملكيه]

قوه بنات


انا عرسي شهر 10

و ناويه اشتري 3 جناط ماركه معروفه

منهم لوي فيتون ...
و الثنتين ابيكم ترشحولي احلى ماركتين ( فلنتينو \ كرستيان ديور \ فندي \ سيلين \ برادا\ فيرساتشي \ روبرتوكافالي)


ما ابي جوتشي لأني ما احبها و لا جوسي كوتور لأنها عاديه بنات انا مريت بوتيك فيتون بالكويت ما لقيت شي جديد و سالت اللي تبيع و ردت علي بنفس خاااااايسه ما ادري متى راح توصل الكولكشن الجديد ...

دورت مثل اللي بالصوره ما لقيتها و وريتها قالت اول مره اشوفها !!!

و هالجنطه لقيتها بالبوتيك بس ما عجبتني اليده مالتها مو حلوه مزعجه شوي

و هاذي شفت منها تقليد درجه أولى عند وحده تنزل بالمعارض على 60 دينار و كل شي معاها :

و هاذي هبة البنات هاليومين :

قديمه صارلها سنه :

و شرايكم بفلنتينو :

بنات ساعدوني بالجديد صج محتاره شنو الشي اللي يسوى اقط عليه فليساتي ؟

على فكره انا يمكن اروح دبي و الرياض و عندي خالتي تدرس بلندن اقدر اطلب منها اي ماركه مو موجوده غير بلندن و مو محدده السعر اذا ممكن تساعدوني

 

[عيون ملكيه]

الفلنتينو مو راضين يتحملون ما ادري ليش !!!!

 

[عيون ملكيه]

 

[عيون ملكيه]

 

[عيون ملكيه]

 

[عيون ملكيه]

 

[عيون ملكيه]

 

[al-musk]

نصيحة حاولي تطلبينهم من بره خصوصا ال lv
لأن دايم بالكويت مشكوك فيهم..

 

[« لُوشَـــا ~]

قلبوووو ,,


لآنك عروس أحسن لك أنك تبتعدين عن المآركآت اللي تقليدهآ كثير
نفس لويس فيتون وفيندي وانتي شايفه بعينك تقليدهم وش كثره

يعني حرآم أنتي عروس تتقارنين بغيرك وهي مو عروس ولآحآجه

لكن عندك مآركة دولتشي آند غبانا حلووه ورآقيه مرررره
وعندك بعد كلوي كلهم جنـآآآن وتقليدهم ماتحصلين والا فيه ينعدون ع الأصآبع

 

[~وريثة الملوكـ~]

شوفي حبيبتي انصحج بس ب فالنتينوو وبس
البااجي لا لانهم يتقلدوون بسرعه

عندج جنااط بول سميث روعه وموسكينو بعد
وفي محل بالافنيووز بالتوسعه الجديدة ماا ادري شسم المحل والله مو طبيعيه اجنااطه
واسعااره غاااليه شوي
رووحي افتري بالتوسعه الجديده رااح تلقين اللي تبينه ان شااء الله

 

[الاماني الحالمه]

فالنتينوو من تجربه روعه وتقليده مكشوف ولوي منزل شنطه لماع شريتها للعيد

 

[مس فيراري]

اول شي مبروك الزواج .
اخذي لج جنطه من سيلين او ميوميو او من شانيل الكلاسيك

 

[CUTE ENGINEER]

سيلين

 

[Yellow Group]

انا ارشح لوي فيتون \ شانيل \ وفلنتينو حيل راقين ويصلحون حق عروس ومبروكين مقدما

 

[Queen_Angel]

انا ارشح ديور - فيرساتشي,,

الكولكشن اليديد حده زوغة من ديوور ومقارب لستايل شانيل في الجلود وصعب تقليده وفيرساتشي تقليده صعب يبين وفيه جناط حلوة..

 

[¨(أميرة مطير)¨]

ألف ألف مبروك والله يوفقج حبيبتي


شوفي ياقلبي والله لو تجيبين التقليد اللي يسمونه درجة اولى وتحطينه يم الاصلي العمي يقدر يفرق , يا حبيبتي الناس تفهم بهالسوالف شخباري اللي يشتري تقليد غير الناس المكشوفة روحي البوتيكات وشوفي شلون الكويتيات يشترون ماشاء الله الوقت تغير الكل صار يعرف بالماركات ودام انتي عروس فشي اكيد الناس عينها عليج وبتدقق على الصغيرة والكبيرة ,,

من رايي شانيل رقم واحد بتجهيزي شريت شانيل الكلاسيك والله صارلي 6 سنين متزوجة بس تتجدد مع السنين هذي عن تجربة ومايروح موديلها , وثاني ماركة لويس فويتون هذي كراااااااااف وعملية وراح تستخدمينها اكثر شي لانها بيسك , وثالث ماركة خيري نفسج بين جيمي شو و مارك جاكوب حدهم راقيين ومو اي احد يلبسهم ,,

وسلامتج ..

 

[MissChoco]

حبيبتي نطري على شهر 9 دام عرسج شهر 10 لانه الموديلات اليديده تنزل باوروبا شهر 8 ,, والكويت جنه شهر 9

وانصحج بلويس فيتون ,, وقوتشي بالعكس اصلا اتهبل واسعارها غااااااااليه ,, والثالثه بربري لانه جناطها اتينن في وحده حاطه عيني عليها هههه بس ليلحين مانزلت الكويت ,, وعندج فرساجي بعد هم حلوه ,, ديوور الحين تصاميمهم صارة مالت حريم كبار !!

 

[عيون ملكيه]

بنات انا باخذ اصلي مو تقليد

بالنسبه لبربري ما احبها هالماركه و جوتشي بعد

شانيل عندي الكلاسيك الاصليه من سنتين شاريتها و لونها اسود و ما راح اشتري لأنها تكفي

بالنسبه لمارك جايكوب ما ادري من عرفت بسالفة عرسه و انا كارهه هالريال ما ادري ليش

اللوي فيتون راح آخذ من لندن
الفلنتينو آنا خذيت الورديه اللي حطيتها آخر شي نفس اللون

موسكينو ناويه امرهم بالثريا قريب

التوسعه الجديده بالافنيوز الشوز ايننون اهناك بس الجناط لحد الحين ما شفت شي يعجبني انا ما ابي كبار ابي شغل حلو و حجمه وسط

بنات نزلولي صور خل اجوف

 

[am_kshaa]

ارشح لج فندى انا تونى رايحه كولكشن حلو
وعندج كارولينا هريرا هالاسبوع يوصل الكولكشن مال الصيف وايد حلو روحى شوفي و طلعى عن الشغلات المعتادة

 

[واقعية حـلـم !]

ما ادري حبيبتي

بس لوي فيتون و فندي و قوتشي ملينا منها كثر ما نشوف تقليدهاااااا


خلج على فالنتينو و ماركة ثانية تكون مميزة



و الله يهنيج